Harun Yahya İnfo Az

[harunyahyainfoaz]

View this post on Instagram

İnsan fitrəti; tamamilə tək, insanlardan uzaq və heç kimə ehtiyac duymadan yaşanacaq həyata uyğun deyil. Allah insanı sevgi, diqqət, insanlarla qurduğu münasibətlər və güvən hissi ilə yaşaya biləcək bir ruhla yaratmışdır. Buna görə də insan sevməyə, sevilməyə, məhəbbətə, paylaşmağa, dostluğa, həmrəyliyə və yaxınlığa ehtiyac duyan bir varlıqdır.

İnsan, bir-birinə dəstək olan, bir-birinin problemləri ilə maraqlanan, yaxşılığa çağıran, pislikdən çəkindirən, qardaşlıq, dostluq və həmrəylik içində yaşayan bir cəmiyyətin üzvü olaraq hüzur tapa biləcək fitrətə malikdir.

Allah Quranda belə buyurur:

"Mömin kişilərlə mömin qadınlar bir-birinin vəliləridir. Onlar (insanlara) yaxşı işlər görməyi buyurur, pis əməllərə qadağa qoyurlar..." (Tövbə surəsi, 71)

Bu ayə insanların bir-birindən tamamilə təcrid olunmuş, yalnız öz həyatını yaşayan fərdlər kimi deyil; bir-birinə qarşı məsuliyyət daşıyan, bir-birini qoruyan, himayə edən və dəstəkləyən insanlar kimi yaşamalarının vacibliyinə işarə edir. Ayədə keçən “vəli” anlayışı yalnız tanışlıq mənasını daşımır. Buradakı məna dost olmaq, dəstək olmaq, sahib çıxmaq, qorumaq və tək buraxmamaqdır.

#möminlər #quran #dostluq #sevgi #ailə #ayə #quran #iman #sevinc #axirət #cənnət #həyat #mömin #müsəlman #əxlaq #gözələxlaq #üstünəxlaq #Allahsevgisi #Allahqorxusu #Allahaimanet #Allah #Allahböyükdür #harunyahya #harunyahyainfo #harunyahyainfoaz

[harunyahyainfoaz]

HƏR ŞEY ALLAH'IN NƏZARƏTİNDƏDİR İman həqiqətləri üzərində düşündükdə aydın şəkildə görürük ki, Allahın diləməsi hər şeyin fövqündədir, baş verən hər bir hadisə Onun nəzarəti və elmi daxilində gerçəkləşir. Qurani-Kərimdə Allah belə buyurur: "O, göyləri və yeri yoxdan yaradandır. O, sizin üçün özünüzdən zövcə, heyvanlardan da (erkək və dişi olmaqla) ciftlər yaratmışdır. O sizi belə çoxaldır. Onun heç bir bənzəri yoxdur. O, hər şeyi eşidəndir, görəndir." (Şura surəsi, 11) Bu ayə həyatımızdakı hər bir hadisənin ən incə təfərrüatına qədər Allahın diləməsi ilə baş verdiyini bildirir. İnsan bu həqiqəti dərk etdikdə, xüsusilə Qurani-Kərimin ayələrini oxuyarkən və iman həqiqətlərini öyrənərkən bunu anlamaq daha asan olur. Lakin gündəlik həyatın qayğıları, qəfil baş verən hadisələr, itkilər, xəstəliklər, maddi və ya mənəvi təhdidlər qarşısında insanın bu aydın baxışı qoruyub saxlaması bəzən çətinləşir. Xüsusilə cana, mala və ya gələcəyə dair bir təhlükə ortaya çıxdıqda, insan zəiflik göstərərək hadisələrin Allahın diləməsi ilə baş verdiyini unuda bilər. Halbuki Qurani-Kərimdə bildirildiyi kimi: "Allahın izni olmadan (heç kəsə) bir müsibət üz verməz." (Təğabun surəsi, 11) Həqiqi iman isə bu həqiqəti HƏYATIN HƏR ANINDA, HƏR BİR ŞƏRAİTDƏ xatırlaya bilməkdir. #iman #bəsirət #həyat #quran #müsəlman

[harunyahyainfoaz]

Qarışqalar ilk baxışda yumşaq toxumalı canlılar kimi görünsələr də, onların bədənləri xitin adlanan dayanıqlı biopolimerdən ibarət ekzoskelet (xarici skelet) ilə örtülmüşdür. Müasir biomexanik testlər bu quruluşun aşağıdakı xüsusiyyətlərini ortaya qoymuşdur:

Həşəratların xarici skeleti kompozit material kimi davranır. O, həm elastik, həm də sərt komponentlər ehtiva edir, zərbələrə qarşı davamlıdır, lakin kritik hədd aşıldıqda mikroçatlar əmələ gəlir və quruluş sürətlə parçalanır.

