ரேணு

தமிழ்நாட்டின் அரசியல் செய்திகள், பகுப்பாய்வுகள் மற்றும் சமீபத்திய அரசியல் மாற்றங்களை நேர்மையான பார்வையில் வழங்கும் வலைப்பதிவு.

[renuviews]

கோயில் நில விவகாரம்: நீதிமன்ற தீர்ப்பால் சட்டச் சிக்கலில் சிக்கிய 2036 குடும்பங்கள்

கொரட்டூர் பகுதியில் அமைந்துள்ள Alliance Orchid Springs (அலையன்ஸ் ஆர்கிட் ஸ்பிரிங்ஸ்) அடுக்குமாடி குடியிருப்புகள் தொடர்பாக, தங்களை அறியாமல் கோயிலுக்குச் சொந்தமான நிலத்தில் வீடுகள் வாங்கியதாக தெரிவித்து, 2036 குடும்பங்கள் சென்னை டிஜிபி அலுவலகத்தில் புகார் மனு அளித்துள்ளனர். பல ஆண்டுகளாக வீடுகளில் வசித்து வந்த நிலையில், தற்போது நீதிமன்ற தீர்ப்பு காரணமாக கடும் சட்ட மற்றும் நிதி சிக்கலில் சிக்கியுள்ளதாக அவர்கள் தெரிவித்துள்ளனர்.

இந்த குடியிருப்புகள் Alliance Group (அலையன்ஸ் குழுமம்) என்ற கட்டுமான நிறுவனத்தின் மூலம் உருவாக்கப்பட்டவை. இதில் பெரும்பாலானோர் 2014 முதல் வசித்து வருகின்றனர். வீடுகளை வாங்கும் போது, நில உரிமை மற்றும் சட்ட ஆவணங்கள் அனைத்தும் சரியாக இருப்பதாக நம்பி தான் வாங்கியதாகவும், எந்தவிதமான பிரச்சினையும் இருப்பதாக முன்கூட்டியே தெரிவிக்கப்படவில்லை என்றும் அவர்கள் கூறுகின்றனர்.

ஆனால் பின்னர், அந்த நிலம் கோயிலுக்குச் சொந்தமானது என ஒருவர் சிவில் நீதிமன்றத்தில் வழக்கு தொடர்ந்ததைத் தொடர்ந்து, நில உரிமை தொடர்பான விவகாரம் வெளிச்சத்திற்கு வந்தது. இந்த வழக்கில், குறித்த நிலம் கோயிலுக்குச் சொந்தமானது என நீதிமன்றம் தீர்ப்பளித்துள்ளது.

இந்த தீர்ப்புக்குப் பிறகு, குடியிருப்புவாசிகள் கடும் குழப்பத்தில் உள்ளனர். வீடுகளை விற்கவும், பெயர் மாற்றவும், அடமானம் வைக்கவும் முடியாத சூழல் உருவாகியுள்ளது. ஏற்கனவே வங்கிக் கடன் பெற்று வீடுகளை வாங்கிய நிலையில், தற்போது EMI கட்டியும் எந்த பயன்பாடும் இல்லாத நிலை ஏற்பட்டுள்ளதாக அவர்கள் வேதனை தெரிவிக்கின்றனர்.

குடியிருப்புவாசிகள் கூறுகையில், 2015-ம் ஆண்டே நில உரிமை தொடர்பாக சில பிரச்சினைகள் இருப்பதாக தெரிய வந்ததாகவும், ஆனால் அதை சரி செய்து விடுவதாக கூறி தொடர்ந்து சமாதானம் செய்ததாகவும் குற்றம் சாட்டுகின்றனர்.

Alliance Orchid Springs திட்டத்தை முன்னெடுத்த நிறுவனம் தற்போது Urban Rise (அர்பன் ரைஸ்) என்ற பெயரில் செயல்பட்டு வருவதாகவும், பெயர் மாற்றம் மூலம் பழைய பிரச்சினைகள் மறைக்கப்பட்டதாகவும் குடியிருப்புவாசிகள் சந்தேகம் தெரிவிக்கின்றனர்.

மேலும், நிறுவன நிர்வாகிகள் என குறிப்பிடப்படுபவர்கள்:

Chandra Reddy (சந்திரா ரெட்டி)

Mr. Manoj Namburu – Chairman & Managing Director

Suneel Bommireddy – Vice Chairman

இவர்கள் மீது உரிய சட்ட நடவடிக்கை எடுக்க வேண்டும் என புகாரில் வலியுறுத்தப்பட்டுள்ளது.

