Prabayekti

[kawya-blog]

Kasusastran Jawa lan Sikap Tinarbuka

Ana ing owah gingsiring kasusastran Jawa, adu pangajab, adu pamanggih pamanggih wus dudu barang kang aeng. Mung pitakonane: sepira prelune kanggo sastra Jawa dhewe?

Awal Juni 2016, harian Solo Pos macak tulisane Sugeng Wiyadi kanthi irah-irahan “Kemana Perginya Pulung Sastra Jawa?”. Dosen Unesa kang kawentar kanthi sesinglon Keliek S.W. iki mbabar pangangen-angene bab Solo ing wuri, gayutane karo sastra Jawa. Keliek nganggep pulung sastra Jawa nate tumurun ing Solo. Mula dheweke ngangkah pulung iku bisa digawa bali maneh myang Solo.

Tulisane Keliek, kang sebanjure diunggah ing medhia sosial, banjur nuwuhake maneka tanggepan saka sutresna sastra Jawa. Redaktur budaya Solo Pos, Ichwan Prasetyo, lantaran medhia sosiale ngajak sok sapaa nganggepi tulisane Keliek. Sok sapaa sumangga ngramekake rerembugan alias polemik bab “pulung sastra Jawa”. Sawise iku jeneng-jeneng kaya dene Dhanu Priyo Wibowo lan Bonari Nabonenar urun wicara ana ing kana.

Tulisan iki dudu arep mbabar maneh bab pulung sastra Jawa, apa dene Solo. Sanyatane, polemik bab pulung sastra Jawa kalebu babagan kang ora patiya wigati dibahas gayutane karo perkembangan sastra Jawa.

Apa ta sajane kang dibutuhake sastra Jawa saiki?

Kasunyatan sastra Jawa jaman iki yaiku Jawa wis ora kapusat. Jawa wis dudu Yogyakarta lan Solo. Kasusastran Jawa jaman iki uga nyebar ing Tegalan, Penginyongan (eks-Karesidenan Banyumas), Bojonegoran, lan Surabayan. Saben dhaerah kasebut ana kang duwe pawongan, organisasi apa dene medhia massa kanggo nggebyarake kasusastran Jawan ing dhaerahe.

Saben dhaerah kasebut uga duwe corak dhewe ing kasusastrane. Upamane Tegalan. Tegalan duwe gaya basa dhewe kanggo unjuk kaprigelan ing olah sastra. Bukti sahihe yaiku Lanang Setiawan, sastrawan Tegal kang ginanjar Rancage Award ing bidang pengembangan sastra Jawa dialek Tegalan.

Penginyongan uga duwe kalawarti Ancas minangka sarana nyalurake asil olahing sastra. Taun iki bae kawasan Penginyongan arep nganakake Konggres Penginyongan. Konggres iki sedyane minangka pra-Konggres Basa Jawa VI lan uga ngrembug lumakune sastra Jawa Penginyongan sebanjure.

Tuladha ing ndhuwur cetha-cetha mituduhake menawa saben dhaerah ing Jawa sajane duwe potensi kanggo ngembangake kabudayane, kalebu kasusastrane. Iki babagan kang wigati kanggo Jawa sangarepe.

Ing jaman kang tansah ngalami owah gingsir, kabudayan Jawa sacara makro mbutuhake sangga kang kuwat. Yen ta sanggane bae kapusat apa dene mung pirang iji, kabudayan Jawa gamppang rubuh. Gampang dijuwing.

Mula metune saben dhaerah ing olah kasusastran Jawa, miturut carane dhewe-dhewe kalebu adi-sasmita kang kudu ditanggepi dening para sutresna Jawa. Iku nuduhake yen ta kasusastran Jawa pancen berkembang apik.

Pikiran-pikiran kang ngugemi sastra Jawa kudu kaya ngene, kudu kaya iki sejatine kudu dibuwang. Apa sebabe? Ya ora liya mau yen ta saiki jamane tansah ngalami owah gingsir. Mula, wus samesthine Jawa njamani.

