@n-mustafa-n - Tumblr Blog

Posts

"إن في القلب شعث لا يلمه إلا الإقبال على الله، وعليه وحشة لا يزيلها إلا الأنس به في خلوته، وفيه حزن لا يذهبه إلا السرور بمعرفته وصدق معاملته، وفيه قلق لا يسكنه إلا الاجتماع عليه والفرار منه إليه، وفيه نيران حسرات لا يطفئها إلا الرضا بأمره ونهيه وقضائه ومعانقة الصبر على ذلك إلى وقت لقائه ، وفيه طلب شديد لا يقف دون أن يكون هو وحده المطلوب ، وفيه فاقة لا يسدها الا محبته ودوام ذكره والاخلاص له، ولو أعطى الدنيا وما فيها لم تسد تلك الفاقة أبدا" ـــ ابن قيم الجوزية

there is no space to talk, write or feel…

bye, tumblr.

planet-meem

carimanhassan

n-mustafa-n

بقالي كتير مكتبتش انا حاسس بايه، مشاهد كتير ف حياتي بتمر بسرعة الصاروخ.

لا كاميرا تلقطها و لا سطرين يوصفوها.

المشاهد بتسابق الوقت.

و كرم ربنا سابقهم كلهم.

خريفي عدى و مستني الربيع يجي.

و شخصيتي بتتحول زي ورق الشجر.

و بتقع معاها ذكريات عشان يتملي مكانها اوقات احلى.

كل حاجة بتزقني للاحسن و عشان اركز علي نفسي اللي اهملتها سنين.

...

n-mustafa-n

:))

#5 years ago

ما يفتح الله للناس من رحمة فلا ممسك لها

#by mustapha

seriouslyidontnow

الـحـرب الـتـي تـنـتـصـر فـيـها وحـدك لا تـحـتـفـل بـهـا مـع أحـد

n-mustafa-n

مصطفي انا بقالي فترة كبيره مبصليش وحاسه ان قلبي بقي جامد ومابقتش قادره احس بحلاوة اي عباده ومش عارفه ارجع ازاي! قولي اعمل ايه؟

الخسارة الحقيقة مش في الوقوع ….اليوم اللي هتبطلي فيه محاولة الرجوع هو يوم الخسارة الحقيقة فخلي بالك جدا من الكلمة.

الفترة الاخيرة انا كمان بظت خالص و بحاول ارجع. فردي ده هيكون رد انسان مريض برده بس في طريقه انه يرجع اهو … ان شاء الله. فممكن تشوفي ردود الطبيب - الشيوخ-هيكون رد تفصيلي اكتر. و ممكن تسألي علي ask.fm.

الوقت.لازم تحط قصادك حقيقة انه مفيش وقت. هيجي يوم - ممكن يكون اللحظة دي- لازم تحاسب عالمشاريب. و انت عارفه نفسك موقفك فين. و ترك الصلاة ذنب من اثقل الذنوب و ممكن تقرأي قد ايه هو بداية كل شئ غلط.

ابدأي كل وقعة تحصلك استغفري ربنا ، كل صلاة بتروح من قصادك . استغفري ربنا كتير و خدي موضوع الاستغفار بجدية. انت بتطلبي من ربنا يغفرلك ذنب مش قليل. ده تاني ركن من اركان الاسلام. تقريبا كده اعرفي انه حاجه زي كانك بطلتي تقولي الشهادة و داخله علي كفر بكل شئ. الموضوع خطر جدا.

الاستغفار شئ اشبه بالسحر في بند ترك الصلاة. الموضوع فعلا فعّال جدا. مصدقتش غير لما جربت.

الدعاء. بيجي لزم مع الاستغفار. كلمي ربنا كأنه اقرب حد ليكي. مفيش صيغة معينة. اشكيله كل حاجة عنك .اشكيله عن ضعفك. اشكيله و قوليله نفسي ارجع اعبدك تاني …..

الذنب. في ذنوب بتدمر الصلاة، و اهمها الذنوب اللي بتنقد وضوءك و بتدفعك تكسل تتوضأ و الذنوب المستدامة. فبتكسل تروح تغتسل و تتوضأ تاني و بيبقي بدل ما بتفوت بالصلاة بيبقي بتفوت بالايام عشان الذنب ده. لو بتعملي ده بطليه فورا.

التوقعات.اوعي تتوقع يا انون انك بعد ما قررتي تبدأ تصلي هيبقيمش هتسيب صلاة و مش هتقع و هتبقي برنس في نفسك. الكلام ده هري.فلو سقطت منك حاجه او رجعت لذنوب انت مش حاببها متيأسش . الموضوع بياخد وقت مش قليل. متيأسش و الله هتيجي…. حتي لو مبتركعيش ركعة و مش قادرة حركي لسانك و استغفري و ادعي و ابكي. و ارجعي حاولي تاني و تالت و مليون ….و متبطليش محاولة ارجوكي. لو في مصر كلمي واحدة صاحبتك/ قريبة منك ملتزمة عنك و اعترفيلها و اطلبي المساعدة. احنا بنطلب مساعدة الناس في حاجات اتفه من كده بكتير فمتتكسفيش.

القرآن. بغض النظر عن اللي مكتوب فيه. ف آثار القرآن جواك -حتى لو مش فاهم - لو قرأته او سمعته ليه مفعول السحر و الله. فرجوعك للقراءة مهم جدا و علاقته قوية جدا بالرجوع للصلاة. فمتهملش البند ده.

اخر حاجة نزلي ابليكيشن يفكرك بمواعيد الصلاة و حطي خلفية موبايلك (الصلاة يا “اسمك”). الموبايل اكتر شئ بنستخدمه دلوقتي فخليه يساعدك.

اكيد في مراحل تانية عشان تلتزمي بالصلاة بشكل اكتر بس خلصي الحاجات دي الاول ، الموضوع مش هيّن…

شكرًا عالسؤال ، يا رب اكون رديت اجابة مفيدة. آسف على الاطاله.

ربنا يعننا و يعينك و يسترها معانا دنيا و اخره.

n-mustafa-n

to myself

royaa

sondos-96-deactivated20250529

أسأل الله في هذه الساعة أن يشملنا جميعًا بالرحمة والمغفرة، ويصلح نياتنا ويؤلف بين قلوبنا ويستر عيوبنا ويغفر ذنوبنا ويفرج همومنا ويشفي مرضانا ويرحم موتانا. أسأل الله أن لا يحرمني ولا يحرمكم من رزقه وتوفيقه ورحمته ومغفرته ورضوانه وجنته وصحبة نبيه محمد صلي الله عليه وسلم..