عَيـل

بياع مواويل و ليالي

[moayad]

بدوّر على جنة غير الجنة

بدوّر.. بصبّر.. بستنى

بتعولق.. واتمنيك واتمنى

قال يعني بدوّر على معنى

[moayad]

ياعم حبينا معاكي ياعم

[smallbutkindcouch]

وطّي صوتك

‏قدام اللي حظه أقل

‏ماتنصحوش بالأمل

‏ماتنصحوش بالعمل

‏وماتنصحوش بالصبر

‏وطي صوتك واتعِدل

‏وهزّ راسك وقدّر

‏إنك نجيت م العدل

(قصيدة وطي صوتك من ديوان قطط الكهوف لمحمود عزت)

[moayad]

دا الوقت اللي ببقى عايز امسك فيه الچوينت، ابص على الناس، ومسمعهمش، من غير ما اشارك.. من غير ما احط صباعي.. غير في طيز ابن المتناكة اللي بيتكلم دلوقتي

[moayad]

النهاردة..

يوم مثالي،

للوم الظروف المحيطة

لركل الكراسي..

وللزحلقة على الحيطة

النهاردة..

يوم مثالي،

لأخذ الحذر، والحيطة

لبلع اللي حاصل

ولم المشاكل

ومنع القلق والزيطة

النهاردة..

يوم مثالي،

عشان ينهار دا ودا

وأنا..

ومحدش يعلّي حسه

إلا أنا..

النهاردة..

يوم مثالي،

عشان اعديه "هوا"

[tylerspangler]

Artwork Copyright © Tyler Spangler

Shop: shoptylerspangler.com

[moayad]

انتا إزاي هتسامح نفسك

و انتا شعورك قاسي و حابسك

و انتا حليفك

و انتا منافسك

و اللي بترخي و اللي بتمسك

مرة بتمشي عكس دماغك

مرة دماغك تمشي تعاكسك

مرة بتملى وقت فراغك

باللي تمللي بيفضل واكسك

و لسا ملاكك حي و حارسك

صعب تسامح حد ولا تلاقي حد يسامحك

يبقى إزاي هتسامح نفسك

الطحان

[moayad]

الدنيا اتغيرت خالص

[moayad]

قد يكونوا قلة

ملهمش في القيل والقال

ولا في الصرمحة

ولا عمرهم لعبوا دومنة

ناس مش شبهنا

لكنهم منا

عالم كمّل

لسه بيدفوا صدرهم

بالفالنة

لا حبوا يبانوا ارفع

ولا حتى يبانوا اصلًا

ولا عدلوا في صورهم سِنة

حبة عايشين يومين

وعارفين اني دي السُّنة

عالم مؤدبة جدًا..

بتقول لامؤخزة

زي ما بتقول شكرًا

وبتعتذر، وبتقبل الأسف

طالما دا استثنى

لا ليهم رأي ولا صوت

متورطين جوا جسمهم واللحظة

متوترين والسبب هو احنا

ودي حاجة وقفتني

لما لقيتني وترته

ولقيتني متوتر..

ودي حاجة بنت زنا

رميت اللي قرقضته

وقولت اقف واسأل هنا:

هل كلنا خايفين

ودا شئ مشترك بنا،

ولا احنا قلة صحيح..

واللي ناقصني الفالنة؟

[moayad]

كنت هدغدغ، اتدغدغت

أنا كنت هكسر.. وتراجعت

وكنت هقولك كلمة حق

بس لولا اني بتحرج وبرد بكلام مؤدب..

بس هو في الحقيقة أنا…

كنت هدغدغ اللي أذاني

من تحت بطاطه

وكنت هكسر وش أحدهم

وقولت أتغاضى

وكنت هقولك، ولا مقولش

أصلها منفاته

والكلام مبيغيرش اللي حصل ولا بيغير حد،

وأنا الصراحة…

كنت هسب وهلعن حد

بس انا سيبت الحد براحته

وكنت انا هبدأ يوم الحد

بس أنا سبتي ماشي براحته

وكنت هغير أو هتغير

بس أنا قولت: كله في وقته

فبراحتنا يعني..

[moayad]

الجزيرة..

خُضرة، يحاوطها الأسفلت

من كل اتجاه

فيها المجانين بيعيشوا

مكان مثالي لفك الحصرة

سلة نفايات المواطن الأول،

وبكرة هتبقى خرابة

المدينة..

مقبرة، تحاوطها الحياة

من كل اتجاه

فيها المجانين بيعيشوا

مكان مثالي للموت بحصرة

سلة نفايات العالم الأول،

وبكرة هتبقى خرابة

[moayad]

هيجيلك في الدنيا ساعات..

هتحس بإن الهوا ناقص

وهتنسى برضه لفين باصص

وهتفهم معنى "الشئ ناقص"

وهيجيلك بعض الشكوك..

وتشك في أن الهوى شاحح

وهتدوق مالحلو ومالمالح

وهتعمل ألف خطأ فادح

وهيجيلك حبّة لحظات..

وهتبقى الأجمل في اللفة

وهتبقى الأحمق في الزفة

متسوَّح بين لفة ولفة

ولكن، خليك متأكد..

بإن الوقت بيعدي

دي مرحلة، شوية وتعدي،

ياخي دا حتى ربنا.. شوف.. ربنا! بيعدي!

[moayad]

وقع عليه الإختيار..

كسَّرُه!

عمل اللي يقدر عليه

بس الناس قصَّروا.

نزل عليه البلا،

لكنه فسَّره؛

قالهم: لأ ياجماعة

أكيد بتهزروا.

[moayad]

مش عارف اشتغل

مش عارف دا عشان مفيش حشيش ولا عشان المشاكل ولا عشان داخلين ع اجازة، بس عارف ان دا مخليني

مش عارف اشتغل

[moayad]

اكسب نفسك

تكسب نفسك

[moayad]

ءءءء

[moayad]

في مدينة

المكن فيها اتنينات.. اتنينات..

والعربيات..

مكان مناسب لعمل واحد

عاطل.

..

يامدينة

مواصلاتها واقفة، فـ شغلاني..

وممشية حالها، وموقفة حالي

هنا الطريق..

واقف قصادك،

وقصادي..

وطارحَني أرضًا، ورماني

وجمعني بيكم، ورضاني

وضربني ضربًا، وأذاني

وقسملي خيرًا، وعدَّاني

..

لـ مدينة

بتدينا فرصة..

وبتاخدها تاني.