Bu vəziyyət materialşünaslıqda “kövrək qırılma” (brittle fracture) adlanır. Bu tip qırılmalarda plastik deformasiya demək olar ki, müşahidə olunmur, quruluş bir anda bütövlüyünü itirir və parçalanma qəfil baş verir.

"Ey qarışqalar! Yuvalarınıza girin; Süleyman və qoşunu hiss etmədən sizi qırıb keçməsinlər" (Nəml surəsi, 18)

1400 il əvvəl, qarışqaların daxili quruluşunun və material xüsusiyyətlərinin bilinmədiyi bir dövrdə, “əzilmə” əvəzinə “qırılma” sözünün seçilməsi, Qurani-Kərimin bioloji həqiqətlərlə olan bənzərsiz uyğunluğunu və Allahın sözü olduğunu bizə göstərir.

#qarışqa#elmdünyası#hzsüleyman#böcəklər#quranmöcüzəsi

[harunyahyainfoaz]

Fironun həyatı və qurduğu sistemlər yalnız tarixdə yaşamış zalım bir hökmdarın hekayəsi deyil. Quranda nəql edilən bu hadisələr insanın təkəbbür qarşısında necə korlaşa biləcəyini, güc və məqamın insanı necə zalım hala gətirə biləcəyini göstərir. Firon sahib olduğu hakimiyyətin onu xilas edəcəyini zənn etdi; insanları qorxudaraq, təzyiqlə susduraraq və hiyləgər üsullarla həqiqətin qarşısını ala biləcəyini düşündü. Ancaq sonda aydın oldu ki, insan nə qədər güclü görünsə də, Allahın iradəsi qarşısında acizdir və Allahın onun üçün hazırladığı incə plan qarşısında çarəsizdir.

Fironun ən diqqətçəkən cəhətlərindən biri ona dəfələrlə açıq dəlillər göstərilməsinə baxmayaraq həqiqəti qəbul etməməsidir. Çünki məsələ məlumat çatışmazlığı deyil, təkəbbürdür. Firon həqiqəti gördüyü halda onu qəbul etmək istəməmişdir. Bu gün də insanların bir qismi eyni mövqeni davam etdirir. Mənafelərinə zərər dəyəcəyi üçün həqiqəti görməzdən gələnlər, inananlara zülm edənlər, Allah adına ortaya çıxdığını iddia etsə də zülm və təkəbbürləri ilə insanları Allahın yolundan uzaqlaşdıranlar hər dövrdə mövcud olmuşdur.

#firon#quran#tarix#məqalə#məlumat

[harunyahyainfoaz]

Yer üzünün demək olar ki, hər nöqtəsində insanın gördüyü və ya görə bilmədiyi bir həyat hökm sürür. Dünyada hər hansı bir canlının olmadığı bir yer sanki yoxdur. Hər mühitdə həm mühitlə, həm də bir-birləri ilə tam bir uyğunluq içində çoxlu canlı növü yaşayır. Bir damla dəniz suyundan okeanlara, bir ovuc torpaqdan qitələrə, buzlaqlardan isti su mənbələrinə, torpağın metrlərlə altından nəfəs aldığımız havaya, bədənimizin içindən dərimizin üstünə qədər...

Canlı növləri həm bir-birləri ilə, həm də olduqları mühitlə mükəmməl bir uyğunluq içində həyatlarını davam etdirirlər. Tək bir növün yox olması halında belə bütün ekosistem pozular və tarazlıq alt-üst olar. Yer üzündəki möhtəşəm müxtəlifliyin və mükəmməl nizamın tək bir açıqlaması vardır: Bütün canlı növləri aləmlərin Rəbbi olan Allahın diləməsi və yaratması ilə var edilmişdir. Bunun xaricində bir açıqlama axtarmaq mənasız bir cəhddir.

