Mga Akda ni Ruben @mgaakdaniruben - Tumblr Blog

Patuloy mong binubulag ang isip na hindi naman mangmang Sa bawat paglapit kalakip ang pagkapit na pansamantala lamang Na tila isang direksyon na lamang ang tanging natatanaw Pilit na nahaharangan mga bagay na sa diwa’y makakapukaw Pagkat ang bawat gawa’y kahinaang lubos ang hatid Sa diwang ginapi na ilusyon ay sapilitang itinutuwid

#ruben15

#SaLikodNgPablo

Ikaw ang Salarin

Wala namang nagtulak na ito ang piliin

Walang pumilit na ang nais ay sundin

Ni hindi naman sinabing ikaw ay humabol

O patuloy na alagaan ang maling pagsibol

Pagkat sa una pa lang ito'y isang ilusyon

Ng isipang malawak ang dimensyon

Hindi ka nya hinatak patungo sa kanya

Dahil ikaw itong hindi dumistansya

Ni salitang magsasaad ng pagasa ay wala

Ikaw lang itong lubos na naniniwala

Patuloy kang umaasa kahit alam mong mali

Patuloy ang dalangin na ikaw ay mapipili

Kahit paulit-ulit ang sampal ng katotohanan

Ay paulit-ulit mong tinatakpan ng kamalian

Patuloy ang iyong pagngiti sa harap ng iba

Gayong sa likod ng maskara'y puno ka ng luha

Ang kanyang nais sa'yo lahat ay pwede

Desisyon mo'y laging sa kanya nakadepende

Hindi ka ba napapagod na umasa?

Kahit alam mong wala kang pagasa?

Hindi ka ba nanghihinayang sa paglipas ng oras?

Bakit di mo na lang piliing kumalas?

Wag mong sayangin sa paggugol sa kanya

Bagkos hanapin ang ukol na magpapaligaya

Ngunit kahit hawak mo na ang mga sagot

Katotohanan sa sarili'y pilit pa ring ipagdadamot

Pagkat may ligaya sa'yong hatid kahit saglit

Ang mga oras na kayo'y naglalapit

Kaya't sa huli'y wala kang dapat na sisihin

Kundi ang sarili pagkat ikaw ang salarin

#ruben

25-Pebrero-2019

Absolutely right 😊

Don’t be afraid to dream

This beloved Cartoon series

started as this webcomic

This best seller Manga

and critically acclaimed hit animated series

started out as this webcomic

And this best seller novel

And award winning blockbuster movie

started out as a serialized free story on somebody’s website.

Don’t be afraid to write big even if you start small.

quillwritten

Don’t be afraid to write big even if you start small

mgaakdaniruben

Patuloy akong susulat at lilikha ng mga akdang naglalaman ng mga salitang hindi mamumutawi sa aking mga labi.

Kagaguhan mang ituring ang paulit-ulit na hindi pagtanggi at ang patuloy na pagsama ng dahil sa isang anyo ay mananatiling ayos at patuloy na gugustuhin hangga't bulag pa rin ang mga matang nagbubulagbulagan.

Isang napakagandang umaga ang bumungad sa balintataw habang pinagmamasdan ang pagsikat ng araw. Nawa'y magkaroon tayong lahat ng maayos at makahulugang araw ngayon 🌞

Patuloy akong nilililok ng panahon

Hinuhulma kung saan naaayon

Pinatatatag ng bawat unos

Tungo sa tagumpay na lubos

#nagbabalikAKO

ISANG GABI NA NAMAN

Tahimik ang gabi, Mga kulisap ay humuhuni. Matingkad na buwan, Nagbibigay liwanag sa kalawakan. Simoy ng hangin, Tila ba inaakit ang damdamin. Sa isa na namang pangyayari, Na tayong dalawa lang ang saksi.

Sa iyong pagdating, Tila ba nahumaling. Agad mong niyakap, Damdami'y tila nasa alapaap. Siniil ng mga halik, Na labis ang pagkasabik. Mga kamay ay di mapigil, Sabik na tila nanggigigil.

Kapwa walang saplot, Nasa ilalim na ng kumot. Init ay pinagsasaluhan, Kapwa ba palaban. Huni ng mga nilalang na subok, Umaalingawngaw sa bawat sulok. Kapwa pagod na natapos, Lakas ay tila naubos.

Naalimpungatan at nalungkot, Nag-iisa na lang sa ilalim ng kumot. Mag-isa na namang gumising, Wala ka na nang ako'y bumaling. Muli na namang nagamit, Puso'y hinding hindi makamit. Walang iniwang bakas, Dagliang ika'y tumakas.

“ISANG GABI NA NAMAN” -ruben- 24/01/2018 1:22PM

mgaakdaniruben

BATERYA

Lubos kong iniisip kung papaanong nangyaring ang bateryang nagpapatakbo ng buhay at limas ng enerhiya'y muling napunan, nagkaroon ng pagkakataong mabigyan ng pansin, mawala ang kalawang na bumabalot sa kahang dati'y bago at bigyan ng pagkakataong isalang muli upang manumbalik ang dating ito.

Matagal na panahon na ang lumipas nang muling gumana ang orasang naubusan. Inakalang dati ito'y mananatiling hinto nang dahil sa kalupitang naranasan. Halos nalimas ang inipong lakas. Lakas na dulot ng dating nangangalaga. Inaakalang tunay na nangangalaga ngunit unti - unti palang naninira. Sinabi dating ito'y huli na, ito na ang wakas ngunit anong dulot ng dumating?

