Shaخbta

أنا سالي..I'm Sally

[solsolkamal]

Ok, Every new year, I try to make a plan, to set a goal, to aspire to sth. Unfortunately, I didn't have the chance this year to do so. So I somehow decided to go with the flow and see what will happen. As a matter of fact, the first month was ok. Nothing new happened..nothing changed. But when it comes to Feb, I can see a lot of things have changed..and I wasn't planning on it..but I kind of like the spontaneity of it. This month, I tried ,for the first time, reading English books. But, I wouldn't do it without a help of one of my high school friends, and although we've never been this close, I really appreciate her existence in my life and her positive effect upon me.

So I just wanted to share this here cuz I consider here "my diary"..I hope you don't mind 😅.

[solsolkamal]

[solsolkamal]

مين مخترع المعايير؟

مين أول شخص قال إنه الطول أحسن من القصر، إنه العين الواسعة أحسن من الضيقة، إن العين الملونة أحسن من السودة، إن الرفع أحسن من التخن، إن البياض. أحسن من السمر، إن الشعر الطويل أحسن من القصير، و الشعر الناعم أحسن من الخشن؟

مين أول كائن حي شرير حط الناس ف قوالب و قارن بين اشكالهم المختلفة و بدأ يحسس مجموعة فيهم إنهم أحلى و إن الباقين وحشين؟

هو المشكلة مش فيه..المشكلة إن السلالة دي منتشرة جدًا دلوقتي، سهل إنك تلاقي حد بمنتهي قلة الذوق بيتريق علي حاجة فيك أو ف غيرك. سواء الحاجة دي أنت متحكم فيها، او بتحصلك غصب عنك. يعني مثلًا مش متخيلة أم داخلة تسأل ف جروب عشان عايزة تعمل كيراتين لبنتها اللي عندها 7 سنين عشان شعرها خشن.

مش متخيلة بردو بنت داخلة بتقول إنها كارهة شكلها و إنها شايفة نفسها مقرفة و عمرها ما هتبقي حلوة علي جروب للمشاكل النفسية، و ألاقى نفس البنت كاتبة بوست علي جروب تاني بتسأل تعمل إيه عشان شكلها يبقي حلو و ألاقي الناس داخلة تكتبلها إن شكلها وحش و الطرحة مقرفة و النظارة مخلياها حولة و حاجة تقشعر لها الأبدان.

فبعيدًا عن مين أول شخص أصدر أحكام علي الناس، الشخص ده إنتشر جدًا، و تسبب ف مشاكل نفسية كتيرة لينا و للناس اللي حوالينا.

الموضوع ده بيخلي صعب جدًا عليك إنك تتقبل شكلك، وهيئتك. بتحس إنك غلطان عشان مش ف مستوي توقعات الناس، بتبدأ تقتنع إنك فعلًا شكلك وحش.. و بالرغم من دعوات "حب نفسك و أقبلها زي ما هي" إلا إن اللي بيروجوا ليها، بيروجوا ليها عشان شايفين إنك فيك حاجة غلط، عيب محتاج تتقبله.

[solsolkamal]

Here we go again

Well, I know it's been a while since I last posted something here, maybe because back then I wanted to write articles and have lots of followers and fans. But now, I just want to share my story and I don't care if someone gonna read it..So I guess I'm back just to satisfy myself in the first place..and I will be very happy if I had even one person who my story would inspire him somehow. I'm not saying that I'll be sharing very important stuff, but I'm saying that I have so much going in my life nowadays and I just want to share it.

Since last year, I'm trying to take decisions, do stuff, improve my personality. In fact it didn't work very well. And I think at the beginning of this year I wasn't focusing on me..I was too busy with people around me..they had kind of negative effect on me. But now, I took my decision, I will focus on myself.