Kaidah-kaidah babagan budaya Jawa dhewe prayogane uga kudu rinubah. Jawa kudu siyap nampa, nglebur kabudayan saka njaba kang rinasa prelu kanggo laku sabanjure. Nanging pemutane: eling lan waspadha.

Eling yen ta Jawa iku kabudayan tuwa, kabudayan kang oyode jero. Ora kabeh kawruh, paham saka njaba bisa langsung patrap. Mbokmenawa butuh waktu, mbokmenawa butuh cara-gabung kang beda-beda.

Saliyane iku uga kudu waspadha mring kabudayan sanjabane Jawa. Sabab kabudayan duwe plus-minus. Mula kudu disetiteni kepiye guna kabudayan njaba iku mring kabudayan Jawa dhewe.

Kanthi sikap tinarbuka iku. pengembangan budaya Jawa salumrahe temu-gangsar. Kamajuane nemu dalan jembar lan lancar. Sikap iki kang prayogane kudu dinarbe dening sok sapaa kang ngaku sutresna Jawa.

Saka sikap tinarbuka mring kabudayan sanjabane Jawa, Jawa bisa ambyur ing jagad kabudayan global. Jawa bisa urun rembug, matrapake dhirine ana ing dharatan akbar kabudayan global. Dadi, bisa diarani yen pikiran-pikiran kuna kaya ta kabudayan Jawa bakal dilindhes budaya manca iku sajane ilusif.

Para leleluhur wis nuladhani laku tinarbuka iku lumantar kitab-kitab agung asil saduran saka karya sastra manca, kaya ta kakawin Ramayana lan Bharatayudha. Kitab kasebut dadi gegaran carita wayang kang isih lestari nganti sepriki.

Candi-candi kang kukuh-jejeg saindhening tanah Jawa, uga ora bisa kalirwakake minangka adi-tuladha. Tetilaran luhur kasebut mbuktekake prigele janma Jawa ngadani panunggalan watara budaya Jawa lan budaya manca.

Pranyata, janma Jawa ing wuri uga wis maju pamikirane. Saiki kita, minangka panerus, arep kepiye: arep saderma nampa waris apa manunggalake tekad kanggo nglestarikake-ngembangake warisan kasebut?

Rasa-rasane, jawaban saka pitakonan kasebut nora prelu nunggu tumibaning pulung apa dene nebar ontran-ontran aran polemik iku.

Banyumas, 2016

RJ��'[l���

[kawya-blog]

Pulung Sastra Jawa itu Telah Jatuh di Barat

Beberapa esai sastra Jawa di Solo Pos akhir-akhir ini membahas mengenai pulung sastra Jawa dan Solo itu sendiri dalam kaitanya dengan kebangkitan sastra Jawa. Benarkah pulung sastra itu akan kembali ke Solo? Atau benarkah dengan atau tanpa pulung, Solo akan memrakarsai kebangkitan sastra Jawa?

Setidaknya, izinkanlah saya membabar bahwasanya bahasa Jawa tidaklah satu macam. Ia memliki beberapa jenis dialek, antraa lain yaitu Yogyakartan, Surakartan, Tegalan, Penginyongan (Banyumasan), Bloran, Surabayan, Osing, dan lain-lain. Namun memang bahasa Jawa yang diakui sebagai bahasa Jawa yang resmi adalah dialek Yogyakarta-Surakarta atau Jogja-Solo.

Pembelajaran bahasa Jawa di sekolah-sekolah di Jawa, khususnya Jawa Tengah, DIY, dan Jawa Timur menggunakan bahasa pengantar bahasa Jawa resmi (dialek Jogja-Solo). Mereka yang sehari-hari berbahasa Penginyongan (Banyumasan), sebagai contoh, mau tak mau dalam studinya harus memelajari budaya, bahasa, serta sastra Jawa yang sama sekali berbeda dengan budaya, bahasa, maupun sastra dalam kehidupan kesehariannya.

