🍀💫

[pewiedust]

as if di rin sya naka encounter ng ganong post pagdating sa mga babae. tulala or naga-update din sa ibang babae? lol

[pewiedust]

tangina hindi ko alam kung mahal mo paba talaga ako or naglolokohan na lang tayo dito. Kapag kasama kita nararamdaman ko naman na mahal moko pero pag malayo na, parang wala lang

[pewiedust]

alam mo tangina ka. tangina ka to the fullest.

[pewiedust]

MOVING UP

Sa wakas ito’y natagumpayan

sa wakas aking nagampanan

Sa wakas mayro’n ng katibayan

Sa wakas!

Buong pasasalamat sa mga gurong gumabay

Buong pasasalamat sa mga magulang na nagalay

Buong pasasalamat sa mga kaibigang ’di lumisan

Buong pasasalamat sa Diyos na ako’y binantayan.

Ako man ay nakakuha ng diploma

Mga alaala ay hindi mawawala

Nagsikap para may mataas na marka

Hanggang sa bagong yugto ay madadala

Panibagong taon

Panibagong pagkakataon

Ano kaya ang panibagong hamon

na haharapin ko?

Ngunit kahit gano’n pa man

Pangakong hindi isusuko ang laban

Pangakong pag-aaral ay ‘di pabababayaan

dahil pangarap ko’y may patutunguhan.

[pewiedust]

PANSIYAM NA PAGSULAT

Ang pag-ibig

hindi ‘yan parang tula

kung saan dapat katunog ang mga salita

para maganda pakinggan sa iba

dahil kung mahal niyo ang isa’t-isa

kahit kayo’y magkaiba

lulutang pa rin ang inyong pagsasama.

Ang pag-ibig

hindi ‘yan parang isang pekeng makata

kung saan masaya lang siya magsulat sa simula

pero sa katagalan, napipilitan na sa kanyang ginagawa

dahil kung mahal niyo talaga ang isa’t-isa

kahit ang relasyon niyo’y sobrang haba na

ipapadama niyo parin na hindi ito nakakasawa.

Kaya’t dito ko nalaman

na ang tunay na pagmamahalan

ay nakadepende sa kwentong nilalaman

kung saan kinakailangan ng tapat na katotohanan

at taong magiging iyong sandalan

sa araw ng kalupitan at kahirapan.

[pewiedust]

MOTHER’S DAY

Walo,

pinaka mahalang numero

kung saan nabuhay si Kristo

sa tulong ni Mariang ina nito.

Sa ating pangaraw-araw,

si Maria ay nagsilbing ilaw

para magbigay linaw

sa daan na ating ginagalaw.

Ngayong araw na ‘to,

pasasalamat ang mabibigay sayo

dahil ika’y walang sawang sumuporta

sa paglaki ng iyong inaalagaang bata.

Pero kahit madalas kana namin sinasagot,

kami sana ay huwag malagot

sa bunganga mong nakakakilabot

at hampas mong malabong magamot.

Kaya’t mama, mommy, o inay

salamat at pinabuti mo ang aming buhay.

Ikaw na yata ang napaka dakilang nanay

kahit na ang boses mo’y hindi malumanay.

[pewiedust]

PAMPITONG PAGSULAT

Sa ilalim ng makulay na alapaap

Lagi itong may ganap

Puwedeng ingay ng bagong sangol

o kumukulong kaldero na sumisipol.

Dahil dito, sa daming pangyayari

’di mo alam kung saan ka pwepwesto,

‘di mo alam kung bagay ka ba rito

at di mo alam kung dito ka talaga ipinagtagpo.

Hayaan mong buksan ang iyong tenga

sa mga hiling ng iyong ina’t ama,

pero sana wag mong payagan na ika’y diktahan

dahil ito’y sarili mong karanasan.

Wag kang matakot na ‘di sila sundin

lalong-lalo na kung ’di ito ang layunin.

Kaya’t mas pakinggan ang sigaw ng puso,

dahil mas liligaya ka dito.

Piliin mo ang kaligayahan

Piliin mo ung ikaw naman.

[pewiedust]

PANG-ANIM NA PAGSULAT

Mahal, naalala mo pa ba

ang una nating pagkikita

kung saan parehas tayo‘y masaya?

Mahal, naalala mo pa ba

nung ako’y iyong kinantahan

doon sa arcade na ating pinasukan

habang ako ay iyong sinasandalan?

Mahal, naalala mo pa ba

ung mga gabi na tayo ay nagtatawagan

na tila ba walang tulugan

kahit na ako’y pinapagalitan?

Mahal naalala mo pa ba

nung tayo ay pinagtitinginan

sa lugar na ating pinagkitaan

dahil halata na ako’y galing pa sa paaralan?

