RJ Arpii

[rjarpii]

[rjarpii]

[rjarpii]

[rjarpii]

[rjarpii]

[rjarpii]

[rjarpii]

[rjarpii]

[rjarpii]

[rjarpii]

[rjarpii]

નવરાત્રી-Navratri

નવરાત્રીનો તહેવાર આસો સુદ એકમથી આસો સુદ નોમ સુધી ઉજ્વવામાંઆવેછે. આ તહેવાર સમાજના બધાજ

લોકો ધાર્મિક રીતે પૂજા કરીને આનંદ ઉલ્લાસ થીં ઉજવે છે.

આદ્ય શક્તિ અંબા માતાએ નવ દિવસ સુધી મહિષાસુર રાક્ષસ સાથે યુદ્ધ કર્યું હતું અને દસમાં દિવસે મહિષાસુર

નો વધ કર્યો હતો. અંબામાંએ મહિષાસુર નો વધ કરીને લોકોને તેના ત્રાસમાંથી છોડાવ્યા। તેની ખુશીમાં માતાજીના

ગુણ ગણ

ગાઈને લોકો આ તહેવાર ઉજવે છે.

નવરાત્રી ના તહેવાર માં કેટલાક લોકો ઉપવાસ કરે છે. માતાજીના નામના જપ કરે છે. શેરીએ શેરીએ માતાજી ના

મંડપો બાંધવામાં આવે છે. અને માતાજી ની છબી કે માટીનો ગરબો મુકવામાં આવે છે. તેની આસપાસ આખી રાત

લોકો ગરબા રમે છે. સ્ત્રીઓ ખુબ જ સુંદર તૈયાર થાય છે. છોકરીઓ ચણીયા ચોળી પહેરીને ગરબા રમે છે. પછી

માતાજી ની આરતીની સાથે સાથે માતાજીની સ્તુતિ પણ ગાય છે. અને ત્યાર બાદ પ્રસાદ વહેચે છે. આઠમ ના

દિવસે ઠેર ઠેર માતાજીના હવન થાય છે. હવન પછી માતાજી ને નૈવેદ્ય ધરાવે છે. ચણા, શીરો અને પૂરીનો પ્રસાદ

ધરાવવામાં આવે છે.

શેરીઓ, મહોલ્લા અને સોસાયટીઓમાં નાના બાળકો માટી અને ઈટો નો ઉપયોગ કરીને ગબ્બર એટલે કે

પહાડ બનાવે છે. જે પાવાગઢ નું પ્રતિક છે. સંધ્યાકાળે ત્યાં આરતી કરીને દીવા પ્રગટાવવામાં આવે છે,

જેને "મહોલ્લામાતા " કહેવાય છે. નાના બાળકોને તો ખુબ જ મજા આવે છે.

નવરાત્રી એટલે ભક્તિભાવ માં રંગીને ગરબે ઝુમવાનો તહેવાર।

[rjarpii]

Back to School

[rjarpii]