Inilah ironi dalam budaya Jawa. Telah terjadi pemberangusan hebat terhadap kekayaan lokal. Maka, mau tak mau mereka yang di luar Jogja-Solo selalu hadir sebagai manusia ambang antara budaya lokal sendiri, dengan budaya yang diakui secara resmi dan dimilikkan untuk mereka.

Untungnya, dalam waktu-waktu belakangan, kesadaran akan jati diri; lokalitas mengalami penguatan. Ada beberapa daerah yang begitu apik menampilkan “kekayaan Jawanya”.

Di Tegal, Lanang Setiawan secara tekun berolah diri mengupayakan mekarnya bahasa Tegalan. Berbagai genre sastra Jawa diolahnya sedemikian rupa menggunakan bahasa Tegalan. Tak heran, Yayasan Rancage mengganjarnya dengan pengharagaan bidang pengembangan kebudayaan pada tahun 2011.

Tak jauh dari Tegal, Penginyongan atau yang dulunya disebut Banyumasan, juga sedang menampakkan taringnya. Tahun 2010, budayawan Banyumasa Ahmad Tohari dkk menerbitkan majalah berbahasa Penginyongan, yakni Ancas.

Dalam kurun waktu enam tahun, Ancas telah menjadi media berekspresi bagi siapa saja yang hednak berolah sastra Jawa ala Penginyongan. Memang, belum muncul sastrawan Jawa yang kuat dari Penginyongan. Akan tetapi, Ancas secara  efektif telah menyemai benih-benih sastrawan daerah kuat itu, yang diharapkan akan muncul dalam waktu yang tidak lama lagi.

Tentunya polemik pulung sastra Jawa dan Solo telah mengundang gairah dari berbagai pihak untuk menuliskan pemikirannya. Banyak harapan bahwa Solo akan kembali jaya dalam daratan akbar sastra Jawa. Bahwa pulung sastra Jawa akan kembali ke Solo.

Pulung biasanya akan jatuh pada mereka yang siap. Seperti halnya keberhasilan yang harus disambut dengan kesiapan yang mantap. Apakah Solo sudah siap bilamana pulung itu benar-benar hadir mendatanginya?

Saya rasa Solo siap. Tetapi ada juga daerah lain yang tak kalah siapnya. Daerah tersebut yakni Penginyongan. Mengapa Penginyongan?

Secara kesejarahan, Penginyongan merupakan cikal bakal bagi Jawa. Kerajaan tertua di Jawa, yakni Galuh Purba, tereletak di Banyumas. Bahasa Jawa tertua atau bahasa Jawa Kuna secara lebih lanjut juga masih terlestarikan di sini dan dikenal sebagai bahasa Penginyongan. Jadi dapat dikatakan, Penginyongan adalah daerah yang paling tua di Jawa.

Dalam bergulirnya roda sejarah, Penginyongan memang meredup lama sekali dari khazanah kebudayaan Jawa. Apalagi setelah munculnya bahasa Jawa gagrak baru, bahasa ini semakin terpinggirkan.

Arah kebangkitan Penginyongan, seperti yang sudah diuraikan, dimulai sejak tahun 2010. Diawali kelahiran majalah Ancas, setapak demi setapak Penginyongan mengukuhkan jati dirinya.

Tiap tahunnya Ancas secara rutin mengadakan lomba cerkak-geguritan Penginyongan bagi kalangan pelajar di kawasan Penginyongan. Pada tahun 2014 saja, majalah ini menerbitkan antologi cerkak berbahasa Penginyongan dengan judul Karcis Nggo Ramane.

Tak hanya di media cetak saja Penginyongan menguatkan jati diri. Akhir tahun 2015, bupati Banyumas, Achmad Husein, meresmikan kelahiran aplikasi kamus bahasa Jawa dialek Banyumasan. Aplikasi ini kian memperluas khazanah budaya Penginyongan untuk semakin dikenal secara lebih luas.

