Oct 31, 2023
Monday
30/10/2023
3:00pm
فقدت أعز ما أملك بابا حبيبي مشبعتش منك يا حبيبي لسه كنت عايزاك ولسه كنت عايزه اخدك في حضني كنت بتمنى من ربنا أشوفك بخير وكويس وصحتك ترجعلك تاني المرض قضى عليك يا حبيبي واتملك منك بس الحمد لله دي حكمة ربنا وراضيه بقضاءه ، صوتك بيرن في ودني صورتك مبتفارقش عيني في كل ركن في البيت ، البيت وحش اوي اوي يا بابا من غيرك ، عمري ما كنت أتخيل ان ده يحصل بسرعه كده ملحقتش تذاكرلي محاسبه يا حبيبي زي ما اتفقنا ولا لحقت تفرح بيا وانا متخرجه وبشتغل زي ما كان نفسك تشوفني ، بس الحمد لله ربنا ريحك من الألم والمرض، ربنا يجمعني بيك علي خير يا حبيبي في الجنه ونعيمها عمرك ما كنت بتأذي حد يا حبيبي ، ربنا يرحمك يا بابا.