Yer üzündəki bu növ zənginliyi, canlıların təsadüflər nəticəsində ortaya çıxdığını iddia edən təkamül nəzəriyyəsini qəti şəkildə təkzib edir və tək bir həqiqəti heç bir şübhəyə yer qoymadan sübut edir: Yaradılış.

Dünya üzərindəki həyatın möhtəşəm zənginliyi yalnız xüsusi bir yaradılışın nəticəsidir. Və bu yaradılış üstün güc və ağıl sahibi olan Allaha məxsusdur.

"Bunlar Allahın yaratdıqlarıdır. İndi siz mənə göstərin görüm, Ondan başqaları nə yaradıblar. Xeyr! Zalımlar açıq-aydın azğınlıq içindədirlər." (Loğman surəsi, 11)

#dünya#təbiət#canlılar#yaradılış#elm

[harunyahyainfoaz]

Kainatımızı, içində yerləşdiyimiz Südyolu qalaktikasını, Günəş sistemimizi və üzərində yaşadığımız Yer planetini əhatə edən çoxsaylı qanun, tarazlıq və ölçü var. Bunların hər biri insan həyatına imkan verəcək şəkildə xüsusi hesablanıb və nizamlanıb.

Əslində, kainatda bəşər övladının mövcud olması, həyatını davam etdirməsi üçün, lazım olan şərtlərin hər biri, "ayrı-ayrılıqda" möcüzə xüsusiyyətindədir. Lazım olan milyonlarla şərtin bir yerdə tam cəmlənməsi isə, ucsuz-bucaqsız "möcüzələr zənciri" meydana gətirir. Bir şeyin möcüzə olması isə, əlbəttə, onun Uca Allah dərgahından gəldiyinin dəlilidir. Hər guşəsi ayrı bir möcüzə olan kainat da, çox aydındır ki, onu bənzərsiz elm, qüdrət və sənətlə yaradan uca Allahın əsəridir.

#kainat#qalaktika#təfəkkür#həyat#harunyahya

[harunyahyainfoaz]

Görmək üçün heç bir səy göstərmirsiniz; yalnız görmək istədiyiniz şeyə doğru baxırsınız. Gözünüzə, gözünüzün içindəki hissələrə, gözdən beynə gedən sinirlərə və beyninizə "baxın, görün, bu əməliyyatları yerinə yetirin" əmrini vermirsiniz. Eynilə, yer üzündə yaşayan və yaşamış milyardlarla insan kimi sadəcə baxır və görürsünüz.

Diqqətinizi bir cismin üzərində cəmləşdirib onu aydın görmək üçün göz büllurunuzun cismin uzaqlığına görə alması lazım olan radiusun optik ölçülərini, göz bəbəyinə bağlı əzələlərin çox həssas sıxılma dərəcəsini hesablamırsınız.

Yalnız o cismi aydın görmək istəyirsiniz, qalanı isə saniyənin çox kiçik bir hissəsində sizin üçün avtomatik şəkildə yerinə yetirilir. Bunun nə qədər böyük bir möcüzə olduğu, bu qədər insan kimi, bəlkə də, bu günə qədər sizin də ağlınıza gəlmədi.

#göz#möcüzə#yaradılış#insan#harunyahya

[harunyahyainfoaz]

Kainatda və canlılarda var olan nizam və mükəmməl uyğunlaşma yaradılış həqiqətinin dəlillərindəndir. Bu, son dərəcə açıq, aydın və müzakirəsiz həqiqətdir. Yalnız yaradılmışlar arasındakı böyük uyğunluğu görmək belə vicdanın, bunların bir-birindən müstəqil olaraq təsadüflərlə yaranmayacaqlarını, hamısının tək Yaradıcımız olan Allahın əsəri olduğunu görməsi üçün yetərli olacaq.

Ancaq, vicdanından istifadə etməyən biri eyni anlayışa sahib ola bilməz. Çünki bu qavrayış ağılla qazanılır və ağıl ancaq vicdana uyulduğunda ortaya çıxan mənəvi xüsusiyyətdir.

#kainat#təbiət#canlılıq#yaradılış#harunyahya