2018-ம் ஆண்டு வீடு பதிவு செய்ய முயன்றபோது சிக்கல் ஏற்பட்டதாகவும், அதை சில மாதங்களில் சரி செய்வதாக கூறப்பட்டதாகவும், ஆனால் அதன் பின்னரும் பிரச்சினை நீடித்ததாகவும் குடியிருப்புவாசிகள் தெரிவித்தனர். சிலருக்கு பட்டா வழங்கப்பட்டாலும், அது பின்னர் சட்ட ரீதியாக செல்லுபடியாகாததாக மாறியுள்ளதாகவும் தெரிவிக்கப்படுகிறது.

தற்போது வங்கிகளில் இருந்து நோட்டீஸ் வருவதால், பல குடும்பங்கள் கடும் மன அழுத்தத்தில் உள்ளனர். நீதிமன்ற தீர்ப்பு காரணமாக வீடுகளின் சந்தை மதிப்பு பூஜ்யம் ஆக மாறியுள்ளதாகவும், புதிய கடன் பெறவும், வீடுகளை விற்று மாற்றவும் முடியாத நிலை உருவாகியுள்ளதாகவும் அவர்கள் கூறினர்.

இதனால், சம்பந்தப்பட்ட தரப்புகள் மீது உரிய நடவடிக்கை எடுக்க வேண்டும் என்றும், தங்களுக்கு பாதுகாப்பான தீர்வு வழங்க வேண்டும் என்றும் வலியுறுத்தி, 2036 குடும்பங்கள் சார்பில் சென்னை டிஜிபி அலுவலகத்தில் புகார் மனு அளிக்கப்பட்டுள்ளது.

இந்த சம்பவம், ரியல் எஸ்டேட் துறை, நில உரிமை சரிபார்ப்பு, வீடு வாங்குபவர்களின் பாதுகாப்பு போன்றவை எவ்வளவு முக்கியம் என்பதை மீண்டும் நினைவூட்டும் ஒரு முக்கிய நிகழ்வாக மாறியுள்ளது.

[renuviews]

தமிழகத்தை அதிரவைத்த வருமான வரித்துறை அதிரடி – போத்தீஸ் மீது பரபரப்பான சோதனைகள்

தமிழ்நாட்டின் புகழ்பெற்ற துணி மற்றும் நகை விற்பனை நிறுவனமான போத்தீஸ் மீது வருமான வரித்துறை நடத்திய திடீர் சோதனை, மாநில வணிக உலகையே கலக்கியுள்ளது.

பல நகரங்களில் ஒரே நேரத்தில் சோதனை

வெள்ளிக்கிழமை காலை தொடங்கிய இந்த அதிரடி நடவடிக்கை, சென்னை, கோயம்புத்தூர், மதுரை உள்ளிட்ட முக்கிய நகரங்களில் உள்ள 25-க்கும் மேற்பட்ட விற்பனை நிலையங்கள் மற்றும் உரிமையாளர்களின் வீடுகள் வரை பரவியுள்ளது. பல இடங்களில் தேடுதல் பணிகள் ஒரே நேரத்தில் நடப்பதால், நிறுவன வட்டாரங்களில் பெரும் பரபரப்பு ஏற்பட்டுள்ளது.

நூற்றுக்கணக்கான அதிகாரிகள் ஈடுபாடு

இந்த சோதனைகளில் 200-க்கும் மேற்பட்ட வருமான வரி அதிகாரிகள், அவர்களுக்கு துணையாக மத்திய பாதுகாப்புப் படை (CRPF) வீரர்களும் பங்கேற்றுள்ளனர். விற்பனை பதிவுகள், வரி கணக்குகள், டிஜிட்டல் பரிவர்த்தனைத் தரவுகள் உள்ளிட்ட முக்கிய ஆவணங்கள் கைப்பற்றப்பட்டுள்ளதாக தகவல்கள் தெரிவிக்கின்றன.