I'm intending to change my personality. So the first decision was to take an English course and now I'm studying turning my life into a healthier one. Well, I'm gonna tell all about it tomorrow..but I guess I need some sleep now. So, good night ✌

[exdentesiast]

Only through my lens, I manage to crush the repetition of everyday’s cliché and the circle of nowhere .. and colorize the monochrome. – Source: My own portfolio

[solsolkamal]

تحت السيطرة..و مش عن الادمان

 تحت السيطرة..مش عن الأدمان، تحت السيطرة عن كل حاجة غلط بنعملها، عن كل حاجة غلط بنعملها عشان سهلة، عن كل حاجة غلط بنعملها عشان فاكرين إنها سهلة، فاكرين إنها سهلة عشان شايفين تصليحها و البعد عنها صعب..

  تحت السيطرة..عن ماهية الحياة، تحت السيطرة، عن كمية المغريات اللي موجودة حوالينا، عن كميات المغريات اللي ربنا خلقها، كعراقيل، عشان ف النهاية الجايزة مش قليلة..دي الجنة و نعيمها، عن كل حاجة صعبة بتواجهنا عشان ف النهاية يكون في جايزة..

  تحت السيطرة عن كل حاجة غلط بنعملها ف حياتنا و فاكرين إننا قادرين "نهندلها" و نتحكم فيها، و إننا بطرف صبعنا نبطلها، بس منعرفش إن الحكاية مش سهلة أوي كده..أو بنفهم ده متاخر، و ساعتها بنحس إن طالما الحكاية مش سهلة أوي كده، يبقي صعبة..يبقي ترجع تقرأ أول تلات سطور تاني..

  تحت السيطرة، عن فضول البشر، عن الرغبة ف اكتشاف كل حاجة حوالينا، من أول ما سيدنا آدم أكل التفاحة..مجرد فضول ، قلب الدنيا، و خرجه من الجنة، حتي إحنا، لما كنا صغيرين كنا بناكل أي حاجة توصلها إيدينا، و نكسر كل اللعب، و ندور ورا التلفزيون علي الممثلين..

  تحت السيطرة، عن بعد.. و قرب، عن بعد الاهالي عن ولادهم، أو عن كسوف الاهالي من ولادهم، أو عن  إختلافهم عن ولادهم، أو عن جهلهم بولادهم، و عن قرب صحابهم منهم، عن قرب أصحاب سوء منهم، عن قرب ناس بتعمل حاجات بتبهرهم، أو بتثير فضولهم، أو بتساعدهم يهربوا من واقعهم..

  تحت السيطرة، عن الضعف، و الهروب، و اليأس، و الموت، عن الحزن و الاكتئاب، عن الكدب..

  تحت السيطرة، عن الامل، عن العزيمة، عن المواجهه، عن السعادة، عن التسامح، عن القدرة علي اننا نكمل، و نتغير، عن مساعدة الاخرين..

  تحت السيطرة..عن كل حاجة إحنا تحت سيطرتها، عن كل حاجة إحنا "فعليا" مش تحت سيطرتها، عن كل حاجة "فعليا" تحت سيطرتنا، عن كل حاجة بكلمة واحدة مننا ممكن تنتهي..طيب، يلا نبتدي؟

[solsolkamal]

