سوّاح @sawa7-ra77al - Tumblr Blog

كم أنتَ منسىّ ...

مرة نشرت بوست عن راجل عجوز بسيط سمعته وانا راكب القطر وهو بيدعي ربنا وبيقول: “استرها معايا يا رب وحياة ابوك”. البوست دا خلى ناس كتير في التعليقات اتكلمت عن نفس الحالة، حالة الشخص البسيط اللي بيدعي ربنا بأسلوبه، من غير تزويق ولا لف ودوران، بل كان في التعليقات حاجات أعمق وأبسط. كان فيه تعليق لـ () كتبت فيه إنها كانت عاملة موضوع عن “الله عند الغلابة"، كتبت فيه عن ست صعيدية بتصحى كل يوم الصبح تقول: “صباح الخير يا رب"، وجدّة صديقة ليها كانت بتغلط في التشهُّد في الصلاة، ولما حفيدتها حاولت تصلّحها لها ردّت عليها: "النبي بيزورني كل يوم في المنام، لو كنت باغلط فيها كان صحّحهالي”. أما () فقال إن له صديق كان مخلف بنت، وأم صديقه كانت عمالة تزنّ عايزاه يخلّف ولد… وبعدين زوجته حملت، فرفض يعمل سونار لحد يوم الولادة، فخد عربيته وراح قعد ع البحر وبص للسمال وقال: “هاقول لك إيه يعني؟ ما انت عارف.. ماتزعّلش امي”… جاب توأم ولاد.  بالإضافة لتعليق () عن العجلاتي اللي اشتغل كتير في يوم من الأيام وكسب كتير، فبص للسما وقال: “والله انت أجدع رب شُفته ف حياتى.. والله انت رجولة”. أما التعبير اللي أعتقد المفروض يتبروز في وسط كل التعبيرات اللي فاتت، فكان لستّ عجوز كتب عنها () إنها قالت وهي بتدعي ربنا: “يا رب انت مش عارفني؟ أنا خالتك أم منجي”. في الحقيقة أنا كل ما اشوف التعبيرات دي وأستشعر البساطة اللي عند الناس دي في التعبير عن الله والتواصل معاه، باحس بتضاؤل شديد قوي في نفسي، وبتضاؤل أشدّ في كل “وُكلاء” الرب على الأرض. اللهم ارزقنا إيمان البسطاء.”

😍❤️ (via renaramad404)

lieandsneak-deactivated20140815

itscolossal

فى الواقع ع ع ع ع ع ع ع ...................................

moody1990

مش عارف انا قليل البخت ولا قليل الحيله كل ما اقول قربت خلاص الاقي السكه لسه طويله يا دي النيله ده انا م الصبح بعدل فيها بأي وسيله وكل ما احاول افرح تطلع مني الضحكه حزينه بص بقى هو الحظ و الدنيا بجد بجد بخيله مفيهاش فرح و مفيهاش قمح و مفيهاش قطن طويل التيله هي الناس مبقتش بتفرح ليه في المواسم حتى كل سنه و انت طيب بقت تقيله لكن عارف رغم الخوف و النار و السكينه لسه بلدنا فيها حاجه جميله

علي سلامة (via moody1990)