வரி ஏய்ப்பு குற்றச்சாட்டு

கடந்த சில ஆண்டுகளாக நிறுவனத்தின் வரி செலுத்தும் முறைகளில் சந்தேகத்திற்கிடமான முரண்பாடுகள் இருப்பதாக நம்பகமான தகவல்கள் கிடைத்ததைத் தொடர்ந்து இந்த சோதனை நடத்தப்பட்டுள்ளதாக வருமான வரித்துறை அதிகாரிகள் உறுதி செய்துள்ளனர். விற்பனை வருவாய் மற்றும் கணக்கு பதிவுகளில் பெரிய வித்தியாசங்கள் உள்ளதாகவும் தெரிவிக்கப்படுகிறது.

அடுத்த கட்ட நடவடிக்கை

சோதனைகள் முடிந்த பின் பறிமுதல் செய்யப்பட்ட ஆவணங்கள் முழுமையாக ஆய்வு செய்யப்படும். வரி ஏய்ப்பு நிரூபிக்கப்பட்டால், போத்தீஸ் மீது பெரும் அபராதம் மற்றும் சட்ட நடவடிக்கை எடுக்கப்படும் வாய்ப்பு அதிகம் என அதிகாரிகள் எச்சரிக்கின்றனர்.

வணிக உலகில் தாக்கம் இந்த அதிரடி நடவடிக்கை தமிழக வணிகர்களிடையே அதிர்ச்சியை ஏற்படுத்தியுள்ளது. மாநில துணி மற்றும் நகை விற்பனை துறையில் இதன் விளைவுகள் எப்படி இருக்கும் என்ற கேள்வி தற்போது பேசுபொருளாகி வருகிறது. போத்தீஸ் நிறுவனம் இதுவரை எந்த அதிகாரப்பூர்வ விளக்கமும் வழங்கவில்லை; ஆனால் விரைவில் பதில் வெளிவரும் என எதிர்பார்க்கப்படுகிறது.

[renuviews]

வாக்கு திருட்டு தமிழகத்தில் நடக்காது; திமுக கூட்டணி வலுவாக உள்ளது – ப. சிதம்பரம்

தமிழகத்தில் திமுக கூட்டணி வலிமையாக உள்ளது. எனவே வரும் சட்டமன்றத் தேர்தலில் வாக்கு திருட்டு அரங்கேறாது” என முன்னாள் மத்திய நிதி அமைச்சர் ப. சிதம்பரம் தெரிவித்துள்ளார்.

நெல்லை பாளையங்கோட்டையில் நேற்று இரவு காங்கிரஸ் கட்சி சார்பில் “வாக்குத் திருட்டை தடுப்போம், ஜனநாயகத்தை காப்போம்” என்ற அரசியல் மாநாடு நடைபெற்றது.

மாநாட்டில் மாநிலத் தலைவர் செல்வப்பெருந்தகை தலைமையில பேசினார். எம்.எல்.ஏ. ராஜேஷ் குமார் முன்னிலை வகித்தார். ரூபி மனோகரன் எம்.எல்.ஏ. வரவேற்று பேசினார். எம்.பி. ராபர்ட் புரூஸ் தொடக்க உரையாற்றினார். முன்னாள் மத்திய அமைச்சர் தனுஷ்கோடி ஆதித்தன் உள்ளிட்ட பலரும் கலந்துகொண்டனர்.

ப. சிதம்பரத்தின் உரை:

“கர்நாடகாவின் மகாதேவபுரா தொகுதியில் 1 லட்சம் வாக்குகள் முன்னிலை இருந்தது என்று தேர்தல் ஆணையமே அறிவித்தது. இதன் மூலம் வாக்கு திருட்டு நடந்தது என்பதை ராகுல் காந்தி வெளிச்சமிட்டார்.”

“ஒரே வீட்டில் 120 பேர் வாக்குரிமை பெற்றிருந்தனர். போலியான முகவரிகள், பெயர் குழப்பங்கள் வழியாக வாக்கு திருட்டு நடந்தது.”

“பா.ஜ.க. சார்பில் போலியான வாக்குகள் பதிவானது; தேர்தல் ஆணையம் விசாரணை நடத்த மறுத்தது.”

“பீகார், மகாராஷ்டிரா, கர்நாடகம் போல தமிழகத்திலும் அதிமுக-பாஜக கூட்டணியின் மூலம் வாக்கு திருட்டு நடக்க வாய்ப்பு உள்ளது. ஆனால் திமுக கூட்டணி வலுவாக இருப்பதால் தமிழகத்தில் அது நடைபெறாது.”

