လိင်တူဆက်ဆံမှု-လူငယ်တဦးရဲ့ မှတ်တမ်းမဲ့ မှတ်တမ်း(၁၉)
ထောင်ထဲမှာ `ဂြိုလ်´ ဆိုတဲ့ အသုံးအနှုန်းတခု ခေတ်စားပါတယ်။ လူတယောက် ဖြတ်သွားလို့ အဲဒီကောင် `ဂြိုလ်´ လို့ ပြောလိုက်ရင် ကြားလိုက်သူ အားလုံး ပြုံးစိ ပြုံးစိ ဖြစ်သွားကြတာမျိုး၊ `ဟုတ်လား´ `ဟုတ်လား´ ဆိုပြီး လိုက်ကြည့်ကြတာမျိုးပါ။
`ဂြိုလ်´ ဆိုတာ တခြားတော့ မဟုတ်ပါဘူး။ လိင်တူဆက်ဆံခံသူ ယောက်ျား အကျဉ်းသားတွေကို ခေါ်တဲ့ အသုံးအနှုန်းပါ။ `ဂြိုလ်ကောင်´ ဆိုတဲ့ သဘောနဲ့ ခေါ်တာ ဖြစ်ပြီး အဲဒီလို သမုတ်ရတာကလည်း ထောင်ထဲမှာ သူတို့ကို လူဆိုးတွေ အချင်းချင်းလုရာကနေ `ထောင်တွင်း လူသတ်ပွဲ´ တွေ အများအပြား ဖြစ်လာရလို့ပါ။ ထောင်တွင်း မူးယစ်ဆေး အကြောင်းတုန်းက ဖော်ပြခဲ့တဲ့ တန်းစီးမြခေါင် အသတ်ခံရတဲ့ အထဲမှာ အဲဒီ `ဂြိုလ်´ ကိစ္စကလည်း အကြောင်းတခုပါပဲ။
ထောင်ထဲမှာ မူးယစ်ဆေးကိစ္စပြီးရင် နာမည်ဆိုးနဲ့ အင်မတန်ကျော်ကြားတဲ့ နောက်ကိစ္စကတော့ လိင်တူ ဆက်ဆံတဲ့ ကိစ္စပါပဲ။ ထောင်တွင်း လူမဆန်မှုတွေ၊ အချင်းချင်း သတ်ဖြတ်မှုတွေ အတော်များများဟာလည်း လိင်တူဆက်ဆံမှု ကိစ္စနဲ့ ဆက်စပ်နေပါတယ်။
ပုံစံခန်းအတွင်း ရက်ရက်စက်စက် ရိုက်နှက်မှုနဲ့ ခြိမ်းခြောက်မှုတွေကို ထောင်ပုံစံခန်း အကြောင်းမှာတုန်းက ကျနော် ဖော်ပြခဲ့ပါတယ်။ ပုံစံခန်းအပြင်ဘက်နေ သွားပြီး ကြည့်ခွင့်ရှိလို့ ကြည့်ရရင် အကြောက်ကြောက် အလန့်လန့်ဖြစ်ပြီး ဟိုလူ့ဆီက အကူအညီရနိုး၊ ဒီလူ့ဆီက အကူအညီရနိုး မျက်နှာငယ်ငယ်နဲ့ အားကိုးရှာနေတဲ့၊ အားကိုးမဲ့နေတဲ့ အကျဉ်းသားတွေကို တွေ့ရမှာ ဖြစ်ပါတယ်။
အဲဒီအချိန် ထောင်ပုံစံခန်း အကြောင်းတုန်းက ဖော်ပြခဲ့သလို အဲဒီ အကျဉ်းသားတွေဆီ ငွေညှစ်ဖို့လာတဲ့ လူဆိုးတွေ အပြင် တခြားလူဆိုး အမျိုးအစား တမျိုးလည်း လာကြပါသေးတယ်။ သူတို့ဟာ ပုံစံခန်းထဲမှာ ထိုင်နေကြတဲ့ အကျဉ်းသားတွေကို လှည့်ပတ်ကြည့်ရင်း ဟိုရှာ ဒီရှာ၊ ရှာနေကြပါတယ်။ သူတို့ ရှာနေတာကတော့ အကျဉ်းသား အသစ် ငယ်ငယ်ရွယ်ရွယ်ကလေးတွေ။