رغي كتير..من وحي cairo confessions

تمام، لسه في أفكار كتير أوي بتتخانق ف دماغي، أسئلة تكفي مجلد، شغلني الحجاب، والجواز، و الحب، و كل الحاجات اللي أعتقد أنه من الطبيعي إنها تيجي ف دماغ مراهقة زيي..و عشان كده قررت إني هتكلم ف ده كله مرة واحدة.   أولاً..كان في سؤال كده طرحه شخص ما، علي أحد الصفحات و قال كده نصا "بداية السؤال ده موجه بنسبه أكبر للبنات أكتر من الولاد وما فيش مانع برده ان الشباب يرد , يمتنع بس اصحاب الردود الفلسفية اللي ملهاش أي علاقة بالواقع .. انا بتكلم عن مجتمع عربي يا جماعة بيفكر بطريقة معينة ويا ريت الاجابة تكون على الواقع ده عايز اعرف رأي البنات في انها تتجوز واحد اصغر منها ؟؟ يا ريت اعرف رأيك من غير أي ضغوط نفسية او اجتماعية , لا الست الوالدة ربنا يحفظها كل ما تشوفك تقولك امتى افرح بيكي واشوفك بالبفستان الأبيض ولا الولية جارتكوا اللي في الطالعة والنازلة تقولك ما فيش الجديد والجو ده كمان مش عايز الرد اللي بتقوليه تطييب خاطر لصحبتك اللي متأخرة في الجواز وصعبانة عليكي مثلاً , انا عايز ردك انتى في الموقف ده , جالك عريس وانتي لسة سنك صغير وهو أصغر منك , هل هو مبدأ مرفوض بالنسبالك مثلاً زي لما يجي للبنت واحد مطلق أو أرمل ؟ يا ريت الاجابة تكون بأه أو لأ ومسبب سبب تفصيلي البنت اللي بسأل عنها اكبر مني باربع أو خمس سنين , اتكلمت معاها مرتين أو تلاتة بالكتير واعجبت جداً بيها وبتفكرها والخ , مش موضوعنا و طبعاً ما قلتلهاش أي حاجة عن الاعجاب ده بس للأسف انا لما هتقدم لها إن شاء الله ممكن تكون هيا في حدود 29 سنة وللأسف شبح العنوسة المصرية ممكن يخلي بنت توافق على واحد متقدملها علشان خايفة لا تعنس من وهيا عندنا 24 ولا 25 سنة مش عارف ازاي , مش موضوعنا برده وهو ده السبب الرئيسي اللي خلاني اسأل السؤال ده , انا مش خايف اتقدم اترفض , انا خايف اتقدم وتقبل بيا مضطرة وده طبعاً اللي مش ممكن اقبله انا مش هاممني كلام الناس على فكرة واللي هيتكلم هقطعله لسانة اساساً بس المسئلة كلها بالنسبالي فيها هيا .. هل البنت بتكون شايفة ده أزمة في حياتها ولا لأ ؟ لاني شفت احصائيات فى الغالب ان البنت ما بتحبش زوجها يكون اصغر منها ولا بيوم واحد .. صحيح الكلام ده ولا لأ ؟ يا ريت ما حدش يتطرق لنقط جانبية زي اني ما عبرتش عن الإعجاب ده ليه وكده ,, ليا اسبابي علشان ما اطولش  عليكوا اكتر من كده بس يا ريت الرد يكون في العنوان الرئيسي بس . آسف اني طولت وشكرا"    الرسالة دي خليتني اسأل اسئلة بالهبل،فكرة أننا اصلا عايشين ف مجتمع مسمعش عن حاجة أسمها منطق، أو مبيفكرش، مش عارفة..بس فكرة إن عيب بنت تتجوز واحد أصغر منها، أو حتي قدها، و أنه لازم يكون أكبر منها علي الاقل بأربع سنين، بحسها مش مفهمومة، علي الاقل بالنسبة لي، اللي هو" so what" انتوا سيبتوا كل حاجة تانيه، زي المستوي الفكري، و الثقافي، و التعليمي، و المادي، و الشكل، و  الاخلاق، و التوافق، و القبول، و الحب، و مسكتوا ف رقم..من غير حتي سبب مقنع؟!    و مع ذلك، مرة حد قالي البنت أذكي من الولد و أسرع منه ف النضج الفكري، ف لازم يبقي في فرق ف السن، بحيث أن البنت لو عندها 20 سنه بتبقي أذكي من ولد عنده 20 سنة بردة، ف بياخد تلت اربع سنين علي ما يوصل لعقلها..علي ما يستوي يعني، بس اللي ميعرفهوش إن البنات خبيثة أكتر منها ذكية، و دي حاجة فطرية أعتقد، و الولاد عمرهم ما هيوصلوا لدرجة خباثتنا كبنات، فمش التلت اربع سنين اللي هيخلوك ذكي، هما بس هيخلوك تفهم اننا خبثاء..   ثانياً بقي، أيه جو أن ممكن واحدة توافق علي واحد و أهلها يوافقوا عليه لمجرد انه ميتقالش علي بنتهم "عانس"..فين المنطق؟! يعني حاجتين المجتمع رافضهم، بس أحنا بنخاف من واحدة أكتر من التانية، لمجرد أن في واحدة"ظاهرة" و التانية الناس هتشك فيها..ببساطة البنت لو متجوزتش، فأصلا معروف إنها عانس، لكن لو إتجوزت، محدش هيفكر يسأل علي سن العريس..   ثالثاً بقي الحب يا يحيي، الكلمة اللي مجرد ما بتتقال، الواحد مننا عينه بتلمع، و قلبه بيدق كده، و كلنا بلا استثناء سواء، بنحب و لا لا، بس بنحب نسمع اغاني رومانسية، و كلنا اتوجعنا من اغنية عمرو دياب " اهي ذكريات" عمري ما فهمته، جايز لاني عمري ما جربته، بس زيي زي الكل، بحب اسمع اغاني رومانسية، بحب رواية هيباتا، بحب فترة الاستهبال، و بحب الخطوبة، بحب اللحظة اللي الخيال بيتحول فيها لحقيقة، فكرة انك تعجب بحد من بعيد، و تلاقيه هو كمان معجب بيك -عمري ما فهمت بتحصل ازاي- ، فكرة انه يحبك، فكرة انه يحول الخيال لحقيقة بحتة حديدة ف اليمين، و يعديها ف الشمال، و تبقي خناقة لرب السما لو اتقلعت..       الحب ده يمكن من أكتر الحاجات الكيوت اللي ممكن اي حد يفكر فيها و يتخيلها، و بنضيع وقت كبير اوي ف التخيل ده، خصوصا للبنات، ممكن تسأل بنت عايزة تدخلي كلية ايه..متعرفش ترد، لكن اسألها كده عن مواصفات فارس احلامها..جايز لاننا كبنات معندناش حاجة تانية نهتم بيها "الست ملهاش غيربيتها و جوزها" مشكوك دايما ف قدراتنا، يعني مثلا نحب الدكاترة يبقوا رجالة مش ستات، و المدرسين رجالة مش ستات.   عارفين جو حقوق المرأة ده، هي أصلاً واخدة حقها تالت و متلت من الحكومة، بس زي ما تقولوا كده الحكومة ادتها كل حقوقها، و الشعب خد الحقوق دي تاني، ف بقت الحقوق صورية اكتر منها واقع..   المشكلة، إن ف كل مشكلة بناقشها، و نحلها، بنحلها بقوانين و رغي كتير علي ورق، من غير ما نغير من عقلية المتلقي، الفرد اللي بتطلب منه أنه يرضخ لفكرك كمسئول، بتخليني أشتغل، من غير ما تبقي مقتنع بيا، لان ف النهاية المسئول اللي حاطط القوانين دي هيبقي متنكد عليه لو بنته خطوبتها اتفسخت، و مش هيحصل حاجة لو سقطت ف طب..   كفاية عليكوا كده النهاردة..