[renuviews]

தமிழகத்தில் வாக்கு திருட்டு நடக்காது; திமுக கூட்டணி வலிமையாக உள்ளது” – ப. சிதம்பரம் உறுதி

காங்கிரஸ் கட்சியின் "வாக்குத் திருட்டை தடுப்போம், ஜனநாயகத்தை காப்போம்" என்ற அரசியல் மாநாடு நேற்று பாளையங்கோட்டையில் நடைபெற்றது. மாநிலத் தலைவர் செல்வப்பெருந்தகை தலைமையில் நடந்த இந்த மாநாட்டில், முன்னாள் மத்திய அமைச்சர் ப. சிதம்பரம் உள்ளிட்ட பல முக்கிய தலைவர்கள் கலந்துகொண்டனர்.

இந்த நிகழ்வில் பேசிய ப. சிதம்பரம்,

“கர்நாடக மாநிலம் மகாதேவபுராவில் போலியான வாக்குகள், அடையாள மோசடி காரணமாக காங்கிரஸ் கட்சி பாதிக்கப்பட்டது. ஆயிரக்கணக்கான போலி வாக்குகள் இருந்தும், தேர்தல் ஆணையம் விசாரணை செய்யவில்லை. இது ஜனநாயகத்துக்கு எதிரானது” என்றார்.

மேலும் அவர்,

“பீகார், மகாராஷ்டிரா, கர்நாடகம் போன்ற மாநிலங்களில் நடந்ததைப்போல, தமிழகத்திலும் பா.ஜ.க. கூட்டணியில் வாக்கு திருட்டு நடத்த முயற்சிக்கலாம். ஆனால் திமுக கூட்டணி வலிமையாக உள்ளதால், இங்கு வாக்கு திருட்டு நடக்காது” என வலியுறுத்தினார்.

[renuviews]

2026 தேர்தலில் எடப்பாடி தோல்வி உறுதி – சுயநல அரசியலை செய்கிறார்: கருணாஸ் தாக்கம்

அதிமுக பொதுச் செயலாளர் எடப்பாடி பழனிசாமி மீது நடிகரும் முக்குலத்தோர் புலிப்படை தலைவருமான கருணாஸ் கடுமையாக விமர்சித்துள்ளார்.

சில நாட்களுக்கு முன், அதிமுகவில் ஒற்றுமை தேவை என்று வலியுறுத்திய செங்கோட்டையனுக்கு, எடப்பாடி பழனிசாமி அதிரடியாக கட்சி பொறுப்புகளை நீக்கியிருந்தார். இதை தொடர்ந்து கருணாஸ், “ஜெயலலிதாவின் கனவுகளை புதைக்கக்கூடியவர் எடப்பாடிதான். அவர் எடுத்துக் கொண்ட அரசியல் முடிவுகள் அதிமுகவை பலவீனப்படுத்துகின்றன.

2026 தேர்தலில் திமுகவின் ஆட்சிதான் உருவாகும்; ஓட்டுக்கு ரூ.2000 கொடுத்தாலும் எடப்பாடி வெற்றி பெறுவது கடினம். காங்கு மண்டல மக்களிடையே அவருக்கு எதிர்ப்பு அதிகரித்துள்ளது. சுயநல அரசியலை எடப்பாடி செய்து வருகிறார்” என கடுமையாக தாக்கினார்.

[renuviews]

பசும்பொன் முத்துராமலிங்க தேவருக்கு பாரத ரத்னா வழங்க கோரி எடப்பாடி வலியுறுத்தல்

அதிமுக பொதுச்செயலாளர் மற்றும் எதிர்க்கட்சித் தலைவர் எடப்பாடி பழனிசாமி, பசும்பொன் முத்துராமலிங்க தேவருக்கு நாட்டின் உயரிய விருதான பாரத ரத்னா வழங்க வேண்டும் என்றும், மதுரை விமான நிலையத்துக்கு தேவரின் பெயரை சூட்ட வேண்டும் என்றும் மத்திய அரசிடம் வலியுறுத்துவோம் என தெரிவித்துள்ளார்.

‘மக்களைக் காப்போம், தமிழகத்தை மீட்போம்’ என்ற பெயரில் தேர்தல் பிரச்சாரத்தில் ஈடுபட்டிருந்த அவர், ஆத்தூர், ஒட்டன்சத்திரம், பழனி தொகுதிகளில் மக்களை சந்தித்து உரையாற்றினார்.