Perubahan istilah Penginyongan sendiri juga bukan sesuatu yang asal-asalan. Pada April 2016, bertempat di Universitas Jenderal Soedirman (Unsoed), Ahmad Tohari dan beberapa pemerhati budaya Penginyongan mencetuskan dirubahnya istilah bahasa Banyumasan menjadi bahasa Penginyongan. Pencetusan ini juga dihadiri oleh Kepala Balai Bahasa Provinsi Jawa Tengah, Pardi Suratno.

Dari sini kita bisa melihat bahwa Penginyongan adalah suatu daerah yang sangat siap untuk menerima pulung sastra Jawa tersebut. Bahwa pulung itu, apapun hendak ditafsir maknanya dalam konteks kekinian, tak jadi soal. Kebangkitan sastra Jawa telah jadi keniscayaan.

Penginyongan telah memulai kebangkitan itu. Lalu, apakah dengan ini, mari kita kaitkan dengan polemik: apakah pulung sastra Jawa yang diperdebatkan di Solo ternyata sudah jatuh ke barat, ke suatu daerah tua di Jawa, tempat bahasa Jawa memulai perjalanannya?  

 Purwokerto,    2016

[kawya-blog]

Ndaru neng Langit Penginyongan

Dhewek kabeh ngenal basa Jawa sepisanan mawi cara sing manut dhaerahe dhewek-dhewek. Umpane neng tlatah eks-Karesidenan Banyumas, ya basa Penginyongan. Neng eks-Karesidenan Tegal, ya basa Tegalan. Basa kasebut diarani uga basa ibu. Basa sing sepisanan ditepangna daning biyung.

Ningen, pewiyatan ngenalaken basa Jawa sing liya. Basa Jawa sing deanggepe lewih resmi yakuwe, basa Jawa cara Jogja-Solo. Basa kuwe dienggo pinangka bahasa pengantar neng pelajaran basa Jawa.  

Njuran, apa ana sing kleru? Ana sing oyag-ayeg sekang kesunyatan kuwe?

Ndilalahe kaya sing derembug neng ndhuwur, Jawa ora mung cara Jogja-Solo. Mulane nek depikir, kayong ana “pemaksaan” rikala ngajarna basa cara Jogja-Solo neng tlatah sing basa ibune dhialek non-Jogja Solo. Sebab, pedinane basane sing dienggo dudu cara Jogja-Solo, ningen sing kudu desinaoni nganti gemati koh basa sing babarpisan ora dienggo kanggo gunem karo keluwarga, kanca, lan tangga-teparo.

Jane ya bisa bae dejawab ora papa lah. Ningen kesunyatan abad 21 jebul nggegirisi. Budhaya manca sengsaya akrab bae unggal dinane.

Basa Jawa sing duwe cara dhewek-dhewek (kekhasan) ing saben dhaerah wis ketenet daning basa cara Jogja-Solo, kudu nampa uga sengsaya ditenet daning budhaya manca. Umpanae koh arep ngejorna, sinawane wis patut: basa Jawa dhialek mlebu museum bae!

Ndilalahe, kersane Gusti Allah, egin ana wong-wongan sing temen aring budhayane dhewek. Khususe neng Penginyongan kiye, sing depanggoni dhewek kabeh. Ora bisa debayangna umpamane koh padha jor-joran aring budhayane dhewek.

Henk Meijer, guru besar (profesor) Universitas Leiden, tau takon aring Ahmad Tohari, “Kang, deneng rika ora gawe Ronggeng Dukuh Paruk basa Penginyongan?”. Seklepat, thukul rasa-rumasa lamona wong manca bae pikirane tekan ngonoh gole nggatekna budhaya Penginyongan.

Sekiye, Ronggeng Dukuh Paruk basa Penginyongan wis kawetu. Sumbangan sing ora baen-baen sekang Ahmad Tohari. Apa mening taun 2010, dheweke nggagas anane majalah basa Penginyongan aran “Ancas”.

