الواقع

[elwaqea1]

تدري وش الي يغسل الدم بالدم

‏لاصار لك جرحين من شخص واحد

‏وتدري وش الي يذبح القلب بالهم

‏لاصار لك معروف بانسان جاحد

[elwaqea1]

والناس تتزاحم على شرب الأنهار

‏وأنا مكفيّني عن الناس بيري

‏ويوم الطيور تهاجر وتقطع أبحار

‏أنا مبرقع داخل الصدر طيري

‏ماني لكل مضيّع دياره ديار

‏وماهو ضروري كلٍ يذوق خيري

‏أنا فدا اللي ينتظرني على نار

‏إن غبت عنه ما يعوّضه غيري

[elwaqea1]

ليتني ما عرفتك وابتليت بهواك

‏بس ما عاد ينفع ليتك و ليتني

‏غلطتي في حياتي يوم أبين غلاك

‏وغلطتك في حياتك يوم خليتني

‏كان قلبي مايبي أحدٍ سواك

‏ضيعت قلبي وفوقها ضيعتني

‏تعمقت فيك وأثر عمقك هلاك

‏بحر وانت في بحر هجرك غرقتني

[elwaqea1]

وش جاك مني خطأ يومك تبيّعنـي

‏في سوق ذقها عليك اسـوقها جيره

‏أنا اذكـر انـك الى من قلـت دلعنـي

‏القلـب هـانت علشـانك مشـاويره

‏يا مشـغل القـلب بين تحبني ويعني

‏شفني عليـك احترق يا سيدي حيره

‏مرات اقـول اتركك لاشـك يمنـعـني

‏شـي يقـول اعـذره وأقبل معاذيـره

‏يمكن مع الوقت اقول محبتك خيره

[elwaqea1]

مره تعاملني بلطفٍ وتقدير

‏ومره تعمد وجعتي يا عشيري

‏تلعب بقلبي لعبه البزر بالطير

‏يضحك وطيره ميتٍ ما يطيري

[elwaqea1]

ماخلقنا الله نداري في بشرها

‏وما تربينا نبادلها الملامه

‏من بغانا ياخذ العين و نظرها

‏ومن تركنا جعل تصحبه السلامه

[elwaqea1]

دور رضا الله .. وريّح ضميرك

ما في رضا الناس لا نار ولا جنة

[elwaqea1]

الله الله يالدروب المستقيمه

‏كيف أجادل واحدٍ ماهوب قدي ؟

‏شرهة العاقل على النفس الكريمة

‏و أحتفظ بالرد في مزحي وجدي

‏يفرح الجاهل ويحسبها هزيمه

‏مادرى عيني لمثله ماتلدي

‏صدتي من بعض خلق الله غنيمه

‏ما يوالف قلبي القلب المصدي

[elwaqea1]

يا كثرهم من حاولوا يهزموني

‏شافوني الأصعب ولا شفتهم شي

‏من حقدهم في كل شي ابتلوني

‏لو أذنبوا في ذنب صار الأثم لي

‏أنا حديث أفواههم لا طروني

‏كابوسهم لا أظلم الليل والضي

عوّدتهم لا من نصوني أحذروني ‏

هيّبتهم لين أعرفوا قيمتي حي

[elwaqea1]

تعال وتذرّى بين غصن الرجا.. والياس

‏تحت جذع صدري لين توقف على حيلك

بعدها تعرف إن الذهب ذاك كان نحاس

ولا فيه أحد كثري من الناس .. صافي لك

‏على سور قلبي لا تغرك جموع الناس

‏ ترا مـا ورا بيبـانـه .. إلا مـداهيلك

[elwaqea1]

تـوك تـجي وتقـول انـك تبـيني

‏وين انت يوم النفس تشكي كدرها

‏كـنت اتـرجى تتـصل يـوم فيـني

‏كنـت بحيـاتي غـير قبـل هجرهـا

‏خـلاص لا تـتعب قدمـك وتجـيني

‏كنت احترم جيتك وصرت احتقرها

‏سبحـان من خـلاك عـادي بعيـني

‏من عقـب مـاكنت تـسوى نظـرها

[elwaqea1]

وش جاك مني خطأ يومك تبيّعنـي

‏في سوق ذقها عليك اسـوقها جيره

‏أنا اذكـر انـك الى من قلـت دلعنـي

‏القلـب هـانت علشـانك مشـاويره

‏يا مشـغل القـلب بين تحبني ويعني

‏شفني عليـك احترق يا سيدي حيره

‏مرات اقـول اتركك لاشـك يمنـعـني

‏شـي يقـول اعـذره وأقبل معاذيـره

‏يمكن مع الوقت اقول محبتك خيره

[elwaqea1]

عوّدت نفسي ماتحسّف على شي

‏لأن العمر ما يحتمل للحسايف

‏بعيش لحظات الفرح دامني حي

‏وبزرع الضحكه بجرد الشفايف

‏ولا ألحق الهقوات شيٍ ماهو لي

‏ولا عدت اجزع من فراق الولايف

‏إن غاب غالي فـ الحزن ياخذ شوّي

‏أيام .. وتروّح علومه طرايف

‏موصيٍ قلبي لا شفت الخطا عيّ

‏امّا تعدلها .. أو تصد عايف

[elwaqea1]

عزّت علي نفسي ولاني بملزوم

‏أقربك من بعد ما رحت عني

‏إلى متى في دربك أطيح وأقوم

‏وأجيك متعني وأرد متعني

‏ليه أتأمل وأنتظر وصل معدوم

‏وليه أتمنى وش يفيد التمني

‏لو إني أدري وش ورا الغيم مقسوم

‏ما كان حبيتك ولا خاب ظني

[elwaqea1]

محد تجي دنيـاه دايـم على الكيف

‏يـوم مـحـل واليـوم الاخـر مـريـفـه

‏لا تلتفت تكثر عليك الـتـحـاسـيـف

‏مـا فـات مـنهـا مـات خـلّـه بكيفـه

‏ترقى بصيتك فوق روس المشاريف

‏وتمشي معك مثل الهبوب اللطيفه

‏إليا اقبلت لمّت شتات الـموالـيـف

‏و إليا ابـعـدت ينسى ولـيـف وليفـه

[elwaqea1]

مانجبرك على وصلنا دام الله مغنيك

‏خلك على وضعك مع الايام تنعاف

[elwaqea1]

صديت عني بدون ماتكتب اعذارك

‏شكيت في نفسي واحسب الخطأ مني

‏جاي تسأل عقب غيبتك وش أخبارك

‏اخاف اقول اني بخير وترجع تصد عني

‏ضيعت من عمري في هوا دارك

‏و أنت ماغير تلعب بي من صغر سني

‏لو كنت ادري وش ورا نواياك و أفكارك

‏ماكان عطيتك فرصه ياللي خيبت ظني