Araw ng Kagitingan

[kagitinganph]

"Bataan has fallen. The Philippine-American troops on this war-ravaged and bloodstained peninsula have laid down their arms. With heads bloody but unbowed, they have yielded to the superior force and numbers of the enemy."

Third Lieutenant Normando Ildefonso Reyes on the Voice of Freedom radio broadcast from the Malinta Tunnel in Corregidor island, across Bataan

[kagitinganph]

Abril 9, 1942

Ito ang araw kung saan ang alyansa ng Pilipinas at Amerika sa tangway ng Bataan ay sumuko laban sa mga Hapon noong ikalawang digmaang pandaigdig. 

Nagsimula ito ng bombahin ng mga Hapon ang himpilan ng U.S. Naval noong Disyembre 7, 1941 na naging hudyat ng pananakop ng mga Hapon sa bansang Pilipinas. Sa loob lamang ng isang buwan ay kanilang tuluyang nasakop ang Maynila kung kaya’t minabuti ng mga sundalong Pilipino at Amerikano na magtungo sa tangway ng Bataan. Sa tatlong buwan ay sinubukan ng alyansa ng Pilipinas at Amerika na makipagdigmaan at manatiling buhay, ngunit ang kanilang mga pangangailangan upang manatiling buhay at ang mga karamdaman na lumaganap sa mga sundalo ay naging dahilan upang sila ay manghina at tuluyang sumuko sa pakikipaglaban kontra sa mga Hapon.

[kagitinganph]

Sa pagsuko ng higit kumulang na 75,000 na sundalong Pilipino at Amerikano, sila ay sapilitan na pinaglakad ng mga Hapon mula Bataan hanggang Pampanga na may layong 65 na milya. Ito ay nagtagal ng limang araw, at tinatayang mahigit kumulang 20,000 ang nasawi sa tinatawag na Bataan Death March dahil sa gutom at pagmamaltrato ng mga sundalong Hapon.

[kagitinganph]

"I shall return"

General Douglas MacArthur

[kagitinganph]

Bago pa man tuluyang masakop ng mga Hapon ang Pilipinas noong April 9, 1942, isa si Heneral Douglas MacArthur sa mga namuno sa mga sundalo ng Amerika at Pilipinas sa tangway ng Bataan. Ngunit sa pag-uutos ng Presidente ng Estados Unidos na si Pres. Franklin Roosevelt ay kaniyang nilisan ang Pilipinas at nangakong babalik upang iligtas ito sa pananakop ng mga Hapon.

February 8, 1945

Sa kanyang pagbabalik ay nabawi ng alyansa ng mga sundalo ng Pilipinas at Amerika ang tangway ng Bataan.

[kagitinganph]

[kagitinganph]

Ginugunita ang Araw ng Kagitingan dito sa Pilipinas sa Mt. Samat sa Bataan kung saan matatagpuan ang dambana ng kagitingan. Tuwing ika-9 ng Abril ay pumaparada ang mga dating sundalo na nakaligtas mula sa ikalawang digmaang pandaigdig at dinadaluhan  ng pangulo ng Pilipinas, gobernador ng Bataan at mga embahador ng Estados Unidos at ng Japan.

Ang Araw ng Kagitingan ay ginugunita sa Estados Unidos tuwing ikalawang araw ng linggo ng Setyembre at ito ay isinasagawa sa Maywood, Illinois dahil dito namamalagi ang ika-192 na tank battalion na ginamit upang depensehan ang Bataan. 

[kagitinganph]

Karagdagang Kaalaman

⦿ Si dating Pangulong Marcos ang nagutos na itayo ang dambana ng kagitingan sa Mt. Samat sa Bataan noong 1966 dahil sa lugar na ito naganap ang matinding labanan noong WWII. Natapos ito sa taong 1970. 

⦿ Tinuturing na isa sa pinakamahabang digmaan ang naganap sa Bataan sa pagitan ng sundalong Pilipino at Amerikano laban sa mga Hapon sa kontinente ng Asya.

⦿ Ang Pilipinas ang kahulihang bansa sa timog-silangang Asya (kabilang sa Singapore, Malaysia at Indonesia) na sumuko sa pananakop ng mga Hapon.

⦿ Sa taong 2021, ay mayroon na lamang na 2,952 na manananggol ng Bataan ang nanatiling buhay. 

[kagitinganph]

Ang kahalagahan ng paggunita ng Araw ng Kagitingan ay upang sariwain sa ating isipan ang pagkabayani ng libo-libong Pilipino na inaalay ang kanilang buhay upang tayo ay maging malayang bansa noong panahon ng ikalawang digmaang pandaigdig.  Ito ay pagbibigay karangalan sa mga taong nagbuwis ng kanilang buhay upang makamit ang kalayaan ng bansa na mayroon tayo ngayon. 

[kagitinganph]

"We never celebrate the Fall of Bataan. We commemorate the Fall of Bataan. We remember"

Dr. Ricardo Jose, Historian