Shravan holy month-શ્રાવણ મહિનો।

દેવોના દેવ મહાદેવને પ્રસન્ન કરવાનો અનેરો અવસર એટલે શ્રાવણ મહિનો। ગુજરાતી પંચાગ નો દસમો મહિનો છે શ્રાવણ માસ. આ મહિનાને ખુબ જ પવિત્ર માનવામાં આવે છે. ઘણા બધા તહેવાર શ્રાવણ મહિનામાં આવે છે. જેમ કે, રક્ષાબંધન, નાગ પંચમી, રાંધણ છઠ, શીતળા સાતમ, જન્માષ્ટમી અને પારણાં। શિવભકતો મહાદેવ ને પ્રસન્ન કરવા દરરોજ મંદિરે જઈ શિવલિંગ ઉપર જળ , દૂધ , પંચામૃત અને  બીલીપત્રનો અભિષેક કરે છે. બીલીપત્ર શિવજી ને અતિ પ્રિય છે. તેથી શિવ ભક્તો એક બીલીપત્ર થી લઈને સવા લાખ બીલીપત્ર સુધી યથાશક્તિ ભક્તિપૂર્વક મહાદેવ ને અર્પણ કરે છે. ભક્તો શિવ આરાધના દ્વારા ભોળાનાથ ને પ્રસન્ન કરવાનો કોઈ અવસર ચૂકતા નથી. શિવાલયો " ઓમ નમઃ શિવાય " અને "હર હર મહાદેવ " ના નાદ થી ગૂંજી  ઊઠે છે. શ્રાવણ મહિનાના પહેલા દિવસ ને " દિવાસો " તરીકે ઓળખવામાં આવે છે. કારણ કે,  આ દિવસથી લઈને સો માં દિવસે દિવાળી નો  તહેવાર ઉજવવામાં આવે છે. શ્રાવણ મહિનાની પૂનમના દિવસે રક્ષાબંધનનો  તહેવાર મનાવવામાં આવે છે. રક્ષાબંધનનો  તહેવાર ભાઈ બહેન ના પવિત્ર પ્રેમ નું પ્રતિક છે. આ દિવસે સાગરખેડુ નારિયેળ વધેરીને દરિયાની પૂજા કરે છે અને એ દિવસ થી તેઓ દરિયો ખેડવાનું ચાલુ કરે છે. રક્ષાબંધન ને નારિયેળી પૂનમ તરીકે પણ ઓળખવામાં આવે છે. રક્ષાબંધન ના દિવસે બ્રાહ્મણો નદી કે તળાવ કિનારે જઈને વિધિસર જનોઈ બદલે છે. આ દિવસે બહેન પોતાના ભાઈના કપાળ પર કુમકુમ નો ચાંલ્લો કરીને તેના પર અક્ષત લગાવે છે. ત્યારબાદ  રાખડી બાંધે છે, તેની  આરતી ઉતારે છે અને મીઠાઈ ખવડાવે છે. બદલામાં ભાઈ પોતાની બહેન ને ભેટ આપે છે અને સાથે સાથે બહેન ની રક્ષા કરવાનું વચન પણ આપે છે. કેટલીક બહેનો જેલના કેદીઓને રાખડી બાંધવા  જાય છે અને તેમના હૃદય પરિવર્તન ની સાથે સાથે તેમનું જીવન પરિવર્તન પણ થાય એવી શુભેચ્છા પાઠવે છે. જે બહેનો ભાઈના  ઘરે નથી જઈ સકતી તે ટપાલ દ્વારા ભાઈને રાખડી મોકલે છે. કુંતામાતાએ મહાભારતના યુદ્ધ માં જતા અભિમન્યુ ને તેની રક્ષા થાય અને એને વિજય મળે તે ભાવ થી રાખડી બાંધી હતી. મેવાડ ની રાણી કર્મવતીએ હુમાયુને રાખડી મોકલીને  હુમાયુને પોતાનો ભાઈ માન્યો હતો. તેથી હુમાયુએ કર્માંવતીના રાજ્યની રક્ષા કરવા માટે પોતાનું લશ્કર મોકલ્યું હતું। દ્રૌપદી એ એકવાર ભગવાન શ્રી કૃષ્ણના ઘા પર પોતાની સાડીનો છેડો  ફાડીને બાંધ્યો હતો. જેનું ઋણ ભગવાને ભરી સભામાં દ્રૌપદી ના ચીર પૂરીને ચુકવ્યું હતું। તેથી રાખડી નું ઘણું મહત્વ છે. આમ ધાર્મિક તહેવારો આપણા સંબંધો મજબુત બનાવે છે. શ્રાવણ વદ  ચોથને બોળચોથ તરીકે ઉજવવામાં