ငယ်ငယ်ရွယ်ရွယ် အကျဉ်းသားလေးတွေကို တွေ့တဲ့အခါ အဲဒီ အကျဉ်းသားလေးတွေဆီ ကပ်သွားပြီး `အရိုက်မခံဘဲ နေချင်သလား´ လို့ သူတို့က `တိုးတိုး´ မေးပါတယ်။ ကိုယ်တိုင် အရိုက်ခံထားရလို့ ကြောက်နေတဲ့ အပြင် တခြားလူတွေကို ရိုက်နှက်နေတဲ့ အသံ၊ ဆဲဆို အော်ဟစ်နေတဲ့ အသံတွေနဲ့ ကမ္ဘာပျက်နေချိန်မှာ တုန်ပြီး ကြောက်နေတဲ့ ဘယ်အကျဉ်းသားဖြစ်ဖြစ် အခုလို လာပြောသူ ဘယ်သူကိုမဆို အားကိုးမှာပါပဲ။ အဲဒီ အကျဉ်းသားအသစ်ကလေးက `အရိုက် မခံချင်ပါဘူး´ လို့ ပြောလိုက်ရင် ခုန လူဆိုးက သူ့ကို ပုံစံခန်း `ငရဲခန်း´ ကနေ အပြင် ခေါ်ထုတ်သွားပါတော့တယ်။ ထောင်လူဆိုး အချင်းချင်းမှာ တယောက် ခေါ်ထုတ်ချင်တဲ့ လူကို ပုံစံခန်းထဲက ခေါ်ထုတ်ခွင့်ပြုတဲ့ နားလည်မှု တခု လုပ်ထားကြပါတယ်။ (ထောင်ထဲမှာတော့ `အထာ´ လို့ ခေါ်ပါတယ်)။
အဲဒီလို ခေါ်ထုတ်သွားပြီး လူဆိုးက အကျဉ်းသားသစ်ကလေးကို သူနေတဲ့ အခန်းထဲ ခေါ်သွားပါတယ်။ အခန်းထဲရောက်တော့ ၀တ်စရာ အ၀တ်အစား အပိုမပါ၊ ခြုံစရာ ခင်းစရာ စောင်မပါတဲ့ အကျဉ်းသား ချာတိတ်ကို အ၀တ်အစားနဲ့ စောင်တွေ ပေးတဲ့အပြင် အိပ်စရာ နေရာကောင်းကောင်းလည်း ပေးပါတယ်။
ထောင်ထဲမှာ အိပ်စရာ နေရာကောင်းကောင်းရဖို့က အင်မတန် ခက်တာကလား။ မျက်နှာမွဲ အကျဉ်းသား အများစုဟာ အခန်းထဲက ဖျာအခင်း မရှိတဲ့ လူသွားလမ်း ကွန်ကရစ် ကြမ်းပြင်ပေါ်မှာ၊ ဒါမှမဟုတ် အိမ်သာဘေး နံနံစော်စော် ညစ်ညစ်ပတ်ပတ် ရေစက်လက်တွေမှာ အိပ်ကြရရှာတာပါ။ ဒါကြောင့် အိပ်စရာ နေရာကောင်းကောင်းလည်း ရ၊ အ၀တ်အစားနဲ့ ခြုံစရာ ခင်းစရာ စောင်တွေလည်း ရ၊ လူဆိုးက ခေါ်လာတဲ့သူဆိုတော့ တခြား ဘယ်လူဆိုးနဲ့ ဘယ်အကျဉ်းသားတွေကမှလည်း သူ့ကို ပြဿနာ မလုပ်ရဲ၊ မထိရဲ၊ မစော်ကားရဲတာမို့ အကျဉ်းသား ချာတိတ်ဟာ သူ့ကို ခေါ်လာသူ လူဆိုးကို ကြောက်စိတ်၊ အားကိုးစိတ်၊ အထင်ကြီး လေးစားစိတ်၊ ချစ်ခင်စိတ်တွေ ပေါ်လာပါတော့တယ်။ လူဆိုး လိုချင်နေတာကလည်း `အဲဒီစိတ်´ ပါပဲ။
