Mach dein Ding egal was die anderen sagen

[thoughtkick]

“Don’t allow someone to treat you poorly just because you love them.”

— Unknown

[seliii-]

Ich hätt alles für dich gmacht, damits dier besser gaht. Und du stossisch mich weg mit de Wort, dass es besser isch für mich isch.

Ich bi hässig und entüscht vo mier selber. Ich ha mich ufgeh für dich. Ha i dene 5 Mönet alli mini Prinzipie über Bord gschmisse. Ich ha alles uf mich gno, zum bi dier sii und dich z understütze aber du oder besser gseid dini Chrankheit hend mich usgschlosse.

Jetzt weissi nümme was mit mier selber afange und hass mich defür, dassi die Gfühl überhaupt zueglah ha.

[seliii-]

S Wüsse dich 2 Wuche ned z gseh fühlt sich komisch ah. Irgendwie bisch du so en wichtige Teil i mim Lebe worde, dass die Abschiedsarmig fasch chli weh tuet.

D Nachricht vo dier lad mich grinse und verzwifle glichziitig. Ich ha dich gern aber me als Fründschaft darf es ned sii.

Am Tag druf wirdi uf dich agsproche und ich muess mich zemerisse, ned afe lächle, wenni din Name ghöre. Nach mim Satz Don’t fuck the company wirkt mini Zuekünftig Chefin erliechteret. Da no es Päärli d Dynamik und s Bild gege usse kaputt miech.

Scheisse nur, gibi vor, dass ich nüd vo dier wott…

[seliii-]

S Lebe isch ja eigentlich au nur es grosses Monopoly

[seliii-]

Liebi

Ich bin umgeh vo so vielne Lüt, wo alli verliebt oder inere glückliche Beziehug sind. So sehr ich ihne das mag gönne und das würkli vo tüüstem Herz, so sehr tuets weh. Weh dass ichs ned schaffe, dassi abgschosse wird, sobald ich mich uf öppis cha ilah. Weh, dass mini Schutzmuure jetzt no es bitzli grösser isch und weh, dassi grundlegendi Sache, wie elei sii nümme schaffe.

Ich bin entüscht vo mier selber und gliichziitig so verdammt Stolz uf mich, hanis doch irgendwie chönne zuelah.

[seliii-]

Mit 180 vollgas gegne Baum.

Genau so fühlts sichs a sid du mier gseid hesch, dass du noned ready für öppis feschts bisch. Warum fühlt sich das ganze viel meh nachere Trennig als nere gscheiterte Kennelernphase a.

Du bisch de ersti sid langem woni so i mis Herz glah ha und das isch de dank. Ah fuck off mer lönds ab jetzt würkli eifach.

[seliii-]

Hütt hani s erste Mal bim Schaffe brüelet. Und weisch was hani mier gwünscht, dass du mich i Arm nimmsch. Das nach 2 Wuche, das macht mier irgendwie chli angst.

[seliii-]

Ich erkenne mich nid wieder. Wie cha eis Treffe alles so ufe Chopf stelle. Us ich will niemert und ich date nor, dass die andere Rueh gebed wird grinsend ufs Handy luege, will er gschriebe hed.

Ich bi genau so worde wie das woni nie ha welle…

Überglücklich verliebt nach eim Treffe und einere Wuche schriebe.

[seliii-]

Du bisch en Funkemensch für mich.

Woni de Begriff s erste Mal ghört ha isch mer das klar gsi.

Mer würdet passe, aber de choge Funke isch eifach nie gfloge. Du bisch mier so wichtig, dass es mier jedes Mal wenn mer üs troffe hend richtig beschisse gaht. Aber ich machs wieder und wieder und wieder. Will du mier wichtig bisch.

Tueni mier demit weh. Ganz klar, aber wenns au nur Fründschaft isch, lieber das als dich gar ned zha

[seliii-]

Was isch es, wo mich gad so kaputt mache.

Isch es dass er dich mit nere andere wott Verkuplle?

Dass mier doch gar kei Chance hend weg de Umständ?

Isches d Unsicherheit?

Isch es s Wüsse dassi hie in Luzern niemert ha?

