1_ فقدت إيدي ورجلي اليمين بعد إصابة حرب ، فكرت حالي رح ضل ناقص طول عمري ، لحد ما تزوّجت بنت كانت كل شي بالنسبة إلي وما حسستني بإعاقتي ، أنا اليوم أكثر حدا مؤمن بكلمة "نصفي الثاني " هي كملتني عنجد .
2_حاولت كذا مرّة أكتب رواية مُميزة ، كل ما كنت أوصل للخاتمة ترتبك أفكاري ويصيبني شعور بالنّقص ، كنت اِرمي الاوراق بالسلّة فوراً ، بكل مرة كانت امي تشيل الورق من ورا ضهري وتحتفظ فيه ، اليوم أنا واقفة على منصِّة تكريمي كأفضل كاتبة روائيّة شابّة.
3_كنت عايش على مبدأ الشب ما ممكن يعيبو شي ، فَصابني الإيدز بعد توّرطي بعلاقة غير شرعية مع بنت لفترة طويلة ، ما تركت طبيب إلّا ورحت عليه ، ما تركت دوا إلا وجرّبتّو عملت كل شي وما كان ينفع شي ، تعبت عنجد لحد ما تذللت بين ايدين الله ٤٠ يوم مابين صلاة ودُعاء واستغفار وصدقة كانت نيتي حقيقيّة تِجاه التوبة ، بلحظة زال عني التعب ، فحصت حالي أكثر من ٧ مرات والنتيجة شفاء تام ، ما نساني الله رغم إنّي كنت ناسيه طول سنيني اللي راحت ، فضل الله بعمري ما رح أنساه ، أنا اليوم مؤسِس أضخم جمعيّة خيريّة.
4_ تطلّقت من زوجي من لمّا كنت صبيّة وكانوا أولادي صغار ، عملت المستحيل لحتى ربّي ولادي صح ونسّيهم أذى أبوهم ، أنا بهاللحظة أم لأكبر كاتب و محامي بالبلد وإعلاميتين وطبيب.
5_كنت عايش فترة شبابي بلا حسيب أو رقيب ، تعاطيت المُخدِرات بعمر العشرين ، وكل ما حدا ينصحني ما أهتم ،ولا مرّة فكرت ساعد أهلي بشي ، حتى مصروفي كان منهم و كنت أصرفو على شغلات تافهة ، اليوم المَرض فتك بجسمي إجاني سرطان الجلد بسبب الوشوم اللي كانت مرسومة على جلدي بعد ما انحقنت بإِبرة ملوّثة ، صرت حس الناس قرفانة مني ، أتمنى الموت وما لاقيه ، على ما يبدو العدالة الإلهيّة بلشت تاخذ مجراها .
6_ حبّيت شب بصغري ، الحُب العظيم اللي بيجي بالعمر مرة وحدة ، كنت كل ما شوفو أتوتّر ، بلحظة كنت فكرو شي وتبيّنلي إنو هو غير شي ، اليوم بعد ما كنت أنظرلو بعين الدَّهشة صرت أنظرلو بعين الخُزي بالمعنى الحرفي ، غرييب التغيير اللي صابني ، حكمة الله بالأمور رهيبة.
7 _ كنت فكّر إنو عندي رفقات كتير ، لحد ما توجّهلي هالسؤال " عدديلنا أسماء رفقاتك اللي بتوثقي ثقة عميا بأنو شو ما صار مستحيل يتخلوا عنك ، وقتها ما خطر ببالي غير اسم رفيقة وحدة ، الكل ممكن يتخلّى عنّي بس هي لا، بهداك اليوم تأكدت إنو هي سندي عنجد والباقي مُجرّد روتين بس.
9_ نجحت أنا و ابن جيراننا بالبكالوريا بمُعدّل عالي ، هو إختار يدرس طب بناءاً على رغبة أهلو والناس اللي حواليه ، وأنا درست اللغة الإنكليزية بناءاً على رغبتي ، كان طول الوقت مستهزء بفرعي ويجرحني بالكلام ، أنا اليوم تخرجت وافتتحت أكبر مركز لتعليم اللغات واللي معتمد ع مناهج بريطانية من جامعة Oxford بينما هو لسّاه طالب ناطر مرسوم الاستنفاذ للمرة الثالثة.
10_ لّما حبّيت، حاولت إحمي هالحب بقلبي ، كنت على طول أتطمن عليها من بعيد لبعيد ،كان الكل يتّهمني بإنّي ضعيف شخصية ، لمّا صار الوقت المُناسب خبّرتها وخبّرت أهلها
أنا اليوم عندي ضحكتها وضفر ابني بالكون كلو بينما أغلب رفقاتي فشلوا بقصص حبهم وكانت النهاية مُخيّبة للغاية .
11_ كنّا صحبة أنا ورفيقي لدرجة كبيرة ، لحد ما إجى اليوم اللي عايرتو فيه بشغلة مأمّنّي عليها ، بوقتها تركني وما عاد حكى معي حرف ، على ما يبدو هالموقف البِشع كان قادر يحرق كل شي حلو كان بيننا .
12_ كنت حب أمّي لدرجة مو طبيعيّة بكل مرّة يصير معي شي حلو اتفاجَأ ، حياتي بالفعل عِبارة عن إنجازات وأشياء حلوة بلا مجهود كبير ، كان رِضا امي سبب كل شي حلو.
13_كنت مُجرّد مُزارِع بسيط ، بس بعُمري ما فكرت آكل مال حرام أو طعمي أولادي منّه ، اليوم ابني الصغير تخرّج من كلية الهندسة الزّراعيّة وحوّللي دكّان الخضرة لصيدليّة زراعية أنا فخور بالكل بس هو الوحيد اللي معزّتو بقلبي كبرت بجد.
هالمواقف ممكن تنكتب لأيّ حدا منّا إنّو يعيشها
الفكرة من كل هالكلام إنو حكمة الله بكل شي موجودة ، عين الله بكل الأمور علينا ، " إن لم تكُن تراه ، فإنّه يراك "
فعليّاً العدالة الإلهيّة هي يقين لا يُضاهيه شكّ ، عجلة الكون سريعة ، رح تاخذ منك اليوم وتعطيك اللي عطيتها ياه بُكرى
حاول تعطي غيرك الشي اللي حابب إنّو يرجعلك
" إِنْ أَحْسَنتُمْ أَحْسَنتُمْ لأَنفُسِكُمْ وَإِنْ أَسَأْتُمْ فَلَهَا " 🦋
prguitarman
ellievsbear
amandla
theartofmadeline
turnnoffyourmind
discoholicmusic