꧂☆𝕷𝖚𝖆𝖆 𝕾𝖍𝖊𝖍𝖆𝖙𝖆 ✶･ﾟ

[luvynowaay]

اللى بيقدر يسمع عقله فى اكتر وقت قلبه مسيطر عليه ده اذكى و اقوى بنى ادم لان الانسحاب من حاجه فى عز سيطرتها عليك قمة القوه و ده احسن كتير من ما الحاجه دى تذلك !

[luvynowaay]

مفيش حاجه حلوة شخص ممكن يقدمهالك، قد أنه يخليك مطمنلُه من غير ذره شك واحدة."🌷

[luvynowaay]

ام كلثوم اختصرت كلام كتير اوى وهي بتقول :

"انا وانت نسينا حتي نتعاتب ونتصالح ، وعز عليك تسيب العند وتسامح ، وعز عليا اكون البادي واتصالح" 💔✋

[luvynowaay]

يارب❤️

[luvynowaay]

كل سنه وانتم طيبين❤️ عيد مبارك

[luvynowaay]

والله العظيم قلة الاختلاط بالناس عافيه

[luvynowaay]

من أهم الحاجات اللي محتاجين ندعي ربنا بيها اليومين دول، إنّه يرزقنا الصلابة النفسية!

يعني مش كل موقف يعكنن عليك يومك، ولا كل كلمة تضايقك، ولا كل تصرف يشغلك وتفضل تفكر فيه!

محتاجين ربنا يرزقنا بشوية حكمة.. نعرف نفرق بيها بين اللي يستاهل تفكيرنا وطاقتنا، وبين اللي مالوش حل غير التجاهل.

عشان حرفيا جزء كبير من العافية في إنك تبقى مش فارق معاك، وشوية فِطنة في إنك تتغافل، وتخف شوية عن نفسك وتهوّن على قلبك.

[luvynowaay]

استيعابك أن ( الدنيا فانية ) يخليك تتغاضى عن أمور كتيره ولا تبدي فيها حتى أي ردة فعل

[luvynowaay]

‏لراحتك ..

أهتم بحياتك ، وأترك حياة الناس للناس !🩵

[luvynowaay]

ونعم بالله❤️

[luvynowaay]

الموبايل وهو فيه 90% شحن مبتفكرش فيه لكن أول ما يوصل 5% بتبدأ كل شويه تبص عليه

علشان ميفصلش

لما يكون معاك فلوس بتصرف براحتك لكن أول مايكون معاك ٢٠ ج بتكون أهم فلوس معاك

وأد ايه بتحاول توفر علشان متفلسش !!

كُتر الناس والصحاب حواليك بيخليك تتكلم وتخرج كل يوم وتعيش براحتك لكن أول ما بتقع في مشكله كبيره بيظهرلك مين أهم ناس هتقف جنبك وتساعدك ف وسط الناس الكتيره ساعتها دول اللي يستاهلوا لقب " أصحاب وعِشرة "

الناس دى هى ال 5% بتوع البطاريه اللي بتهتم بيهم ف الموبايل وهما العشرين جنيه اللي بتحافظ عليك من الإفلاس ...

الناس دى مهمه جدا .. متخليهاش ناس ثانويه بمجرد انك تشحن بطاريتك full زى موبايلك

ولا لما تجيلك فلوس علشان تصرف، فاهم

[luvynowaay]

فيه ناس في الحياة بتضيف للحياة "حياة" !

فيه ناس اما بتدخل اَي مكان كأنها بتدب فيه "حياة" !

الناس دول "حياة" لو لاقتوهم حافظوا عليهم !

[luvynowaay]

اللهم شعور هذه الآيه.💗

[luvynowaay]

مؤخرًا بقيت أحاول أحذف جملة "الدنيا ما بتديش كل حاجة" من قاموسي نهائيًا وأستبدلها بعبارة "ولعبدي ما سأل"

آه عارفين إن الدنيا دار ابتلاء وفانية بكل ما فيها، ولكن خالق الدنيا أمرنا نسأله كل حوائجنا ولا نقتصد في الطلب.. سبحانه يداه مبسوطتان ينفق كيف يشاء!

[luvynowaay]

من أنبل صور الإحسان أن تتجنب الحديث عما يفتقده غيرك.

[luvynowaay]

دايماً فيه حد بيحبك وأنت متعرفش!

ودايماً فيه حد بيفرح ويتبسط لما يشوفك أو يشوف صورتك وأنت متعرفش،

ودايماً فيه حد متابع أخبارك وأنت متعرفش،

ودايماً فيه حد بيمتن لموقف حلو عملته معاه أو كلمة حلوة قولتهاله في وقت صعب وغيرت فيه كتير وأنت متعرفش،

ودايماً فيه حد أثرت بأي شكل من الأشكال في حياته وأنت متعرفش،

ودايماً فيه حد مستني فرصة عشان يدخل حياتك وأنت متعرفش!

حياتك مش هي كل العلاقات اللي ظاهرة قدامك ولا كل الناس اللي تعرفهم وبتكلمهم دلوقتي،

فيه أشخاص كتير ورا الستار قد تمنحهم الحياة وتمنحك فرصة للقرب أكثر، ومنهم من ستظل تجهل مكانتك في قلبه طوال الحياة!

[luvynowaay]

أغلب الناس بقى عندهم بُخل فـ مشاعرهم و فـ كلمة حتى تبل ريق .. اللى بيحبك هيكون عنده وقت يتصل يسأل عليك وإن ماكنش أكيد هيكون عنده وقت أكتر يرد عليك وإن ماكنش أكيد هيكون عنده وقت يرجع يكلمك لما يفضى .. مفيش حد ( مهتم ) بيكون مشغول ع طول .. ولا حد ( بيحب ) ظروفه مابتخلصش .. أغلب عمرنا بيضيع فـ الحيرة ما بين اللى يتمنى لنا الرضا نرضا واللى بنجرى وراهم بالمشوار لحد ما نفسنا بيتقطع وبرضه ما بنحصلهمش .. ماتبقاش بخيل فـ اللى بتديه .. اللى هتدفعه النهاردة من مشاعرك وتعبك وتضحيتك هتاخده بكره أضعاف مضاعفة وهيتردلك .. الترمومتر اللى بنقيس بيه معزة الناس عندنا هى قيمة الحاجات اللى ممكن نضحى بيها عشانهم وهو برضه نفس المقياس اللى بنعرف بيه غلاوتنا عندهم باللى بيضحوا بيه عشانك.. "أنيس منصور" قال : ( التضحية هي أهم وسيلة مواصلات إلى ما تريد

تامر ابو آمين ❤