مساء الخير يا آل تمبلر ، نفوق مع بعض كدا شوية عشان الموضوع مهم :D
دلوقتى انا عندى 10 الاف و 444 فولور ، اى والله ودا رقم بالنسبالى يعنى كبير ، وفكرت ازاى اقدر استفيد بالعدد الكبير دا فى اى حاجة بدل ما هم ملهومش لازمة غير لابك وريبلوج وشوية تراكات مزيكا كدا فقررت انى اعمل صندوق يحيا تمبلر و خدمة صبح على فاطمة بجنيه 😂😂😂
جماعة البوست والله ما سياسى ولا تريقة 😂😂😂 انا حقيقى كنت واخدة الفكرة بتريقة الاول وكنت كل ما اقول لحد نقعد نضحك ، لحد ما فى يوم كنت بحكى مع شخص ما وعرفت منه انه هيضطر يسافر ويسيب البلد يشتغل هناك وهو حتى مش عارف هيشتغل ايه بس عشان مامته هتعمل عملية وهم مش معاهم حق العميلة ، وجات ساعتها فى بالى انه ليه فعلا منطبقش الفكرة دى ؟ الموضوع مش هيبقى صدقة ولا احسان قد ما هو هنفرج كربة عن شخص محتاج ، هنساعد بعض بمبلغ انت هتكون شايفه تافهه جدا بس هيفرق مع غيرك ، ليه منعملش الفكرة دى هيبقى صندوق اسمه يحيا تمبلر مثلا وهيبقى جواه كل واحد صبح على فاطمة بجنيه وقدامها اوبشن وفاطمة دى يكون مكتوب جنبها اسم البلوج بتاعتها ، فمثلا زى ما بنزل ابليكشن تمبلر كدا هيكون حاجة زى سيرفس هتنزل برده وهيكون جواها اسماء البلوج ولو عاوز تبعت للبلوج دى مبلغ هتتكا على اوبشن قدامها ، كل واحد هيدخل ويسجل اسمه واسم البلوج بتاعته فى السيرفس دى بحيث لما حد ينزلها على موبايله يكون جواه اغلب البلوجات بتاعتنا ، مس هيكون زى الرسايل اللى تبع خطوط الموبايل ممكن يكون عن طريق الدفع الفورى اوال paypal
وانا اول واحدة مستعدة اشارك فى الموضوع دا لو هاخد حتى ٢٠ كل شهر هيبقى شئ مبهج جدا ، مش لازم كل يوم ممكن كل اول شهر مثلا تكون عامل فى حسابك انه هتدى مثلا مثلا ١٠٠ جنيه هتوزعهم مثلا مثلا على ٢٠ بلوج ، يعنى مثلا و.نلفرض انه ال ١٠ الاف الل عندى صبحوا عليا بجنيه فى اليوم هيكون عندى فى اليوم ١٠ الاف جنيه ، اكيد مش ال ١٠ الاف كلهم هيشتركوا بس بنفترض يعنى ، ومثلا لو خدمة شهرية فال دول ادونى فى الشهر كله ١٠ جنيه بس هيبقوا بمبلغ برده ، اكيد مش كل الناس عندها ال ١٠ الاف دول ، بس العدد هيجمع صدقونى ، انا كل ما بتخيل انه حتى ١٠٠ واحد ادوا لشخص ١٠ جنيه ، فشخص كان قاعد فى امان الله لاقى الف جنيه جياله فى الشهر دا شئ مبهج جدا والله ، يستخدمهم فى فسحة يسد بيهم زنقة يشترى بيهم حاجة ناقصاه ومكانش معاه فلوسها ، المبلغ اكيد اكيد هيكون اكبر من الف جنيه ، احنا حتى ممكن نشوف مين العرسان اللى على وش جواز وندعمهم بمبلغ كل شهر احنا كدا هنساعدهم يفرحوا ويتجوزوا ، احنا هنعمل خير كبير جدا والله وهنكون قدوة فى حاجة تنفع فعلا ، لو هنستغنى عن ازازة بيبسى بنشرب منها ٢ و٣ فى اليوم هنستغنى عن واحدة بس منهم فى اليوم وهتبعت تمنها لشخص معين، كل ما تفكر انه بأتفه شئ بقيت تشتريه حاليا زى كيس شيبسى او كانزاية انت بال ٥ جنيه دى هتقدر تفك على شخص مكروب وتساعده فى حياته ، انت ذات نفسك هتفرح ❤
انا كل اللى محتاجاه انه اللى حابب الفكرة يدعمها بشير عشان توصل لاكبر عدد ، وانه حد يكون فاهم ازاى اقدر اعمل الخدمة دى او الابليكشن دا ، لانى مش بفهم فيها ، الناس بتاعت الويب ديزاينر والحاجات المتطورة دى لو حد يقدر يفيدنى ياريت يساعد :)) لو حتى تعرفوا حد نقدر نلجأله يقولى عليه وانا اتواصل معاه ..
theartofmadeline
titsay
baratheonpilled
gummygunk
origamiaround
amandla
