Ako’y muling nagbabalik, sa oras na ito ay maraming bumabagabag sa akin ngunit isinusuko ko ang mga ito sa Kanya. Ang mga nakaraan, ang mga problema, ang mga bigat, ang mga luha, ang mga sakit... lahat nang ito’y isinusuko ko sa Kanya.
Naniniwala akong wala akong mapupuntahan,
Naniniwala akong wala akong kapayapaang mararamdaman sa akin kung wala Siya sa buhay ko,
Naniniwala akong kailangan ko Siya,
Naniniwala ako sa pangako Niya,
Naniniwala ako sa plano Niya,
Sa totoo lang ay hindi ko alam kung saan patungo ngayon ang aking mga problema pero naniniwala akong kapag kumapit ako sa Kanya ay nasa tamang daan ako.
Magmula sa sakit na mayroon ako,
sa bigat na nararamdaman ko mula sa sitwasyon namin ng itinuturing kong pinakamatalik kong kaibigan,
sa bigat at sama ng loob na nararamdaman ko sa pamilya,
sa kaba na ibinibigay ng problema sa eskwelahan,
hanggang sa problema ko sa aking sarili...
naniniwala akong ito ay may hangganan,
Yaong tipong ang mga ngiting magmumula sa aking mga labi ay hindi papilit,
yaong hindi ko kailangang alalahanin ang sakit ko,
yaong hindi ko kailangang maramdaman ang bigat mula sa sitwasyon,
yaong hindi ako magagawang maapektuhan sa mga sinasabi ng paligid sa akin,
yaong wala akong mararamdamang sama ng loob sa miyembro ng pamilya,
yaong walang bigat at kaba na nagmumula sa mga gawaing pang-eskwela,
yaong nakakaramdam ako ng kapayapaan sa aking loob,
Salamat Panginoon. Ikaw ang buhay ko. Patuloy niyo po sana akong punuin. Patuloy niyo po nawang linisin ang aming mga puso’t isipan at maging ang aming kaluluwa. Ikaw po ay walang katulad.
DECEMBER 14, 2017 | 9:54PM
gummygunk
dailybridgerton
yousharknotpass
blakekathryn
andulkaphoto
