「 𝙱𝚎𝚗 」

[jamesbustamante]

Mga Pangarap

               Sa dalawang dokyumentaryong aking pinanood na pinamagatang “Kapit sa Patalim” at “Trabaho lang po!”, makikita ang paghihirap di lamang ng mga pilpinong nagtratabaho sa ibang bansa kungdi ang mga paghihirap din ng mga taong may kakaibang trabaho. Tinitiis nila ang hirap makaraos lamang sa pangaraw-araw na pamumuhay.  

Dahil sa kakulangan ng trabaho sa ating bansa, napipilitan silang makipagsapalaran sa ibang bansa dahil sa mga magagandang oportunidad at trabaho doon. Kahit sila’y nababalot ng takot dahil sa maaring mangyari, kinakaya nila ito para lamang sa kanilang mga mahal sa buhay para maiangat sila sa kahirapan.

Sinabi bago matapos ang dokyumentaryo “pero kung may magagandang trabaho lamang sa ating bansa, mas malaki pa ang pakinabang sa husay at galing ng kababayan nating ito”. Dahil sa kawalan ng magagandang trabaho at bilang ng mga unemployed, ang mga taong nagtapos na may propesyon ay nagiibang bansa para lamang makakuha ng magandang trabaho at matupad ang kanilang mga hinahangad na pangarap.

Dahil sa kawalan ng available ng trabaho at magagandang trabaho, may mga taong isinasantabi ang pride makapagtrabaho lamang. Sinasabi nila na kahit ganon ang kanilang trabaho ay wala silang pakielam sa sinasabi ng iba dahil ginagawa nila ito para sa kanilang mga mahal sa buhay. May mga taong tinitiis ito makakain lamang ng tatlong beses sa isang araw at may mga tao namang tinatanggap at minamahal ang kanilang mga trabaho dahil ito nalamang ang pinagkukunan nila ng kanilang ikakabuhay sa pangaraw-araw.

Ako’y nakaramdam ng awa at lungkot dahil kailangan pa nilang makipagsapalaran sa mga gantong trabaho para makaahon sa hirap ng pamumuhay sa ating bansa. Di nila alintana ang mga panganib na maaring mangyari sa hinaharap sa kanilang paglipad papuntang ibang bansa at hirap ng kanilang magiging trabaho. Ngunit sabi ng mga tao sa dokyumentaryong aking napanood, gagawin nila ito para sa kanilang pamilya at sa kanilang mga pangarap.

[jamesbustamante]

Dahil sa Ginto

Sa rehiyon ng Cordillera, kinikilala ito bilang “lupang pangako”. Ang mga tao dito ay namumuhay ng normal hanggang sa isang panganib ang sumubok sa kanilang lugar. Halos 100 katao ang nailibing ng buhay dahil sa pagguho ng lupa sa Itogon Benguet dahil sa kasagsagan ng Bagyong Ompong. Naapektuhan ng paguho ng lupa ang mga pamilyang naulila ng mga biktima ng kalamidad.

Labis na pagmimina na nagreresulta sa paglambot ng lupa ang naging dahilan kung bakit nagkakaroon ng landslide. Pagmimina lamang ang pangunahing pinagkakaitaan ng mga taga Itogon upang may panggastos sila sa kanilang pang-araw. Kaunti rin lamang ang kanilang kaalaman sa maaring epekto ng labis na pagmimina

Dahil sa pagguhong nangyari, hindi lamang buhay ang nawala kundi ang mga pangarap at kagustuhang mamuhay ng mga tao ng normal sa mundong ibabaw.

Mula sa dokyumentaryong aking napanood na pinamagatang “Hukay”. Ako’y labis na nakaramdam ng lugkot at takot dahil sa pangyayari na nangyari sa kasagsagan ng kapanahunang iyon. Sana ito'y maging aral sa ating lahat na kailangan natin alagaan ang kalikasan upang mabawasan ang kalamidad o panganib na hatid ng kalikasan

[jamesbustamante]

Panganib Dulot ng Kalikasan

Isa sa mga malaking problema di lang ng ating bansa kundi ng buong mundo ang suliranin sa kalikasan o pangkapaligiran. Mayroon tayong ahensiya ng gobyerno na nagbabantay at nagbibigay ng balita tungkol sa ating kalikasan kung may parating na kalamidad o wala. Meron man tayo nito ngunit hindi natin maiiwasan ang pagdating at dala nitong panganib sa ating buhay.

Ang epekto nito sa isang bansa ay maraming likas na yaman na pinagkukunan ng yaman ang maaring masira at may posibilidad na bumagsak ang economiya nito. Sa tao, mapupunta ang kanilang mga buhay sa panaganib dulot ng kaamidad na parating. Maari din masira ang kanilang mga ari-arian na pwedeng magresulta sa pagkawala nito.

Makakatulong tayong mga tao sa bansa kung tayo’y makiking sa mga panukala ng pamahalaan tuwing may kalamidad na parating. Ang paglikas ay makakatulong di lang sa kanila kundi para din sa atin dahil tayo ay magiging ligtas. Maari tayong makatulong di lang sa bansa kundi sa iba ring tao kung tayo ay magbabayanihan.  Isa sa rason kung bakit nagkakaroon ng kalamidad ay dahil sa ating maling gawain sa kapaligiran. Ang pagbawas sa basura o sa poluysong dulot natin ay isa sa mga solusyon upang maiwasan ang mga matitinding kalamidad at isa rin ito sa mga maari nating maiambag sa bansa.

Sa kabuuan, hindi natin alam kung kalian parating ang mga kalamidad na ito, nasa kilos din nating mga tao ang posibilidad na pagdating ito. Nasa ating kamay kung ano ang mangyayari at ang panganib na dulot ng kalikasan.

[jamesbustamante]

Reaksyon sa Kanta

Gary Granada. Isang pangalan na aking nakilala dahil sa kaniyang kanta na pinamagatang Once Upon a Tune. Siya ay isang singer-songwriter na nakilala dahil sa kaniyang mga kanta na may konsepto na tungkol sa pulitika.

“Sampung mga daliri panay malilikot, nangangalabit, nandidikta at nangungurakot” isang linya mula sa kantang isinulat ni Gary Granada na pinamagatang Once upon a Tune. Sa nilalaman ng kantang ito, tinutukoy nito ang mga isyu tungkol sa ating gobyerno. Korupsyon,refused proposals, at vote buying ang mga halimbawa ng mga isyu na nabanggit sa kaniyang kanta na hanggang sa kasalukuyan ay atin paring pinoproblema.

Habang pinapakinggan ko ang kanta, kapansin-pansin na ang kaniyang kanta ay kaparehas ng tono ng mga pambatang kanta tulad ng bahay kubo, sampung mga daliri at iba pa. Ang linya ng kaniyang kanta ay may “patama” sa ating gobyerno tulad ng “bahay kubo nung tumakbo ay naging palasyo ng makaupo” at “kapag ang taong bayan ay may problema, dalawang tenga, dalawang mata, laging nakasara” tinutukoy ang mga opisyal na hindi pinapakinggan ang mga hinain ng kaniyang taong-bayan.

Nabanggit din refused proposals at pagbibili ng boto o Vote buying na hindi dapat ginagawa at ipinagbabawal sa batas ngunit meron paring mga taong hindi sumusunod at mga botane na ipinagbibili ang boto.

Sa kabuuan, ang kantang Once Upon A Time ay tungkol sa mga maling gawain at ginagawa ng ating pamahalaan.