அப்போது பேசுகையில்,

திமுக ஆட்சி அமைந்த 52 மாதங்களாக இருந்தாலும் திண்டுக்கல் மாவட்டத்திற்கு எந்த பெரிய திட்டமும் தரப்படவில்லை.

அதிமுக ஆட்சியில் அரசு மருத்துவக் கல்லூரி மருத்துவமனை 350 கோடி ரூபாயில் அமைக்கப்பட்டது.

ஆனால் தற்போதைய ஆட்சியில் மக்களுக்கு தேவையான திட்டங்கள் இல்லை.

மேலும், பசும்பொன் முத்துராமலிங்க தேவர் இந்திய சுதந்திரப் போராட்டத்தில் பங்கேற்றது, மக்களுக்கு தனது சொத்தை தானமாக வழங்கியது போன்ற அவரது தியாகங்களை நினைவுபடுத்திய அவர், தேவரின் பெயரில் விமான நிலையம் அமைந்தால் இளைஞர்களுக்கு பெருமை சேரும் எனக் குறிப்பிட்டார்.

அதேவேளையில்,

சட்டம் ஒழுங்கு சீர்குலைவு,

வெடிகுண்டு சம்பவங்கள்,

திமுக உறுப்பினர்கள் தொடர்பான திருட்டு வழக்குகள்,

போதைப்பொருள் பரவல்

இவற்றை எடுத்துக்காட்டி, திமுக ஆட்சியைக் கடுமையாக விமர்சித்தார்.

[renuviews]

210 தொகுதிகளில் அதிமுக வெற்றி பெறும் – எடப்பாடி பழனிசாமி உறுதி

அதிமுக பொதுச் செயலாளர் எடப்பாடி பழனிசாமி, 2026 சட்டமன்றத் தேர்தலில் அதிமுக தலைமையிலான கூட்டணி 210 தொகுதிகளில் வெற்றி பெற்று பெரும்பான்மையுடன் ஆட்சி அமைக்கும் என்று தெரிவித்துள்ளார்.

திமுக மீது கடும் குற்றச்சாட்டுகளை முன்வைத்த அவர், மேகதாது அணை, முல்லைப் பெரியாறு அணை பிரச்சனைகள் குறித்து திமுக இந்தியா கூட்டணிக் கட்சிகளிடம் பேசவில்லை என்று கேள்வி எழுப்பினார்.

“மேகதாது அணை கட்டப்பட்டால் டெல்டா மாவட்டங்கள் பாலைவனமாகும். திமுக தலைவர் காங்கிரஸிடம் பேசி நடவடிக்கை எடுக்க வேண்டும்,” என எடப்பாடி பழனிசாமி வலியுறுத்தினார்.

மேலும்,

அதிமுக ஆட்சியில் தமிழகம் இந்தியாவின் சிறந்த மாநிலமாக இருந்தது.

திமுக அரசு எந்த பெரிய திட்டத்தையும் கொண்டு வரவில்லை.

சட்டம் ஒழுங்கு சீர்குலைவு, போதைப்பொருள் புழக்கம், அரசு ஊழியர்கள் போராட்டம், பாலியல் வன்கொடுமை – இவை அனைத்தும் திமுக ஆட்சியில் அதிகரித்துள்ளன.

நீட் தேர்வில் மாணவர்களை திமுக தவறாக வழிநடத்தியுள்ளது.

எனக் கூறியுள்ளார்.

[renuviews]

அதிமுக ஒன்றிணைய வேண்டும், திமுகவை வீழ்த்த வேண்டும்” – நயினார் நாகேந்திரன்

அதிமுக ஒன்றிணைந்து திமுகவை வீழ்த்த வேண்டும் எனவும், வரும் தேர்தலில் ஆட்சி மாற்றம் நிகழும் எனவும் தமிழக பாஜக தலைவர் நயினார் நாகேந்திரன் தெரிவித்துள்ளார்.

திருநெல்வேலி பாளையங்கோட்டையில் செய்தியாளர்களைச் சந்தித்த அவர், “தமிழகத்தில் அரசியல் மாற்றம் அவசியம். அதிமுக கட்சியினர் அனைவரும் ஒன்றிணைய வேண்டும். இதற்காக டெல்லி தலைமையோடு பேசி முடிவு எடுக்கப்படும். புரட்சித் தலைவர் எம்.ஜி.ஆர் போல், நாம் திமுகவுக்கு தோல்வியைத் தருவோம்,” என்றார்.

