QueenBee

* Even the purest hearts are drawn to darkness*

[queen-be-e]

"الطيبون تنقذهم يد الله،

مهما تعددت خسائرهم."

[queen-be-e]

حوار اية ده الله يرحمها عاملي ازمة كبيرة من الصبح، تريجرنج بشكل مش طبيعي وكم المزايدات اللي عليها قاتلني، مين انتي عشان تحكمي على حياة واحدة متعرفيش ظروفها ولا نفسيتها كانوا ازاي؟ هو كل اللي بيخرجوا من علاقات زالخرا بيخرجوا عشان هما شاطرين ولا عشان ربنا لطف بهم؟

مين انتي عشان تقولي ايه قعدها كل ده ولا ليه خلفت منه؟ يخرب عقلكم والله العظيم، انتوا مش فاهمين يعني ايه واحد دماغه تتشل ويحس انه بين نارين مش قادر يقرر ايه اهونهم

[luvynowaay]

_ مصر فيها حاجات كتير حلوه بس إحنا منعرفهاش

= و في حاجات حلوه نعرفها بردوا

_ زي اي ؟

= زيك يا عايده ⁦❤️

إيه ده!

=فيه ايه؟!

-بعد ما حطيتي القطره إحلويتي كده ليه!❤

لأ أنا ممكن أطربقها في سبيل إسعادك، أفرمها.. أفرمها زي الكفتة بالبرغل كده، أجيبها على الأربع فرد كوشت

بصي إنتي لو الهوا منعكش حواليكي قوليلي وأنا أرتبه، إحنا عايزين ننول الرضا ⁦❤️

- طب قومي نمشي علشان الليله دي تعدي.

= بتنام بدري؟

- كنت بنام قبل م أشوفك ❤..

انا من ساعه ما شوفتك و صورتك مافرقتش خيالي و انا بصيد جراميط في الترعه بشوفك عايمه علي وش المايه ، لما بدخل الزريبه بتخيل كل اللي فيها "هَديه"⁦❤️

انِا بحبَك ، انتَ ايه؟

انا بتاعَك يا ريسَ 💙.

- وحبيبتك جاعده في مصر

= لا ، جاعده في قلبي😉

يوسف قولي كلام حلو بدل ما اكرهك ..🤦🏻‍♀️

- انا عارفه ياختي بتحبيه ع ايه؟!

= راجل جدع وكل الحته بتحلف بيه يكش هو حمار حبتين بس حنين😂

ياختي الحج مانعني من الأرنرنر والحاجات دي , قالي هو أنتي زي ما أنتي كدا يا بطة .. قمر⁦❤️

[queen-be-e]

جيالكم بحكمة جديدة من المسلسلات الكوري بما ان ده ادماني السيء بقالي شوية حلوين، المهم المسلسل اللي بشوفه جت لقطة البطلة بتعيط وهي بتقول how can I break with him when he gave me what my parents didn’t والحقيقة ان اللاين ده وحش اوي ويخض والله، اصل انا مقتنعه ان اللي مش بناخده من اهلنا بنمشي "نتسوله" من الآخرين حرفيا حتى لو من المكان الغلط، وده بيحط الانسان تحت رحمة الاحتياج وليست ارادته الحرة فيدخل في علاقات بايظة وصداقات مستغلة لمجرد انه يملا حاجة مفيش حاجة هتملاها، بغض النظر طبعا عن ان في المسلسل البطل كيوت وعسل بس يعني دي مش الحياة

[hadyaa]

ان يساندك أحدهم ، ويتعامل معك برفق شديد فى يومك الثقيل .. أمور كهذه لاتنسي أبداً

[queen-be-e]

Song of the week ❤️

[queen-be-e]

Friday 17.1.2025 ❤️

[ahmedworldstuff]

وانا فى رابعة طب كنت بحاول اسافر برا مصر بكل طريقة و مكنش الموضوع بينجح معايا لحد ما سألت وعرفت شخص فى اسكندرية بيهرب شباب لليونان و فعلا روحتله و اتفقت و سافرت تهريب فى ظروف متتحكاش ووصلت اثينا و قعدت بالظبط ٩ ايام كنت خلالهم بحاول ادور على شغل وسكن مناسب وطبعا مش معايا اى أوراق قانونية واللى حصل ان بعد ٩ ايام اترحلت لمصر .. ووقتها دى كانت قضية؛ كل اللى اترحلوا معايا شباب كان فى منهم تعليم متوسط و فى مش متعلمين اصلا وانا الوحيد اللى كنت فيهم طالب جامعي ويومها الظابط اللى كان بيحقق معانا استغرب جدا ازاى اعمل فى نفسى كده واغامر فى السفر عن طريق البحر اللى عادى ممكن نغرق واترحل بشكل أصعب وقالى حرفيا انت كمان طالب طب يعنى كم سنة وتبقى دكتور ازاى تعمل كده .. الظابط ده اخدنى على جنب وقالى انت شكلك محترم وابن ناس وانا هعتبر نفسى مشوفتكش ولا اسمك موجود ..شوف مستقبلك وحرام انت كم سنة وهتكون دكتور ؛ رجعت طبعا اسكندرية و فكرة السفر مفارقتيش بس كنت خلصت الجامعة واتخرجت وبعدها مباشرة جاتلى هجرة لكندا وسافرت المرة دى وانا دكتور رسمى بشكل قانونى ومرتب .. وعلى مدار ١٥ سنة اللى هم وجودى فى كندا انا عمرى ما نسيت الظابط ده ولا اسمه ولا جدعتنه فى موقف أسهل حاجة كان ممكن ميعملهوش لولا انه عنده ضمير وانسان ومرضاليش بالبهدلة ..