[solsolkamal]

المحصلة صفر..كلاكيت تاني مرة

تمام..لسه مش ف المود، و لو إني عرفت أخيراً أنا متضايقة ليه، عيد ميلادي قرب، و نهاية أي حاجة بتجيبلي أكتئاب، فكرة أن فات من عمري سنة معملتش فيها أي حاجة مفيدة لنفسي، أو لعيلتي، أو لمجتمعي، أو للعالم..أحساس مقزز، مش عارفة أتخلص من فكرة الإنجازات اللي لازم تتم قبل عيد ميلادي عشان محسش أن عمري ضاع هباءً، و الوضع بيزداد سوء، لأني فعلياً بقالي سنتين ماليش إنجازات، و اللي زاد و غطا إن السنة دي مش زي أي سنة.   السنة دي، اللي بلدي فرضتها عليا، و حسستي إنها آخر الدنيا -الثانوية العامة، اللي فاضل علي امتحاناتها أقل من شهرين، و اللي (in fact) مش مظبطة نفسي فيها- مزودة الضغط عليا، فمضطرة ابدأ سنة جديدة بنفسية مش ولابد، بعيدا بقي عن الحوارات اللي ماليش يد فيها- اللي ربنا كاتبه هيكون- الا إني حتي هبدأها و أنا قاطعة علاقتي بناس بحبها، و فاقدة ناس بحبها.   اصلا مش ده اللي كنت جاية اكتب عنه، انا كنت المفروض جاية أقولكوا إزاي ممكن تحتفلوا بعيد ميلادكوا لوحدكوا، من غير وجود "فعلي" لأي كائن حي، هي المفروض تكون طرق كتيرة، بس ال"creativity" بتاعتي بعافية حاليا، و بالتالي مضطرة اقولكوا زي المرة اللي فاتت، شغلت موسيقي، لبست النضارة، دخلت ف المود، و المحصلة صفر..عليكوا واحد..

