Kapag wala ng ikaw at ako, Nakakatawa, tayo pa naman pero bakit ito na agad ang naisip kong isulat na tula para sayo. Wag ka sanang magalit kapag mabasa mo ito, Pero sana hayaan mong ilahad ko ang nais kong iparating sayo kapag wala ng ikaw at ako. Ikaw at ako, ito ang titulo ng kwentong di mabubuo kapag mawala ang isang letra nito. Ikaw at ako, ang kwentong pinakapaborito ko. Pero paano... Paano kapag wala ng ikaw at ako? Tuluyan na nga ba nating tatapusin ang kwento? Kapag wala ng ikaw at ako, Paniguradong malulungkot ako. Alam kong normal lang ito pero seryoso, ibang lungkot ang mararamdaman ko. Dahil kung gaano ako naging masaya ng magkaroon ng tayo ay yun rin ang lungkot na mararamdaman ko. Kaya kapag wala ng ikaw at ako, Wag ka sanang magtaka dahil siguradong malulungkot ako ng husto. Kapag wala ng ikaw at ako, Posibleng hindi ko narin marinig ang himno ng awitin na laging umiikot sa tenga ko sa 'twing magkasama tayo. Dahil ang landas mo... Ang landas mo ay maaaring maging taliwas na sa landas ko. Kaya kapag wala ng ikaw at ako, Malabo ko naring makita ang iyong anino. Pero kapag wala ng ikaw at ako, Marinig mo pa kaya ang iyak ko? Mapunasan mo pa kaya ang mga luha ko? Alam ko naman ang sagot pero nagbabakasakali lang akong oo parin ang sagot mo. Dahil kapag wala ng ikaw at ako. Ibahin mo ako pero mananatili akong andito para sayo. Kapag wala ng ikaw at ako, Sisikapin ko paring wag isipin ang mga salitang binitawan mo nung mga panahong meron pang tayo sa mundo. Salitang "mahal kita", "may halaga ka", "kapit lang mahal dahil hanggang dulo ipaglalaban kita" Salitang sa 'twing naririnig kong binabanggit ito ng iba, agad kong naaalala kung gaano ako naging masaya sa piling mo, sa bisig mo, sa kwentong magkasama nating binuo. Pero sa 'twing bumabangga sa isip ko kung paano mo banggitin ang mga salitang ito, napapapikit na lamang ako. Dahil kahit ako, ayokong makita ang sariling luha ko na unti-unting tumutulo... unti-unting natutuyo. Dahil kapag wala ng ikaw at ako Wala narin ang tagapunas nito. Kaya kapag wala ng ikaw at ako, Masakit man para sakin pero pangako, patuloy parin akong maglalakad papunta sayo, Alam ko namang lalo lang lalabo ang dadaanan ko sa bawat paghakbang ko papalapit sayo. Pero pangako, sisikapin ko paring marating muli ang kinaroroonan mo. Kapag wala ng ikaw at ako, Mahirap man para sakin gawin 'to pero pangako, patuloy akong kakapit sa lubid kahit alam kong binitawan mo na ang kabila nito. Dahil kahit wala ng ikaw at ako, Mananatii parin ako sayo... Dahil sayo parin ako... Nasa 'yo parin ako. Hindi ako aalis sa kwento kahit iba na ang karakter na ginagampanan mo. At kahit mawala kaman sa kwento, mananatili parin ako... Maghihintay parin ako sa pagbalik mo. Pero kung sakali mang may iba ng papalit sa karakter ko, pangako, hindi ako lalayo. Dahil kahit wala ng ikaw at ako, Nakakabulag man para sakin gawin 'to pero pangako, isa parin ako sa magiging tagabasa ng kwento mo. Alam kong mahirap... Masakit, pero nais ko lang masiguro na ginagampanan nya ng mabuti ang karakter na sinimulan ko. Dahil kahit wala ng ikaw at ako Hindi na mabubura ang halaga mo sa mundo. Kaya kapag wala ng ikaw at ako, Pakiusap, wag mo sanang ipilit sakin na kalimutan ka, Dahil kahit magmakaawa at lumuhod ka pa sa harap ng madla, hindi ko yun magagawa. Pero kung dumating na ang panahong magkaroon na ng kayo sa mundo, Pangako, kusa na akong lalayo. Pero 'wag mo sanang isipin na hindi kana mahalaga. 'Wag mo sanang isipin na kakalimutan na kita, Dahil katawan ko lang ang lalayo, hindi ang puso. Pero kahit wala ng ikaw at ako, Pangako, pipilitin kong maging masaya kahit alam kong may iba ng gumaganap ng karakter ko sa kwentong sabay nating binuo. Sisikapin kong muling ibalik ang ngiti ko... ang tawa... ang dating ako. Kaya 'wag kang mag-alala kung magkaroon man ng kayo sa mundo, Dahil pinapangako ko, magiging masaya ako... kahit tapos na ang kwentong ikaw at ako. Magiging masaya ako... Lam kong matatagalan pa bago mangyari ito. Posibleng taon ang bilangin ko pero posible rin akong mabigo. Pero pangako, pipilitin ko. Pipilitin ko paring maging masaya. Kapag wala ng ikaw at ako. Wala ng ikaw at ako. # - Tula ni: Mercy A. Paloma (05/12/17) read more at www.facebook.com/mercyanquilopaloma
jacobvanloon
ellievsbear
stormborns
dededos
2087
blakekathryn
tangentwithtanner