ညရောက်လို့ အိပ်ချိန်လည်းကျရော ဇာတ်လမ်းက စတော့တာပါပဲ။ လူဆိုးက လူသစ်ချာတိတ်ကို လိင်တူဆက်ဆံတာခံဖို့ စည်းရုံးပါတော့တယ်။ ကြောက်စရာ ထောင်အကြောင်းတွေ အမျိုးမျိုး ဇာတ်လမ်းဆင် ပြော၊ ထောင်တွင်း မက်လုံးတွေ အမျိုးမျိုးပေး၊ မသိမသာ ခြောက်လုံး လှန့်လုံးတွေပြပြီး လှည့်ပတ် စည်းရုံးပါတယ်။ အဲဒီလိုနဲ့ လူသစ်အကျဉ်းသားက အလွယ်တကူနဲ့ လျှောလျှောလျှူလျှူ သဘောတူသွားရင်တော့ ကိစ္စ အေးပါတယ်။
အဲဒီလို မဟုတ်ဘဲ ငြင်းလိုက်ရင်တော့ လူဆိုးက လူသတ်လက်နက် သံချွန်ထုတ်ပြီး သဘောမတူရင် `သံချွန်နဲ့ထိုးမယ်´ လို့ ခြိမ်းခြောက်တော့တာပါပဲ။ သတ်မယ်ပေါ့။ သူ့ကို ခေါ်ထုတ်လာတဲ့ လူဆိုးရဲ့ `ဇ´ ကို မြင်ပြီးတွေ့ပြီး ဖြစ်တာရယ်၊ ထောင်ကိုကြောက်တဲ့ စိတ်ရယ်၊ အားကိုးမဲ့တဲ့ ဘ၀ရယ်၊ တရားဥပဒေကလည်း ထောင်ထဲမှာ အားကိုးစရာ မရှိတာရယ် စတဲ့ အကြောင်းမျိုးစုံ ပေါင်းပြီး နောက်ဆုံးတော့ လူဆိုး အလိုကျ လိင်တူ ဆက်ဆံတာ ခံဖို့ သဘောတူလိုက်ရပါတော့တယ်။
`ထောင်အာဏာပိုင်တွေကို သွားတိုင်ရင် သတ်မယ်´ လို့ လူဆိုးက ခြိမ်းခြောက်ထားတော့ ကြောက်တာနဲ့ တိုင်လည်း မတိုင်ရဲတော့ပါဘူး။ သွားတိုင်ရင် လူဆိုးတွေက တကယ်လည်း သတ်တဲ့ နမူနာတွေ ထောင်ထဲမှာ ရှိသလို၊ ဘယ်လောက်ခက်တဲ့ အနေအထားမျိုးမှာပဲ ဖြစ်ဖြစ် ရအောင် သတ်နိုင်စွမ်းလည်း လူဆိုးတွေမှာ ရှိပါတယ်။
ထောင်နဲ့ ထောင်ဥပဒေက သာမန်အကျဉ်းသားတွေကို လူဆိုးတွေ အန္တရာယ်မပေးနိုင်၊ မသတ်နိုင်အောင် အကာအကွယ် ပေးနိုင်တာ မဟုတ်ဘူး မဟုတ်လား။ ထောင်ဥပဒေအရ လူသတ်လက်နက် ကိုင်ဆောင်ခွင့် ထောင်ထဲမှာ မရှိဘူး ဆိုပေမဲ့ ထောင်လူဆိုးတိုင်းမှာ လူသတ်လက်နက် သံချွန်ကိုယ်စီ ရှိနေကြတာ အကျဉ်းသားတိုင်း သိသလို ထောင်အာဏာပိုင်တိုင်းလည်း သိကြပါတယ်။
အဲဒီလိုနဲ့ နောက်နေ့လည်း ကျရော လူဆိုးနဲ့ အိပ်လိုက်ရတဲ့ အကျဉ်းသားလေးဟာ စိတ်ဓာတ်တွေ အကြီးအကျယ် ခြောက်ခြားပြီး ဟိုလူ့မျက်နှာ မကြည့်ရဲ၊ ဒီလူ့မျက်နှာ မကြည့်ရဲ ဖြစ်နေတာ တွေ့ကြရပါတယ်။ ယောက်ျားမာနတရား အချိုးခံလိုက်ရတာမို့ ခံစားချက်က ပိုပြီး ဆိုးမယ်၊ ထူးဆန်းမယ်၊ အောက်တန်းနောက်တန်း ကျသွားသလို ခံစားရတဲ့ စိတ်က ပိုများမယ် ထင်ပါတယ်။ ထောင်ထဲမှာ အဲဒီလို သနားစရာ အဖြစ်အပျက်တွေ အများကြီးပါ။
