ُ @iiilcu - Tumblr Blog

يا قايد الريم ذكراك .. ما غيّبت عن خاطري

ساعـه ..

الروح لك يا ساكن الروح

نزاعـّه .. متى الوصل .. قول

بجيك واسابق الساعة

ياللي على البال .. كل التفاصيل ..

على البال ..

انا وقلبي والهوى بين اياديك

عندك مفاتيح الهنا للضماير

من روحي احبك ومن روحي افديك

يامن غرامه والحِسن فيه ثاير

5alfaisal

ما دام قلبي لك شفوقٍ و ميلاف وراك يا خلي قليل المروفة

قلي عسى ما به على الخاطر خلاف عسى حبيبي ما قصر دون شوفة

لا لا تعسر القلب في كل محراف و احذر يجي عقب المودة حسوفة

دوك الدموع بحاجر العين وقاف لا انت ب ماسحها و لا هي ذروفة

علقتها يا معلق القلب باتلاف و لخاطرك راحت حياتي كلوفة

لي قيل حبي لك به جنون و اسراف قلت اه من يملك لقلبه نكوفه

عز الله اني للمخاليق عياف إلا انت يا اللي هيمت بي طيوفه

وين اودي شوق قلبي والوله

لو غديت بعيد عني ما اسمعك

تملك احساسي وفكري تشغله

ترحل طيوفك وفكري يجمعك

هاك قلبي هاك ليتك تقبله

خذ سنين العمر او خذني معك

انت تالي الحب عندي واوله

من يقول اني نسيتك يخدعك

غير زولك ما على بالي خطر

لو تروح بعيد زولك ما يغاب

في المرايا في السجايا في الترف

كل شي فيني عنهم أختلف

ليه باقي لك وسط قلبي حنين ؟

وليه كل ما أكرهك ما أكرهك ؟

والله لأوردها على كل جمّه

والله لأعلنها على كل مضمار

من كانت العليا طموحه وهمّه

يجيبها لو ضدته كل الأقدار

ليتني ماشفت في عيونك دموع

منظر الدمعه على خدّك هلاك

يا مضوّي في دجى عمري شموع

الحزن ما خِلق لعيون الملاك

أتحمل عنك كل امرٍ يروع

خذ هنا قلبي وخلّف لي أساك

وتقدم لك بقلبي في خشوع

ضحّ به في هيكل الحب لهواك

او تلطّف به وضمّه في الضلوع

علّها تورق غصونه في حماك

من سهومك ما حمت قلبي دروع

والشفا يا روح روحي في شفاك

يالموت لك هيبه تهزّ السلاطين

ولك حزةٍ ماتدري الناس عنها

ولك ضربةٍ تقطع حبال الشرايين

ولك طعنةٍ ماغيرك اللي طعنها

ولك سطوةٍ في الهند والسند والصين

والغرب وبشام الديار ويمنها

ولك صدفةٍ تفجع قلوب المحبين

ولك خطفةٍ ماينفع الحرص منها

هذا انت بس المشكله عنك لاهين

نركض ورى دنيا رخيصٍ ثمنها

ويالله يارب العباد المصلين

اللي يديها بالصدر تحتضنها

رحماك لامن حافنا نازح البيْن

والروح من بين الحنايا مِكنها

هاجوس قلبي مايخلّيني أنساك

أذكرك في نومي على كلّ فاقه

حيث إن مالي رغبه إلا بلاماك

ولالي من الخفرات غيرك عشاقه

يالعفاف المهذّب والحيا والحشيمة

والجمال الحقيقي والوقار المهيّب

كل عينٍ ماتشبع من عيونك كريمة

ما لحسنك شبيه ولا لزينك معيّب

كل فكرة تغنّى فيك فكرة عظيمة

لين راسي يشيب ولين قافي يشيّب

تعبت من القصيد من الجروح من إنتظارٍ طال

تعبت أستقبل طعون الزمن وأربت على كتفه

تعبت من الكلام من السكوت اللي يهدّ الحال

تعبت أكثر من الحزن الذي ما ينتهي عزفه

كتبت من الشعر في كل معنى

ولكن وصف زينك ما بلغنا!

أنا وشلون أوصّف زين روحك

وذاتك حسنها ماقد شهدنا

أشوف الصبح في طلعتك باسم

وبك خجلة غروب الشمس شفنا

تجي مثل الكَرَى سُلطة حضورك

وما تبغيه من حلمٍ حلمنـا

نشيت بعالمي منشا سحابه

يسابق نبتنا فيها زهرنا

أحبّك حب صقّارٍ لطيره

يعاف النوم لو ريشه تثنّى

وأحبك حبّ شاعر للقصـيده

اذا جت ونّ وإن عيّت يونّى

انتِ الهوى كلّ الهوى برد ولهيب

وانتِ الجروح الداميه وانتِ الطبيب

وانتِ العيون اللي سهرت يمّي تراعيني

وانتِ الدموع اللي بكت لأجلي تواسيني

كل الغرام أسمك ..

كل الصور في ناظري رسمك

كل البراءه في هالوجيه انتِ

محبتّك داخليّه في القلب مضمونه

ولا بدّ أصبر على مكنون غربالي

والقلب منك العواذل لو يعذلونه

مايستمع عذل من جاعنك عذّالي

لو للهوىَ شرع في تحكيم قانونه

ما كنت مظلوم في تعذيب ونكالي

شوفك يعالج جروح القلب وطعونه

والموت ياصاح من تعذيبك أشوالي

مايموت الودّ لو مات الكلام

لك مكان وذكريات ولك شعور

Trending Blogs

Recently Viewed Blogs

ُ