Kalawerta sing terbit sewulan sepisan kuwe gedhe manpangate kanggo leluri budhaya. Sebab kalawerta bisa dearani “alun-alun kebudhayan”. Sapa bae bisa teka aring ngonoh. Klekaran uga nyawang rupa-rupa budhaya Penginyongan.

Tekan semene, ujarku ora ana inovasi mening kanggo budhaya Penginyongan. Alah sapa jere, Dinas Pariwisata, Olahraga, dan Kebudayaan (Dinporabudpar) Kabupaten Banyumas duwe niyatan apik gawe antologi guritan lan cerkak Penginyongan.

Antologi guritane denei irah-irahan “Inyong Sapa, Rika Sapa”. Ewadene, antologi cerkake duwe irah-irahan “Kembang Gunung Tugel”.

Nganti sekiye, durung ana cathetan sing mligi ngrembug lajune, maju mundhure dunya sastra Penginyongan. Esih tembe wujud crita sekang para sastrawan utawa pelaku sastra Penginyongan. Muga bae, ngemben-ngembenane bisa dewujudna buku sing ngrembug prekara lajune dunya sastra Penginyongan.

Mawi anane antologi guritan lan cerkak Penginyongan kiye paling ora bisa kanggo ngenalna sapa bae jane wong sing esih gelem cawe-cawe ngleluri budhayane dhewek. Sekang antologi kiye, uga bisa dadi srana srawung wetarane pegiyat sastra Penginyongan karo masarakate dhewek.

Mulane, antologi kiye patutan denei tanggepan sing apik. Antologi kiye uga bisa dearani laku sepisanan kanggo nggayuh pengimpen mekare budhaya Penginyongan. Sebab, wis dengerteni kabeh lamona  kesusastran Jawa lewih akeh detulis nganggo cara Jogja-Solo, lan lewih akeh sing mijil sekang kana.

Ahmad Tohari tau mblakakna jere Babad Kamandaka bae detulis nganggo basa bandhekan (cara Jogja-Solo). Jelas bae kesunyatan kuwe dadi kahanan sing gawe prihatin. Enggane wong Penginyongan apa ora teyeng gawe kesusastran gagrake dhewek?

Kayonge pertakonan kuwe nemu jawabane sekiye lantaran anane antologi “Inyong Sapa, Rika Sapa” lan “Kembang Gunung Tugel”. Antologi kuwe minangka bukti nek wong Pengonyongan uga wong sing berbudhaya adiluhung.

Prelu dengerteni kabeh sinawane basa Penginyongan kuwe basa sing esih nglestarikna cara basa Jawa Kuna. Apa buktine?

Tembung inyong, kuwe biyen-biyene sekang tembung aran “ingwang”. Lha dhasar ilate wong Jawa, sing maune game watch bisa dadi gimbot, ingwang sidane dadi inyong. Apa maning secara geografis, neng dhaerah Penginyongan kuwe tau ngadeg kerajaan sing bisa dearani cikal-bakale kerajaan neng tanah Jawa, yakuwe Galuh Purba.

Wis semesthine, wong Penginyongan kuwe berbangga cara dene dhaerahe kuwe bisa dearani tlatah aji, panggonan kang deajeni. Nengapa dhaerah liya esih ngangung-ngagungaken kesusastraan neng Jogja-lan Solo, lan ora tau nganggep ajine kesusastran sing lewih tuwa?

Mbokmenawa sekang nggone dhewek bae durung ana sing bisa depamerna. Lha sekiye, mawi anane antologi guritan lan cerkak Penginyongan, laku sepisanan nuju aring pengimpen Penginyongan sing aji demolai.