ထောင်အာဏာပိုင်တွေက `လိင်တူ မဆက်ဆံရ´ ဆိုပြီး၊ ဥပဒေထုတ် အရေးယူမှု တချို့ ရှိပေမယ့် အဲဒါက ဟန်ပြသက်သက် သဘောမျိုး၊ ဒါမှမဟုတ် ကျူးလွန်သူတွေက လူဆိုး အရင့်အမာတွေ မဟုတ်ဘဲ သာမန် မျက်နှာမွဲ အကျဉ်းသားတွေဖြစ်မှ အရေးယူတာမျိုး ဖြစ်ပါတယ်။ ထောင်အာဏာပိုင်တွေနဲ့ ရင်းနှီးတဲ့ လူဆိုးတွေ၊ ထိပ်သီးလူဆိုးတွေ လိင်တူဆက်ဆံမှုတွေ ကျူးလွန်နေတာကို ထောင်အာဏာပိုင်တွေ သိပေမယ့် မသိချင်ယောင် ဆောင်နေကြပါတယ်။
ဒါ့အပြင် အဲဒီ ကိစ္စမျိုးတွေကို လက်မခံနိုင်လို့ ကာယကံရှင်က ဖြစ်စေ၊ အခြား အကျဉ်းသား တဦးဦးက ဖြစ်စေ သွားရောက် တိုင်တန်းပြန်ရင်လည်း ထောင်အာဏာပိုင်တွေက တိုင်တန်းသူကို အဲဒီလို မတိုင်ဖို့ တနည်းနည်းနဲ့ သွယ်ဝိုက်ပြီး ပြောရင်ပြော၊ ဒါမှမဟုတ်ရင်လည်း အတိုင်ခံရတဲ့ ပြစ်မှု ကျူးလွန်သူ လူဆိုးကို တိုးတိုးတိတ်တိတ် အကြောင်းကြားလိုက်ပါတယ်။ ဒီတော့ လူဆိုးနဲ့ တိုင်တန်းသူ အကျဉ်းသား ပြဿနာဖြစ်ပြီး ထောင်တွင်း လူသတ်မှုတွေ ဖြစ်လာရတော့တာပါပဲ။
တကယ်တော့ `ထောင်ထဲမှာ လိင်တူမဆက်ဆံရ´ ဆိုပြီး အမိန့် ထုတ်ထားရုံနဲ့ ကိစ္စ မပြီးပါဘူး။ အမိန့်ထုတ်ပြီးရင်လဲ အဲဒီ အမိန့်တည်အောင်၊ အသက်ဝင်အောင် လုပ်ရန် ကျင့်ထုံးတွေ၊ အရေးယူ ဆောင်ရွက်ချက်တွေ လိုအပ်တယ် မဟုတ်ပါလား။ တကယ်တော့ ထောင်အာဏာပိုင်တွေရဲ့ ထောင်တွင်း အုပ်ချုပ်ရေးစနစ် အမှားအယွင်းနဲ့ တရားဥပဒေ ကင်းမဲ့မှုတွေကြောင့်တင်မက သွယ်ဝိုက်တဲ့နည်းတွေနဲ့ အားပေးအားမြှောက် ပြုလုပ်နေတာတွေကြောင့် အခုလို လူသတ်မှုတွေ ထောင်ထဲမှာ ပြန့်နှံ့နေရတာလို ပြောရင် လွန်ရာကျမယ် မဟုတ်ပါဘူး။
amandla
tangentwithtanner
areudirty
pixelskylines
gamechangershow
dailybridgerton
romaincrisis
gummygunk
origamiaround