Mahal naalala mo pa ba

ang tatlong salita na iyong binitawan

ating kamay na naghahawakan

at yakap na tila walang hanggan?

Mahal, ito ba’y naalala mo pa?

o piniling mong kalimutan na?

dahil matatanggap ko naman

kung ako’y pinagsawaan mo na.

Pero kung ito’y naalala mo pa

gusto ko lang malaman mo na

minahal talaga kita ng sobra

at salamat dahil tayo ay nagkakilala.

[pewiedust]

PANLIMANG PAGSULAT

Hindi mo ba namamalayan

na ang dahilan kung bakit ka nahihihirapan

ay ang pagkimkim ng iyong nararamdaman?

Kaya’t sa dami-dami ng nararanasan

puro negatibo ang iyong nasa isipan

dahil pinili mong wag pakawalan

kahit na ikaw ay nasasaktan.

Salitang magpalaya iyong subukan

upang ang damdamin ay gumaan

hindi lang sa konsepto ng pag-iibigan

kundi sa pangkalahatan.

Bangkus, dito ko naunawaan

kailangan bitawan

ang mga hinanakit ng nakaraan

para maranasan ang tunay na kaligayan

na matagal mo ng inaasam.

[pewiedust]

PANG-APAT NA PAGSULAT

Bago husgahan

Alamin ang nakaraan

Upang iyong malaman

Kung bakit siya nagkakaganyan.

Pilit natin sinasarado

Ang puso natin na tila nakakandado

Para sa ibang tao

Na akala natin ’di na magbabago.

Bakit nga ba ang ating pagkakamali

nakatatak sa isipan ng marami

Na kahit gustong ibali

hindi na maaari?

Kaya’t minsan ang ating sinisisi

kung bakit tayo ay nagiging suwail

magulang na kaparehas ang ugali

dahil bunganga rin ay walang tigil.

Bangkus kung walang magandang sasabihin

mas mainam na hindi na lang kausapin

o kaya ibulong na lang sa hangin

para hindi na alanganin.

[pewiedust]

PANGATLONG PAGSULAT

May mga tanong na di ’ko masagot

May mga aksyon na ako ay nalalagot

May mga taong nakakatakot

at may mga bagay na ako’y nasasangkot. 

Sa buong buhay ko, 

kadalasan ako ung talo

kaya’t minsan napapaisip ako

ito’y pa ba magbabago?

Kay raming tulang naisulat

kay raming luhang pumatak

kay raming salitang sumasaksak

ako pa ba’y mulat?

Sa daming iniisip

dibdib ay sumisikip

para bang mata’y nakatakip

at walang gustong sumagip.

Sana’y matigil ang pangangamba

para ang buhay ay hahaba pa.

Sana’y ika’y makiisa

sa pagligtas din ng iba. 

[pewiedust]

PANGALAWANG PAGSULAT

Sa pagikot ng mundo

May iba’t-ibang tunog ang maririnig mo

Ito’y puwedeng ingay ng tambutso

O kaya kwento ng kaibigan mo.

Subukan mong lumabas

Para malaman ang iyong landas

Kung ikaw ba’y ililigtas

ng sarili mong batas.

Kaya’t habang ika’y naglalakbay

wag ka sana malumbay

kakaisip sa iyong buhay

at kung paano ka magtatagumpay.

Ngunit wala namang masama

kung ika’y mababahala

‘pagkat ito’y nakasanayan

sa buhay na kinatayuan.

Sa iyong huling hakbang

wag kang mayabang

dahil kung di sa kanya

mababa ang kumpyansa.

[pewiedust]

UNANG PAGSULAT

Pagbati ang unang narinig ng aking pandinig

Na tila ba labas-pasok lang ang mga tinig

kahit paulit-ulit, parehas lang ang himig.

Habang ako’y nakaupo sa aking kabisera

Pinagmamasdan ang bawat galaw nila

Natutulog, Kumakain, at Nagkwekwentuhan

Ang aking namanmanan.

Masyado yata mahaba ang araw

Dahil lahat ng aking kakilala ay napaka sabaw

sapagkat ang isipan nila ay lumilipad na parang langaw.

Dahil dito napagtanto ko kaibigan

Na delikado ang katahimikan

sapagkat kadalasan ikinikimkim nila ang nararamdaman

kahit na sila’y nahihirapan.

Sa pagtapos ng aking tula

Laging tandaan ang aking paalala

Na wag matakot sumigaw o humagulgol

Tulad ng pag-iyak ng isang sanggol.

*sabaw= wala sa sarili; di makausap ng matino; kadalasan tahimik

[pewiedust]

Hello im Trixie! And i encourage you to read my tulas (on-going) here in my tumblr page. I would appreaciate if you write a comment through messenger (@tagulobtrix) about it. Thank you!