Jelas bae kiye nembe laku sepisanan. Esih akeh laku-laku sing kudu delakoni kanggo mekarna, nguncarakna budhaya Penginyongan. Upaya kiye dudu mungan niyatan dadi budhaya unggul wetara gelaran budhaya neng jagad raya. Ningen, sekang upaya kiye mayuh ngetokna jati dhiri Penginyongan minangka dhaerah sing berbudaya neng gelaran urip sing sekiye sarwa modern, sarwa teknologi.

Klilan.

Purwokerto,    2015

�*���T

[kawya-blog]

Lintang Prabayekti

Segara kang tumiba ing pangkonmu

dikebaki swara-swara peksi

gumebyur ombak, lan teja

saka bagaskara kang nentremake

 Aku mapan minangka apa kang

dadi pangarepmu: mangka

 kebaki atiku kanthi guyumu

dimen langit sore kuwawa

nyamaptakake sangu angumbara

 kang sejatine wus mapan

ana ing netra

 netra

ana ing parasmu

 Purwokerto,    2015

(Dipublikasikan di majalah Jaya Baya, edisi November akhir)

[kawya-blog]

Regenerasi Sastra Jawa

Surute begawan sastra Jawa, Suparto Brata, dumadi pawarta kang gawe kagete para sutresna sastra Jawa. Sapa maneh kirane pawongan kang teteg ngurip-uripi sastra Jawa kaya dene panjenengane? Mangkana, kira-kira, pitakonan kang tuwuh ing dhasaring ati para padhemene Pak Parto, timbalan akrabe Suparto Brata.

Ora let suwe, kabar duka prapta maneh. Tumekane saka bumi Ngayogya, yeku sastrawan aran Djaimin katimbalan, surut ing kasidan jati. Asmane Djaimin temtu dudu asma kang nembe keprungu. Sastrawan Jawa, utamane kang wis suwe anggone mrangguli donyaning kasusastran Jawa, mesthi tepung panjenengane. Ya, panjenengane pancen klebu angkatan sepuh ing donyaning sastra Jawa.

Surute rong sastrawan sepuh Jawa kanthi wektu kang arep bebarengan sejatine aweh tengara. Yaiku pratandha kudu sigape barisan mudha ing sastra Jawa nggiyarake obor semangat zamane ing donyaning kasusastran Jawa. Wis dudu wewadi menawa sastra Jawa saiki isih sinangga dening barisan para sepuh. Barisan-barisan kasebut nyata darbe panggayuh kang kuwat. Tegese, ing basa modern, darbe idealisme kang dhuwur tumrap tumegake sastra Jawa ing ombyak-ambyuking jaman kang sarwa ginempur dening maneka budaya.

Ananging, kodrating Gusti pancen wus karencana. Apa bae kang tumeka ing mengko-mengkone kumudu lunga. Kaya dene para sastrawan sepuh ing sastra Jawa saiki. Puluhan taun kepungkur, para sastrawan kasebut isih mudha. Tenaga, semangat, lan gegayuhane isih gedhe. Saiki, wektu lan pesthi nimbali siji-siji sastrawan-sastrawan kang biyen gagah prakosa anggone ngopeni sastra Jawa nganti saiki. Temtu, yen ora ana sesulih saka sastrawan mudha Jawa, posisi sastra Jawa tansaya bisa tansaya kaguyang dening luruganing budhaya liya.

Pancene, regenerasi wis coba dilaksanakake dening para sastrawan Jawa lantaran maneka sanggar sastra Jawa. Ing Jawa Timur, ana Triwida. Dene ing Yogyakarta ana Sanggar Sastra Jawa Yogyakarta (SSJY). Sanggar sastra Jawa liyane pancen durung patiya katon. Ananging mesthi ana, sanadyan skala-ne luwih cilik tinimbang Triwida lan SSJY.

Anane rong sanggar kasebut, Triwida lan SSJY, pancen duwe asil kang lumayan. Yaiku sastra Jawa tansah lumaku. Bisa diarani semangat nguri-uri kabudayan Jawa, mligine kasusastran Jawa, wis kelakonan. Ananging apa pancen amung mangkana kang dikarepake? Sastra Jawa tetep lumaku sanadayan tanpa inovasi, tanpa regenerasi kang mitayani?