Gumising isang umaga, isang umagang inakalang ordinaryo ngunit nagbigay ng bagong pag-asa. Ano ang dulot ng dumating? Ano ang kanyang ginawa? Patuloy na winawari kung ano ang naging dahilan ng pagandar ng bateryang dati’y piniling wag mapunan ng enerhiya. Tinatanong ang sarili kung tama ba ang nangyayari, kung ito ba ay naaayon sa nais ng damdamin. Pilit mang pigilan ngunit hindi na makayanan. Ano na ang nangyari sa nilimot na pakiramdam?

Hindi na mapigilan ang patuloy na pagdaloy ng enerhiya. Ang bagong enerhiyang hanggang sa ngayo'y tinatanong pa kung tama. Ito na nga ba ang magbibigay ng bagong lakas o ang syang maninirang tuluyan sa bateryang dati'y walang karga.

“Baterya”

-ruben-

02/17/17

mgaakdaniruben

Dinalaw sa panaginip, medyo matagal na rin pala nung huli. Natatandaan kong ito ang kaunaunahan kong sinulat para sayo.

#unangakda

AGNES

Nagsasayawang mga ilaw, Patuloy na matatanaw. Maliit na entablado, Silid ay nakakandado. Nakatanaw ang mga tao, Nilalang nasa sentro. Lahat ay pumapalakpak, Nilalang ay nakaapak. Bawat galaw may katumbas, Ngunit dignidad ay bawas. Hindi man nya kagustuhan, Ngunit ipinaglalaban.

Pagsapit ng dapit hapon, Kasama sa pagtitipon. Bawat isa ay may kwento, Rason at hindi imbento. Humaharap sa salamin, Kinukubli ang damdamin. Nagkikintabang mga damit, Ay sinusuot ng pilit. Nag-iisip ng diskarte, Itinatapon ang arte. Pagtungtong nya sa may sentro, Huwad na at di totoo.

Maraming bulungbulungan, Wala siyang pakialam. Wala syang inaapakan, Di palamon ng lipunan. Hindi sya dapat husgahan, Bagkos siya ay hangaan. Pagkat hindi nakikita, Lungkot sa kanyang mga mata. Ang maskara niyang suot, Sa likod puno ng takot. Takot pagdating ng bukas, O nalalapit nyang wakas.

“AGNES”

-ruben-

01/08/18

#akda agnes

Hindi ko inaasahan ang tanong na namutawi sa iyong mga labi. Ang tanong na nagpatigil sa oras at tanging hangin lamang ang maririnig. Sa tagal ng aking pagsagot ay tila nahuli mo ako ng walang kalabanlaban.

#caughtoffguard

PARA SA DI GUSTUHIN

Matang mapupungay Animo'y nagbibigay kulay. Kaakibat ng malalantik na pilik, Kahit sinuma'y masasabik. Ilong na kay tangos, Kagandaha'y tila ibinuhos. Labing kay pula, Sila'y matutulala. Kutis na kay kinis, Animo'y gatas ang panglinis. Katawa'y perpektong iniukit, At tila ba iginuhit. Ngunit lahat ng ya'y wala ka, Marahil ika'y nagtataka. Pagkat ikaw yung tipong pwede na, At palaging masisilip sa kung saan pa. Ikaw na walang pungay ang mata, Ngunit lahat ay kaya mong makita. Mga pilik mo'y kay igsi, Ngunit pag kapiling ay di magsisisi. Ilong na walang tangos, Ngunit totoong lubos. Walang pula ang mga labi, Ngunit totoo ang mga sinasabi. Kutis ma'y di kakinisan, Ngunit busilak ang kalooban. Katawa'y di man perpekto, Ngunit halos lahat nama'y sakto. Halos di mapansin, At isa sa mga di gustuhin. Pagkat maraming mapangmata, At tanging panglabas lang ang nais makita.

“PARA SA DI GUSTUHIN”

-ruben-

#parasadigustuhin akda

Sa iyong pagbati, ako’y patuloy na ngumingiti!

ruben

Mensahe mo lang sapat na! Isang magandang senyales ng pagbubukas ng taon.

Patapos na yung taon pero yung paghahabol ko sa’yo mukhang hindi pa.

ruben

SALAMAT

Salamat! Katagang nais kong sayo ay sabihin at nag-iisang linyang nararapat na aking sambitin upang isaad ang buod ng lahat ng aking pasasalamat.

Salamat sa pagpapamukha sa akin na ako’y hindi nararapat.

Salamat sa pagiwas ng paulit – ulit pagkat alam mong sa iyong paglapit ako’y kumakapit.

Salamat sa pananahimik pagkat alam mong sa iyong pag – imik ako’y patuloy na nananabik.

Salamat sa mga pagtanggi pagkat alam mong sa huli ako lang ang lugi.

Salamat sa nais kong hindi mo napili, ngayon alam kong ako’y mali.

Mali na ikaw ay sundan at patuloy na habulin pagkat nakita ko ngayon ang mga kaya ko pang gawin.

Mas nakilala ang sarili at nagawa ang mga bagay na hindi ko lubos akalain.

Salamat sa mga oras na ikaw ang naging sanhi, ang oras na ninanais na ika’y malimot.

Pagkat nagawa ko ang mga di ko inakala at kaligayahan ang naging dulot.

Salamat sa idinulot na sakit pagkat ito ang naging susi

Susi upang malaman na ika’y hindi para sakin at mabigyan ng pagkakataon na mahanap ang tunay na magmamay-ari.

Salamat sa lahat lahat lalong lalo na sa paglayo pagkat ngayon ako’y mananatiling nakatayo.

“SALAMAT”

-ruben-

01:16

#nakalimot SALAMAT BaBye naBigyanngpagkakataon

Trending Blogs

Recently Viewed Blogs

Mga Akda ni Ruben