كان في اسك بيقولي احكي عن بحر ومين بحر :
سميته بحر عشان هو فعلا زي البحر في غموضه تشوفه من بره تلاقي هادي بس لو تعمقت في وفي شخصيته هتلاقي عنده دماغ توزن بلد زي ما بيقولوا عنده كم كبير من الخبرات والمعلومات مش بتطلع الا للي بيحبهم ويثق فيهم وصعب اي حد يثق فيه ويقرب له ويقرب من قلبه ، شخص معطى بيحب يساعد الجميع ومش بيبخل علي حد بحاجة بيحب ديما يشوف كل اللي بيحبهم بخير ، مبيحبش الكدب ولو عملت غلط تصرحه بيهم هيزعل ويضايق بس هيرجع يتصفى ، زعله غالي اوي صعب يتصالح بسهولة ، ودود وحنين اوي ومستمع جيد جدا و بيعرف يحل المشاكل بعقل ، اب حنين وجدع وزوج سند وضهر ، انا عرفت بحر في وقت صعب جدا عليا وعليه الظروف حطتنا في طريق بعض وقلوبنا قربت من بعض واحنا الاتنين بنا كل الود والتقدير والاحترام والتفاهم بنتخانق اكتر ما بنتصالح بس روحنا متعلقه ببعض انا هو وهو انا مرايه بعض زي ما بيقولوا سندت عليه وسند عليا غيرنا من بعض وبنحافظ علي بعض كل واحد فينا بيحاول يكمل التاني مش يكمل علي التاني بنشيل عن بعض ، انا حبيت بحر في ظروف صعبه مكنش ينفع احبه واعلق قلبي بيه بس غصبن عني شفت معاه وفي الحجات اللي نفسي فيها مع الشخص اللي نفسي يكون جوزي وشريك حياتي ، انا وبحر قريبين لدرجة محدش هيفهما او هيفهم اللي بنا احنا تعبانين بسبب الحواجز اللي بنا ، بس شوية الوقت اللي بنخطفهم من الايام سوا مصبرنا عاوزه اقولك شكرا يا بحر علي حجات كتير اوي وشكرا انك بتحافظ عليا شكرا ليك علي كل حاجة عموما وباختصار :
هو إنسان تعشقه العيون لجمال روحه وهدوئه، وتهابه القلوب لعظمته وعمقه السير معه رحلة ممتعة، والوصول إلى قلبه هو بمثابة العثور على أثمن لؤلؤة.
وانا معايا أثمن لؤلؤة اتمني اكون قد ثقته والحفاظ عليه وعلي قلبه .💙🌊