மேலும், டிடிவி தினகரனின் குற்றச்சாட்டுகள் குறித்து விளக்கமளித்த நயினார், “2001-ல் நடந்த தேர்தலில் டிடிவி தினகரன் முக்கிய பங்கு வகித்தார். ஆனால் தற்போது அவர் கூட்டணியில் இல்லை. 2021 தேர்தலில் பாஜக–அதிமுக கூட்டணி நல்ல பலனை பெற்றது. கடந்த நாடாளுமன்றத் தேர்தலிலும் அவர் எங்களுடன் இருந்தார். ஆனாலும் திடீரென என்னை குற்றம் சாட்டுகிறார். நான் காரணம் என்று அவர் கூறுவது எந்த அடிப்படையில் எனக்குப் புரியவில்லை. எனக்கு விளங்கல மக்கா!” என்று பதிலளித்தார்.

அதோடு, முதலமைச்சர் ஸ்டாலின் வெளிநாட்டு பயணங்களால் முதலீடு வரவில்லை என்றும், வெள்ளை அறிக்கை வெளியிட வேண்டும் என்றும் வலியுறுத்தினார்.

செங்கோட்டையன் பாஜகவில் சேர வாய்ப்பா என்ற கேள்விக்கு, “ஒரு கூட்டணியில் இருக்கும் போது, வேறு கட்சியிலிருந்து ஒருவரை அழைப்பது நாகரிகமாக இருக்காது,” என நயினார் நாகேந்திரன் கூறினார்.

[renuviews]

பயண நோக்கம் அரசியல் அல்ல – ஹரித்வாரில் யாத்திரை சென்ற அதிமுக எம்.எல்.ஏ செங்கோட்டையன் விளக்கம்

அதிமுக மூத்த தலைவர் மற்றும் சட்டமன்ற உறுப்பினர் செங்கோட்டையன் ஹரித்வாருக்கு யாத்திரை சென்றுள்ளார். இவ்வருகை அரசியல் தொடர்புடையது என்ற ஊகங்களுக்கு இடையிலேயே, பாஜக தலைவர்களை சந்தித்ததாக வரும் செய்திகளை அவர் முற்றிலும் மறுத்தார்.

செய்தியாளர்களிடம் பேசிய அவர்: “அதிமுக ஒன்று சேர்ந்து இருக்க வேண்டும் என்பதே எனது ஒரே விருப்பம். இதற்குப் பிறகு எந்த அரசியல் நோக்கமும் எனக்கில்லை,” என்று கூறினார்.

தமிழக அரசியலில் கட்சி ஒருமைப்பாடு மற்றும் கூட்டணி விவகாரங்கள் பேசுபொருளாக இருக்கும் வேளையில் செங்கோட்டையனின் இந்தக் கருத்து முக்கியத்துவம் பெறுகிறது.

[renuviews]

இலங்கைத் தமிழர்களுக்கு நீண்டகால விசா மறுப்பு – மத்திய அரசுக்கு அன்புமணி கண்டனம்

இலங்கைத் தமிழ் அகதிகள் நீண்டகால விசாவுக்கு விண்ணப்பிக்க முடியாது என்று மத்திய அரசு அறிவித்திருப்பது பெரும் சர்ச்சையை ஏற்படுத்தியுள்ளது.

இந்தியா வந்த இலங்கைத் தமிழர்கள், 1955 குடியுரிமைச் சட்டத்தின் கீழ் குடியுரிமைக்கு விண்ணப்பிக்கலாம் எனவும், ஆனால் நீண்டகால விசா (1 முதல் 5 ஆண்டுகள்) வழங்கப்படாது என மத்திய அரசு தெரிவித்துள்ளது. இதை பாமக தலைவர் அன்புமணி ராமதாஸ் கடுமையாக எதிர்த்துள்ளார்.

"இது ஈழத் தமிழர் நலன்களுக்கு எதிரானது. மற்ற நாடுகளிலிருந்து வந்த அகதிகளுக்கு நீண்டகால விசா, குடியுரிமை சலுகைகள் வழங்கப்படுகின்றன. ஆனால் இலங்கைத் தமிழர்களுக்கு மட்டும் மறுப்பது அநியாயம்," என்று அவர் கூறியுள்ளார்.