આવે છે. આ દિવસે લોકો ગાયની પૂજા કરે છે. સાથે સાથે રોટલા અને મગ ખાવાનું મહત્વ છે. એના પછી નો દિવસ એટલે નાગપંચમી। ખેતર માં કામ કરનારા લોકો પોતાના નાના બાળકોને પણ સાથે ખેતર માં લઇ જતા હોય છે. અને ખેતરમાંથી નીકળતા સાપ અને નાગ તેમના બાળકો અને પરિવાર ના સભ્યોને નુકશાન ના પહોચાડે તે માટે નાગ દેવતાની પૂજા કરતા હોય છે. આ દિવસે કુલેર અને નારિયેળ ખાવાનું મહત્વ છે. નાગપંચમી પછીનો  દિવસ રાંધણછઠ તરીકે ઉજવાય છે. આ દિવસે ઘરની સ્ત્રીઓ ઢેબરા, વડા, કંકોડાનું શાક, પૂરી, પાતરા, કઢી, હાંડવો, દહીવડા વગેરે બનાવે છે અને તેના પછીના દિવસે  એટલે કે શીતળાસાતમના દિવસે ઠંડુ જમે છે. કારણ કે શીતળા સાતમ ના દિવસે ઠંડુ જમવાનો મહિમા છે. શ્રાવણ વદ આઠમના દિવસે  જન્માષ્ટમી નો તહેવાર  ઉજવવામાં આવે છે. જન્માષ્ટમી એટલે ભગવાન શ્રી ક્રુષ્ણ નો જન્મ દિવસ। જન્માષ્ટમી ને કૃષ્ણાષ્ટમી તરીકે પણ ઓળખવામાં આવે છે. સંસાર માં વધી ગયેલા ત્રાસ અને અત્યાચાર નો નાશ કરવા માટે પ્રભુ શ્રી કૃષ્ણે મથુરામાં દેવકી અને વાસુદેવ ના ત્યાં કારાવાસ માં રાતે બાર વાગ્યે જન્મ લીધો। અને ત્યાર બાદ કંસ થી દેવકીના આઠમાં પુત્ર કૃષ્ણ ને બચાવવા માટે જન્મતા ની સાથે જ વાસુદેવ પોતાના પુત્રને ટોપલી માં મુકીને ગોકુલ લઇ ગયા અને ત્યાં જઈને નંદબાબા અને જશોદા માતા ને કૃષ્ણ ભગવાન નો ઉછેર કરવાની જવાબદારી સોંપી।   ત્યારથી દર વર્ષે મંદિરો માં કૃષ્ણ જન્મ ઉજવાય  છે. લોકો આખો દિવસ ઉપવાસ કરે છે , કૃષ્ણ ભજન ગાય છે અને રાતે બાર વાગ્યે મંદિર માં જઈને બાલગોપાલ નું પારણું ઝુલાવે છ અને એમના અતિ પ્રિય માખણ અને મિસરી નો પ્રસાદ ધરાવે છે.  ગોકુલ , મથુરા, વૃંદાવન માં ખુબ જ ધામ ધૂમ થી આ ઉત્સવ ઉજવવામાં આવે છે. શાળા માં કૃષ્ણ જન્મ ના નાટક ભજવવામાં આવે છે અને સાથે સાથે કૃષ્ણની મનપસંદ રાસ  લીલા રમવામાં આવે છે. આમ  ખુબ જ  આનંદ  ઉલ્લાસ સાથે આ ધાર્મિક તહેવાર ઉજવવામાં આવે છે. જન્માષ્ટમી નો બીજો દિવસ એટલે પારણાં। આ દિવસે શેરીઓ અને શાળાઓમાં મટકી ફોડવાનો કાર્યક્રમ રાખવામાં આવે છે અને મંદિરોમાં બાલગોપાલ ને પારણાંમાં ઝુલાવવામાં આવે છે. સાથે સાથે માખણ અને મીસરી નો પ્રસાદ ધરાવવામાં આવે છે. શ્રાવણ મહિના માં મહાદેવ ના બાર જ્યોતિર્લીંગ એટલેકે,  સોમનાથ, મલ્લિકાર્જુન ,મહાકાલ, મમલેશ્વર, નાગેશ્વર, વિશ્વનાથ, ભીમાશંકર, વૈદનાથ , કેદારનાથ, ધ્રુશણેશ્વર , રામેશ્વર, ત્રયંબકેશ્વર ની પણ વિશેષ પૂજા થતી હોય છે. કેટલાક લોકો આખો મહિનો એકવાર જમીને ઉપવાસ કરતા હોય છે. આમ શ્રાવણ મહિનો પૂરા ભક્તિભાવ થી શિવ આરાધના કરીને  ઉજવવામાં આવે છે. ઓમ નમઃ શિવાય।