[solsolkamal]

المحصلة..صفر

موسيقي فيلم اسماء، كل ما بكتب ببقي بسمعها، النهاردة و بعد فترة كبيرة من بعدي الكتابة، قررت اني اكتب، عايزة اكتب، نفسي اكتب زي زمان، دماغي مليانة افكار و حاجات اتكلم عنها، سواء عامة، او شخصية، و لك ان تتخيل ايه الحاجات الشخصية لطالبة ف تالتة ثانوي، يعني المادة الخام للمواضيع و الرغي..

  دماغي هتفرقع من كترالرغي اللي فيها، مش بس من دلوقتي، ده من فترة ليست وجيزة علي الاطلاق، اصوات جوا دماغي و كلها بتعلي علي بعضها عشان توضح   لدرجة ان بيجيلي صداع منها..فقررت اسمعها، جايز ربنا ينفخ ف صورتي.

  و المشكلة مش ف كده، المشكلة اني حتي مش عارفة اتكلم، اصلي هقول ايه؟ مفيش شيئ محدد، زي ما قلت اصوات كتير اوي بطريقة تغيظ، نفسي احجز ما بينها و اقولها باعلي حسي..في ايه؟!

  مرهقة عقليا،  وجسمانيا..كنت بستغرب علي الناس اللي بتشتكيلي و ابقي نفسي اقولهم هو اللي انتوا فيها دي مشاكل؟ دي اللي هتجيبلك اكتئاب و تقطع شريانك بسببها؟ هي دي محور الكون بالنسبة لك؟ لحد ما اكتشفت اني كنت غلط..

  نهايته، بعد ما كنت عايزة اكتب، و شغلت موسيقي فيلم اسماء..المحصلة صفر، لا كتبت حاجة عليها القيمة، و لا حتي ارتحت، و الموسيقي اللي منعت دموعي و انا بتفرج علي الفيلم، هي نفسها اللي نزلتها دلوقتي..شكرا لحسن استماعكم..

[solsolkamal]

جرب تعمل حاجة بتخاف منها، او حاجة مش متعود تعملها، او حاجة اول مرة تعملها، او حاجة بقالك فترة معملتهاش..هتفرح اوي الفرحة مش ف اصحاب و لا فلوس..الفرحة جواك

[solsolkamal]