1983க்கு பிறகு வந்த அகதிகளுக்கு குடியுரிமை வழங்கக்கூடாது என்ற மத்திய அரசின் பழைய முடிவு இன்றும் தொடருவதாகவும் தகவல் வெளியாகியுள்ளது. இதனால் இலங்கைத் தமிழர்களுக்கு இந்தியக் குடியுரிமை கிடைக்க வாய்ப்பு குறைகிறது.

தமிழ்நாட்டிற்கு வந்துள்ள ஈழத் தமிழர்கள் தங்கள் நாட்டிற்கு திரும்ப வாய்ப்பு மிகக் குறைவு. எனவே, அவர்கள் இங்கு கண்ணியமாக வாழ நீண்டகால விசா மற்றும் குடியுரிமை வழங்க வேண்டும். அதற்கான சட்டத் திருத்தங்களை மத்திய அரசு மேற்கொள்ள வேண்டும் என்று அன்புமணி வலியுறுத்தியுள்ளார்.

[renuviews]

பாஜகவில் நடக்கும் செயல்கள் திருப்தி அளிக்கவில்லை – அண்ணாமலை கருத்து

பாஜக கூட்டணியில் சமீபத்தில் நடந்த நிகழ்வுகள் குறித்து முன்னாள் மாநிலத் தலைவர் அண்ணாமலை அதிருப்தி தெரிவித்துள்ளார்.

ஓ.பன்னீர்செல்வம் மற்றும் டிடிவி தினகரன் ஆகியோர் பாஜகவின் தேசிய ஜனநாயகக் கூட்டணியில் இருந்து விலகியதைத் தொடர்ந்து, இது அரசியல் வட்டாரத்தில் பெரும் பரபரப்பை ஏற்படுத்தியது.

டிடிவி தினகரன், கூட்டணியில் இருந்து விலகியதற்கு நயினார் நாகேந்திரனின் செயல்பாடுகளே காரணம் என குற்றம்சாட்டினார். ஆனால், நயினார் அந்த குற்றச்சாட்டை மறுத்தார்.

இந்நிலையில், அண்ணாமலை செய்தியாளர்களிடம் பேசியபோது: பாஜக அமைத்த கூட்டணியின் நோக்கம் திமுக ஆட்சியை அகற்றுவதுதான். அதற்காக எல்லோரும் ஒருமித்த கருத்துடன் வந்திருந்தனர். டிடிவி தினகரன், ஓ.பன்னீர்செல்வம் இருவரும் பொறுமை காக்க வேண்டும் என்பதே எனது வேண்டுகோள் என்றார்.

மேலும் அவர், கடந்த சில நாட்களில் கூட்டணியில் நடந்த செயல்கள் எனக்கு திருப்தி அளிக்கவில்லை. ஆனால், கூட்டணி சரியான பாதையில் சென்றடையும் என்ற நம்பிக்கை உள்ளது. புதிய கட்சிகளை அழைப்பதை விட, உள்ள கூட்டணியை வலுப்படுத்துவதே முக்கியம்” என தெரிவித்தார்.

[renuviews]

அதிமுக விரைவில் ஐசியூவில்தான் அனுமதிக்கப்படும் – துணை முதல்வர் உதயநிதி ஸ்டாலின்

அதிமுக பொதுச்செயலாளர் எடப்பாடி பழனிசாமி தனது “மக்களைக் காப்போம்; தமிழகத்தை மீட்போம்” சுற்றுப்பயணத்தின் போது, கூட்டங்களில் ஆம்புலன்ஸ் வருவதைப் பற்றி கடும் எரிச்சல் தெரிவித்திருந்தார். அவரது எச்சரிக்கைக்கு பிறகும், ஒரு கூட்டத்தில் ஆம்புலன்ஸ் வந்ததால், அதிமுகவினர் ஓட்டுநரை தாக்க முயன்றது பெரும் சர்ச்சையை ஏற்படுத்தியது.

இதைத் தொடர்ந்து துணை முதல்வர் உதயநிதி ஸ்டாலின் கடுமையாக விமர்சித்து, “எதிர்க்கட்சித் தலைவர் ஆம்புலன்ஸை நிறுத்த முயல்கிறார். ஆனால், தமிழ்நாட்டு மக்கள் விரைவில் அதிமுகவையே ஆம்புலன்ஸில் ஏற்றக்கூடிய நிலை ஏற்படுத்துவார்கள். விரைவில் அந்த இயக்கம் ஐசியூவில்தான் அனுமதிக்கப்படும்” என்று கிண்டல் செய்தார்.