Inovasi kang dimaksud yaiku inovasi saka njero kasusatran iku dhewe. Yen inovasi saka njaba, ora kurang-kurang cacahe. Musikalisasi geguritan, dramatic reading, apa sawijining cerkak kagubah ing wujud teater wus linakonan. Inovasi saka njero kasusastran luwih cethane yeku tuwuhe “sosok pribadhi” ing karya sastra iki kang prelu diudi.

Tema saka karya sastra bisa wae manca ragam. Saben karya bisa beda. Ananging ke-khas­-an rinasa kurang. Ibarate ing bidhang geguritan, “cara pengucapan” iki arep seragam. Nalika ngungkapake ekspresi tumrap sawijining prekara rumangsa padha, senadyan isine beda-beda. Lan iki biyasane dumadi krana tansah melu utawa ngiblat tumrap “sosok” kang dumadi mentor.

Babagan kaya iki linakonan terus-terusan. Arepa diomong kanthi alus, ning sanyatane angel. Blakane: apa wedi padha ngadani inovasi  sajeroning sastra Jawa? Apa wedi yen saka inovasi kuwi kelangan pamaos, dimungsuhi sastrawan liya?

Kakuwatiran modhel ngono iku kang marai sastra Jawa ibarate “jalan di tempat”. Aja salah yen slogan sastra Jawa minangka sastra panglipur wuyung iku tansah bener. Yen tanpa inovasi saka jeroning kasusastran Jawa temtu bae bakalan kaya ngono terus kahanane.

Ing babagan iki, fungsi sanggar sastra Jawa uga wigati kanggo nanemake pamikiran kaya kang dibahas ing ndhuwur. Para pengajar, kang uga dumadi mentor, ana ing sanggar sastra Jawa kudu wani nanemake sikap wani gawe inovasi. Saiki dipikir, wajar bae menawa bab kang isih anyar ora mesthi langsung disenengi, sanadyana langsung disenengi uga klebu bab wajar.

Asil saka inovasi supaya bisa tinampa dening masarakat dudu barang kang sepisan dadi sipate. Ananging baba kasebut mujud ing upaya kang tanpa pedhote ngasilake babagan kang tansah luwih apik tinimbang apa kang wus kagayuh sadurunge.

Tuwuhe pribadhi-pribadhi kreatif ing sastra Jawa iki mengko-mengkone kang bakalane ngurip-uripi sastra Jawa. Ibarate, rong babagan bisa langsung kesaput. Inovasi utawa “pembaharuan” kalaksanan, dene nguri-uri uga kalaksanan.

Iki sajane prakara wigati kang jarang banget digatekake para sutresna sastra Jawa. Yen mung nguri-uri tanpa anane inovasi, arep tekan kapan kuwate ditenet lurugan saka maneka budhaya?

Budhaya manca uga ora ana lupute diprangguli. Ananging, dijupuk kang prelu lan migunani. Babagan “sosok” ing jeroning karya sastra ana ing bahasan iki uga anggayut tumrap maneka ngelmu sastra ing njabaning kasusastran Jawa.  

Mula, coba gatekake kanthi premati kenengapa Mpu Sedah lan Mpu Panuluh rina-ratri ngupaya nerjemahake Bharatayudha saka basa Sansekerta marang basa Jawa?

Temtu bae nora mung krana dhawuhe Sri Aji Jayabaya. Ananging, uga krana gedhene tresnane tumrap sastra Jawa. Supaya sastra Jawa ora mandheg. Supaya budhaya Jawa uga darbe “pembaharuan” ing lumakune kang kairingan gilir gumantining kahanan jaman.

Kroya, 2015

[kawya-blog]

Memiliki buku, sama menyenangkannya dengan menjadi diri sendiri.