يوم ف عمارة رفعت الجميل

   سبق و قلت انكوا بتقروا لكائن مش معاه بطاقة، عيل، بيشاركوا طفولتوا، لكن النهاردة روحت اعمل بطاقة، عشان اتحسب علي المجتمع، و ابقي عضو عامل بدل تابع، النهاردة روحت احتك بالشعب المصري الاصيل، بعد ما قام بثورته المجيدة، و اتعامل مع الناس الكيوت..روحت و اصطدمت ف صخرة الواقع..        اليوم ابتدي باني صحيت بدري طبعا، فطرت بسرعة البرق، و فضلت اختار الطقم و الطرحة و لفة الطرحة، و حاولت اشيل من دماغي فكرة ان صورة البطاقة بتبقي عار و غيره من كلام الناس اللي عايزة تشوه سمعة مصر..نزلت و انا كلي امل ف العسكري.        مبدئيا دخلنا لقينا امة لا اله الا الله بتعمل بطايق، ليه؟ ، عشان الاماكن التانية اللي ممكن تعمل فيهم البطاقة النور قاطع فيهم، المهم، وقفت ورا ماما، صف ستات-و بنوتات كيوت- و صف رجالة، و فجأة لقيت راجل مد ايده و عايز يقدم الورق اللي معاه للموظفة قبل الناس اللي قدامه، و اكيد نتيجة الزحام كان ممكن يخبط ف اي ست واقفة، و بالتالي احتجيت انا وماما و قولنالوا "في طابور علي فكرة" و هو راح مبرق كده، بيني و بينكوا انا كنت هجري بس هو رجع و سكت، و تنفست الصعداء.       بعد كده، روحنا وقفنا ف طابور تاني، زحمة برضة، بس الفرق انه مكانش في صف ستات و صف رجالة، -لا يا بابا لا- دي صفوف، المهم لقينا راجل برضة عايز يدخل ف نص الطابور، ف راجل كبير كده زعقله جامد، راحت الموظفة ردت عليه قائلة "ايه يا جماعة؟ اللي مش عاجبوا يمشي، قلة ذوق" ، الله اعلم هي كانت بتشتم اللي اقتحم الطابور و لا اللي احتج علي اقتحامه ،و بعدها جه دورنا عشان نقدم الورق لموظفة تانية، قدمناه، و لقينا في ورق ناقص، فكملناه و رجعنا.       رجعنا و وصلنا للموظفة، الدنيا كانت زحمة جدا، و كنت بمضي بالعافية، المهم انا برجعلها القلم لقيتها بدأت مع بنت تانية، فانا واقفة عشان اخد الورق تاني، لقيت الموظف اللي جنبها بيزعق و بيقول مش خلصتي؟ ارجعي بقي، بصتله بشفقة جامة و بعدين بصيت للموظفة تاني و خدت الورق و روحت عشان اتصور.       روحت لقيت صف الستات واحدة بس واقفة فيه، و وقفت وراها، و لقيت ست كبيرة -في الاربيعنيات من عمرها- و معاها بنتها، و لقيتهم وقفوا جنبي -برة الطابور- المهم بقدم الورق لقيت الست قدمته قبلي، قلتلها علي فكرة في طابور، مردتش، قولتلها لو سمحتي فيه طابور، قالتلي الموظفة هي اللي خدت الورق مني، قولتلها لو كنت وقفتي ف الطابور مكنتش خدته منك، و بعدين روحت قدمت ورقي للموظفة ف ايديها، و انا بتمني انا الست تفتح بقها، عشان اخليها عبرة لبنتها..و كان يوم سعيد بصراحة، و انتهي الامر باني اتصورت و استلمت البطاقة الخميس اللي فات..و صورتي حلوة اوي - سامحني يا رب- و دي كانت اول تجربة ليا ف مصلحة حكومية

[solsolkamal]

