اوتوفوبيا (Autophobia)

  تللك اللحظات التي تمر مثلا مرور البطيخ في البلعوم بعد اكلة كبدة و سجق من البركة To those pierces moments of joy after a horrible stomachache   

[fara7roshdy]

[fara7roshdy]

What if I lived my whole life without expressing my love for whoever I’m going to love, bc it’s not right or wrong or sinful

[fara7roshdy]

The Man In The High Castle

Can we speak about how much Rufus Sewell is great this season !!

[fara7roshdy]

اسبوعين سينما كفاية

اخر لحظة سعيدة مرت عليا هي قبولي في معهد سينما قسم سيناريو، مبدأيا وانا في ثانوية عامة جبت 95 في المية علمي علوم و طبعا محصلتش حاجة إلا ألسن عين شمس قسم انجليزي طبعا عشت اتعس سنين حياتي ،لما طلعت النتيجة كنت عايزة طب بيطري فرقت عنها بدرجة و نص في المجموع وإعلام فرقت عنها بواحد من عشرة فا قولت لاهلي عايزة ادخل معهد سينما قالولي لا وخلصت الحكاية ، بعد التخرج مقدمتش عليه كان همي اجمع فلوس وبتاع عشان اقدر اشتري معدات لتصوير افلام و كده و اشتغلت حاجات كتير بس اهم واحدة كانت مُدرسة ساينس والسنة اللي بعدها اللي هي دي قررت اسيب المدرسة اللي كنت بشتغل فيها  واجري ورا حلمي . ولحد ماسبت المدرسة في شهر6 مكنتش مقررة برضه اني اقدم على معهد سينما خالص و التقديم بيفتح في شهر اغسطس والامتحانات بتبدأ اول سبتمبر ،المهم على اخر 6 قررت اني اقدم عليه وانا احباطات الدنيا جوايا واللي هو هرمي. الزهر و انا وحظي ،وفعلا قعدت اذاكر الشهر ده  وقدمت يوم 29 اغسطسنظام امتحانات المعهد انك بتدخل اول امتحان ابداعي و ثقافة عامة نجحت فيه بتدخل في الامتحان اللي بعده تذوق سينمائي نجحت بتخش اخر مرحلة -مرحلة الوحش- هي الورشة ،في الورشة بتقعد مع دكاترة القسم لمدة اسبوع يهروك اسئلة معلومات عامة و ابداعية و كل اللي تتخيله المهم خلال الورشة كان فيه كام يوم كده كنت بقول انا خلاص مش المفروض اكمل في الورشة اساسا انا لا اصلح وانا لا شئ و فعلا خلاص، كان فيه شباب معايا الله اكبر عليهم سواء في الثقافة او طريقة الرد على الاسئلة نفسها شطار جدا،و في يوم في نص الاسبوع دخلتلنا دكتورة الاقتباس و ادتنا ورقة لنهاية قصة قصيرة و طلبت مننا في خلال نص ساعة نكتب الاحداث اللي قدت إلى هذه النهاية فيما لايزيد عن تلات مشاهد ،النهاية كانت ست لابسة اسود ساكنة على التل في بيت معزول عن الناس بتروح عند البحر ترمي تلات تمرات و تدلدل رجلها عن الشط بعدين بتخش البحر و بتتجرف ..دي كانت النهاية اللي هنبني عليها الاحداث،المهم انا كتبت ان الست دي اسمها رمانة و البحر غرق ابنها و هي شايفة ان البحر لعن و كره نفسه و الناس شايفنها ساحرة و بتغضب على البحر و السمك خلص وبتاع و بيجيها ولد اسمه سبت بيطلب منها تكلم البحر يمكن يحن عليهم و يجيلهم سمكالمهم الدكتورة قالت ايه انا عايزة اسمع الناس اللي مكتبوش عن الغرق و الصيادين👤، طبعا انا اخدت ورقتي و قلبتها و خلاص انا لازم امشي من المكان ده ناوو، فضلت طبعا تسمع اللي معايا و اناقولت خلاص مش هديها حاجة ولا كأني امتحنت اصلا انا مش هتكلم ،فا بتقول مين لسه مقراش مكنش فاضل غيري فا قولتلها انا بس انا كاتبة غرق و صيادين قالتلي لا اقري كله قرا كتابته ،قريت بأحساس اسمعوا القرف اللي انا كتباه ده بعد ما خلصت قالتلي انتي ليه بتقولي انك عادية انتي كتابتيها زي الاسطورة ،وانا خارجة لقيت ولد من الشطار دول بيقولي عجبني اوي اللي انتي عملتيه فا طبعا مجاش في دماغي القصة افتكرته بيقولي على الطرحة عشان كنت مغيرة لفتها😅 اكتشفت انه فعلا عجبته القصة 💪دي كانت لحظة فعلا قلبت كل اللي كنت حاسة بيه و مصدقاه عن نفسيتاني موقف كان اخر يوم في الورشة و المفروض ان خلاص الموضوع محسوم و معروف تقريبا مين ال 8 اللي هيدخلوا ، رئيسة القسم كانت طالبة مننا قصة نكتبها وكنت مقدمة بتاعتي و مسكت قصتي و قالتلي فرح انا عجبتني روفان جدا فا انا طبعا طرت من السعادة ولكنها خطفت هذه السعادة بالجملة التي اعقبتها :بس احنا مش هنقدر نقبل كل المؤهلات العاليا 🙆،طبعا الرسالة وصلتيوم السبت يوم الانترفيو مع عميد المعهد و وكيله و كده و ده كان عليه 30 درجة كل واحد بيتسأل من الدكاترة و بيشوفوا الدنيا ايه انا بقى اتسألت ايه رأيك في منهج الساينس وهل ده ينفع يدرس لطفل عنده 8 سنين و ايه علاقة ده بالسيناريو و قبل ما ارد اتسألت ليه مدخلتيش اخرج و قبل ما اخوض في الكلام نقلوا على اللي بعدي و قعدوا يرغوا معاه كتير طبعا اكتشفت اني متسألتش و روحت فضلت طول اليوم على السرير مش بقوم و تمام انا برا خلاصتاني يوم كنت مقنعة اهلي اني مش مقبولة و المفروض اعرف بقى انا هعمل ايه في حياتي بس في حتة جوا كده قالتلي على الاقل ادعلي انتي من الاول و انتي بتدعي ان ربنا يوقفك للي فيه الخير و سيباها على و انتي فعلا من المرات القليلة في حياتي تعملي اللي عليكي لاخره فا ادعي انك تتقبلي و معرفش منين جاتلي الثقة في قلبي في هتقبل و فعلا لقيت اسمي منور في نص كشف المقبولين، كان بقالي كتير اوي محستش بالسعادة دي بس طبعا الحياة لحظات من السعادة لاني عييت جدا بعدها و دخلت في حوار كبير بس فرحة دخولي المعهد هي اللي خلتني انجز بقى

[fara7roshdy]

Women are made to be loved, not understood.

Oscar Wild