من سنتين فتحت شركتى الخاصة و كنت بستقبل طلبات عمل من مختلف الدول لوظائف معينة و صادف انى كنت براجع بعض ال c.v بالذات اللى بتيجى من دول عربية ومصر خصوصا .. وقابلت اسم لمهندس برمجة شاب عمره ٢٣ سنة و اسمه مش غريب عليا فعلا .. طلبت من مكتبى نتصل بالمهندس ده ونحدد مقابلة اونلاين.. وهو كمهندس خبرته لسه ضعيفة و فى افضل منه للوظيفة فعلا ؛ قولتله انت اسمك مش غريب عليا لانى شكيت فى اسم والده والتشابه .. وسألته على مهنة والده قالى بابا لواء شرطة على المعاش و حاليا متقاعد ..

هل فى حد يصدق ان نفس الظابط ده هو اللى ابنه فى اسكندرية بيقدم طلب عمل ليا تحديدا فى كندا ..هو ميعرفنيش ولا اعرفه ..هو شاب عادى بيبحث عن فرصة ..

انا للحظة سكت تماما ..ولقيته بيقولى انا كده متقبلتش صح ؟!

قولتله انت كده اتقبلت جدًا .. و قول لبابا انك اتقبلت وسلم عليه ..هو استغرب جدا انى اقوله سلم على بابا .

انا بس علشان انفعلت بالموقف والصدفة فبكتب بسرد من غير تفكير لكن عاوز اقول ان كل اللى افتكرته ..أن الشاب ده اخد فرصة هو نفسه مش مصدقها مش بمجهوده ولا شطارته لكن بطيبة أبوه اللى قابلت ابنه بعد سنين بشكل القدر رتبه .. فالخير عمره ما بيروح ولا بيترمى فى البحر والله .. الخير اللى عملته هيقابلك و يسلم عليك كمان .

[queen-be-e]

الله! ❤️

[queen-be-e]

فيه حاجة غريبة بتحصل ومش قادرة اشوف انها تعافي من التجربة، انا بقيت بفتكر حاجات هو عملها او علمهالي واقول الاكر بمنتهى التلقائية والعادية بدون اي شعور جوايا، قبل كده كنت بحس بغضب وكره شديد نحيته حتى لو كانت ذكرى عادية مفهاش أذى، دلوقت مبقتش احس بحاجة خالص، كل ماتعدي ذكرى ع بالي احاول اضغط على قلبي واغوص جواها عشان افهم حاسة بايه بس مبلاقيش حاجة، مفيش احساس موجود نحية الشيء، وانا مش متضايقة بالعكس انا مبسوطة ان بطلت اكره واغضب بس مضايقة ان كل شوية بفتكر حاجة بشكل لا ارادي، مش عايزة افتكر عشان ده بيزعلني انه طلع شخص وحش، ليه مكنش شخص كويس وكانت تبقى حياتنا عادية زي اي حياة اسرية عادية؟ ليه طلع بالشكل ده، معتش عايزة افتكر حاجة بس ده بيحصل غصب عني

[queen-be-e]

كل ما اتحط تحت ضغط الشغل في مصر واللي بيجرالي بسببه بتأكد اني مش هقدر اكمل في الشغلانة دي لو فضلت في مصر لان بالمعدل ده هيجرالي حاجة

[queen-be-e]

هو الناس بتجيب study partners منين والله؟😭

[queen-be-e]

I need to find my own path in this life or I will be forever lost.

[queen-be-e]

الحمد لله استبدلت ادماني للسوشيال ميديا بالمسلسلات الكوري 🤷🏻‍♀️

[queen-be-e]

…

[queen-be-e]

بقالي حوالي شهرين في حالة صمت، مبتكلمش مع حد بره الشغل ولا بحكي واتصل عالاليفون، مش عارفه سبب غير اني كل ما افكر اتصل الاقي مفيش حاجة جوايا اقولها خالص، حاسة بانقباضة قلب غريبة مع ان مفيش ما يستدعي ده.

[queen-be-e]

كانت الأعراض أيه؟

التشخيص مبيكونش اعراض بس، الاعراض وارتباطها بحياتك قبل كده ودلوقت والعوامل المؤثرة هي اللي بتخلي فيه تشخيص ❤️

[queen-be-e]

حلمت النهاردة اني في المدينة المنورة ورايحة مسجد قباء، انا نفسي ارجع أوي هناك وكل ما بفتكر الايام دي قلبي بيوجعني من الشوق :(