Isch es dassi alli i sonere scheiss Beziehig sind und mier das die ganz Ziit under d Nase riibet?

Isch es will de A ned mal meh mini Snaps ufmacht?

Isch bi ihm alles in Ordnig?

Oder isch es eifach nor d Überforderig i de Schuel?

Ich weiss es ned, aber es tuet weh und das isch okee.

Was ned okee isch, isch wege dem wieder i alit Muster z rutsche

[seliii-]

Einsam, so wie die letschte Täg hani mich scho lang nümme gfühlt.

Wie schön wärs wür mich öpper eifach nur i Arm neh. In Arm neh und mier säge dass alles guet isch und mini Träne eifach akzeptiert.

Akzeptiert dassi ned die Starch bin, wies schiint. Dassi ned immer alles im Griff ha und dassi mengisch eifach en langi Umarmig bruche.

[seliii-]

Es tuet weh z wüsse, dass du mich ned informiersch wenn wichtigi Sache i dim Lebe passieret und ich will jedi Chlinigkeit mit dier teile.

[seliii-]

Isch es scho Zwiifel oder eifach nur Unsicherheit?

Ja, ich vermisse wasi hie alles gha ha, aber mer wird bekanntlich ned gsund wo mer chrank worde isch. Ich vermisse mini Fründe und d Sicherheit woni hie gha ha. Aber ich liebe d Friheit woni gwunne ha. Ich vermisse d Rueh woni ha chönne gnüsse und liebe de Trubel und s Anonyme woni i de Stadt ha. Ich vermisse de Sternehimmel und gnüsse defür d Äbige wo mer alles frii staht.

Wird ich blibe oder zrugg cho? Ich weiss es ned und ich weiss es isch okay das ned z wüsse, aber die Unsicherheit tuet eifach nur weh…

[seliii-]

Ich has probiert, doch vo dier chund nüd. Gar nüd. Ich ha üs de Abig geh als letschti Chance. Aber du hesch kei Astalte gmacht.

Wie sehr ich mier doch gwünscht ha, dass du mich i Arm nemsch oder nurscho mini Hand nimsch. Aber nüd.

Jedes Mal fragi mich warum gnau das Lied, dis Lieblingslied worde isch, gsehsch das mit üs so? Längets zwüsche üs ned oder überinterpretier ich scho wieder?

Hesch würkli gar kei Intressi oder chasch es eifach ned zeige? So gern würd ich dich das Frage, aber das miech alles kaputt. Lieber d Ungwüsseheit, Herzschmerz nach jedem Treffe und defür üsi Fründschaft als dich z verlüre.

[seliii-]

Jedes Mal wenni dich zum Abschied umarme, bricht mis Herz ufs neue.

Ich laufe ume Huusecke und denke a die schöne und intensive Moment wo mer gad gha hend und Träne laufet mier übers Gsicht. So schön die Moment amigs zäme sind, so schlimmer sind d Tage danach.

Ich weiss, dass ich mier Hoffnige mache, für öpis wo nie wird sii. Aber für das Höch woni gspühre, wenni mit dier bin, nimmi jedes Tüüf in chauf.

[seliii-]

Zweiti Wahl

Ja genau als das wür ich mich betrachtet. Jedes Mal bini eifach nur die zweiti Wahl.

Die zweiti Wahl zum öppis unterneh. Klar hani keis Problem hesch mit diesere Fründin abgmacht, wenn mer gseid hend mer möched de öppis.

Die zweiti Wahl, will sie ja früehner kenneglernt hesch und es zwar nid lauft, aber ufgeh wotsch ja glich nid.

Die zweiti Wahl, will sie wohnt nöcher.

Die zweiti Wahl, weg wellem Grund au immer. Aber weisch was, ich setzte dich immer a die ersti Stell, willi weiss wies isch nur die zweiti Wahl z sii.

[seliii-]

Ich bin da für dich. Ich bu dich uf, wenn du a dim tüüfste Punkt bish und ich ermuetige dich, ihre endlich z schriebe. Au wenn das jedes Mal mis Herz bricht, will ich weiss, du wirsch nie s gliche für mich fühle wie ich für dich fühle.