مُحمّد

بيني و بين الشعر ودّ و أسرار

[mdd8y]

بدر بن عبد المحسن :

وش عليّ لو قطّعوا لاجلك عروقي

من رضى بالحب يرضيه التغاضي

[mdd8y]

حنّا ورثنا العز عظم و غضاريف

لا ما ورثنا العز تاج و قطيفه

[mdd8y]

عويّد النجود :

مثل ما للخصومه شان يبقى للفضيله شان

مانيب الي تخونه شيمته لا نقص ودّه

[mdd8y]

أثر صدق الغلا يجبر حطام الخاطر المكسور

و أنا مهما منحتك من غلاي أشعر بتقصيري

ولو طالت مشاوير الطريق المظلم المهجور

أنا لامن ذكرتك قلت أحبك يا مشاويري

[mdd8y]

عبدالله السراهيد :

صدقني حتى المختلف بعض الأحيان

لا حاول إنّه يختلف صار عادي

[mdd8y]

بدري عليه يشوف بعيوننا دمع

حتى الفراق نقابله بابتسامه

[mdd8y]

فهد المساعد :

ماعاد يغريني إلي كان يغريني

الظاهر إنّي كبرت أكثر من اللازم

[mdd8y]

شكراً على عيدك مبارك الأخيره

إلّي قبل عامين و ليومك اليوم

[mdd8y]

من العايدين إلي يقولونها للناس

‏أنا اشوفها في مبسمك قبل تنطقها

[mdd8y]

سئُل الشاعر عايض العاطفي عن ماذا لو عاد معتذراً فقال :

يشبه مجيّك بعد ما غبت و أبطيت

توبه بعد ما تطلع الشمس من غرب

[mdd8y]

كليّ وله ياغاية القلب و مناه

‏مشتاق لمشاهد عيونك .. تدري

‏" ماعاد بدري " يا أول العمر و أتلاه

‏ياليتني .. متولعٍ فيك بدري

‏عييت عن غيرك و عيّا و أنا انهاه

‏وازريت لطلق لك محابيس صدري

[mdd8y]

صالح النشيرا :

سبحان من ميزك بين العباد اجمعين

‏كنهم غسول قهوه و أنت قهوة شمري

‏شهرت حبك و أنا واحد من المعجبين

‏مسلمك جوختي يا لابس الغندري

‏تزعلني بكلمه وترضيني بـ كلمتين

‏ذللت لك قلبي اللي فـ المواجه جري

[mdd8y]

عادي نردّ إلّي انقطف للبساتين؟

‏بجروح إيدينا و اختلاف الملامح

‏أنتي كذا ولّا كذا راح تخطين

‏وأنا كذا ولّا كذا راح أسامح.

[mdd8y]

سعد بن جدلان :

أنت مثل الغيث لا مرّ له دار أنعشه

‏صح من قال اقرب الحي و يزيدك حياه

[mdd8y]

عسى مدهال ملهوف الحشا للرايح الصبّاب

‏يصبّ من الوله و يعانق المحبوب محبوبه

[mdd8y]

برقٍ ضحك وأضوى الدجا من ثناياه

‏ جا يلبس فجوج الأراضي ثيابه

‏ يـوم المطر ملّ الصبر .. وأنتثر ماه

‏ سمّت على صدر الرياض السحابة

[mdd8y]

شعبانها تمشي من الجال للجال

‏وبشايرٍ من فضل ربي توالت