رأس السنة..موسم الاكتئاب

      النهاردة اخر يوم ف السنة، كالعادة كنت حزينة جدا و متضايقة،لاني حاسة اني معملتش كل اللي كان نفسي اعمله او احققه السنة دي،و لان كل سنة بتمني اعمل حاجة جديدة ف اليوم ده، بس السنة دي بالذات مش هقدر، ف قررت اقف وقفة مع نفسي و افكر ازاي افرح نفسي، و اغير الروتين الحزين بتاع كل سنة، و بعد تفكير عميق افتكرت اجندتي، اه، اللي كاتبة فيها كل حدث حصلي ف 2013 و فرحني، صحيت و قعدت ادور عليها، و اخيرا لقيتها، و لقيت ان الحمد لله في حاجات كتير حصلتلي و كانت سبب ف سعادتي فقلت اما أجي اتكلم معاكوا شوية لعل و عسي اكون سبب ف سعادة حد النهاردة.         شوفوا، انا بقالي فترة قاعدة بفكر ف حوار القدرو الواقع و الجو ده، و فضلت فترة مشغولة بايه الفرق بين القدر و الواقع، و بعد ما اتأكدت ان اغلبية الناس اللي اعرفهم مقتنعين بالتعريف اللي جه ف فيلم 1000 مبروك، و بعد ما اوشكت انا كمان اني اصدقه.."احمد" ظهر ف الافق، و قالي، يا سالي، الواقع اللي احنا بنعيشه بيوازي المكتوب عند ربنا، زي مثلا ان ربنا كاتب انك اسمك سالي، و زي كل الاحداث اللي بنمر بيها، اما القدر فهو الموت مثلا، و ممكن يتخفف لو شاء الله، يعني مثلا لو حد تعبان جدا و الناس دعيت له ممكن ربنا يخفف القدر.        بصراحة لحد دلوقتي انا متلخبطة، و حاسة ان الفرق بين القدر و الواقع شعرة، انا ككائن مقدرتش اوصل للشعرة دي، بس حاولت ابسطها لنفسي..             مثال: سندريلا لما حاولت تروح الحفلة، اخواتها طلبوا منها حاجات كتير لما خلصتها، اكتشفت انه too late و انها مش هتقدر تعمل فستان تروح بيه الحفلة، حتي لما اصحابها الفئران حاولوا يعملولها فستان و لبسته، اخواتها قطعوه، و مكنتش هتروح الحفلة، لحد ما الساحرة الطيبة ظهرت، و رشت علي سندريلا شوية جليتر، راح الفستان البالي اتحول لواحد تاني، و شعرها اتسرح.       نخرج من المثال، ان الواقع ان الانسان يتعرض لحوادث-سبب- بس ف الاخر مكتوب شيئ معين هيحصل يعني هيحصل-نتيجة- ربنا جعل النتيجة دي مخفية عننا عشان نسعي، و نفرح، و نعيش من غير ما نفكر ف كل شيئ ممكن يزعلنا، دور علي الجليتر ف كل موقف بتعدي بيه.       علي مر التاريخ، دائما قصة الحب بتبدأ بأن اتنين يخبطوا ف بعض، بحس ان المشهد الكليشيه ده تبسيط لفكرة القدر، القدر حاجة بتحصل بدون اسباب، حاجة ليها تمهيدات احنا مش هنعرفها، يعني ربنا اراد ان البنت و الولد بتخبطوا ف بعض، يعني للحظة فقدوا بصرهم و مشفوش بعض عشان مكتوب لهم ان اليوم الفلاني ف الساعة الفلانية هيقابلوا بعض.       ف النهاية انا كتبت المقال ده عشان اقولك حاول تفرح، متفكرش ف حاجة لسه محصلتش، متفكرش ف انك ف يوم هتفقد حد بتحبه، لا فكر ازاي تسعده، ازاي توصله انك بتحبه، متفكرش ان الامتحان باقي عليه يومين و انك مش هتلحق تذاكر، لا فكر ف المعجزة اللي ممكن تحصل لو حاولت تذاكر، اصحي كل يوم و انت واخد قرار ان النهاردة اجمل يوم ف حياتك، هتقابل الناس اللي بتحبهم، هتخلص اللي وراك، هتحقق السنة دي اللي مقدرتش تحققه السنة اللي فاتت..هتعيش كل يوم كأنه اخر يوم ف حياتك :) و بتحاول تخليه اجمل يوم.

[solsolkamal]

Try to find magic in your life

[solsolkamal]

عمري ما كنت علي وفاق مع التنمية البشرية، عمري ما حسيت بشغف اني اقرأ فيها، عمري ما حسيت انها هتغير مجري حياتي، بحسها كلام كتير معناه واحد، و المعني ده هو “كن جميلا..تري الوجود جميلا” ايليا ابو ماضي

[solsolkamal]

تمارين عامة

       بقالي فترة لا بأس بها بفكر ف الحياة،  و ازاي احنا بنعيشها، اكتشفت ان كلنا بنعيش نفس نمط الحياة بدون اي تغيير..الا من رحم ربي، مع كل التقدم و التكنولوجيا و التفتح، برضة عايشين باسلوب مكرر، رتيب..انا قررت اني ادعوك للتفكير ف حياتك و اتوقف عند بعض المحطات الرئيسية فيها.          كولد:  الطبيعي انك تتولد، تتعلم حوالي 22 سنة-غصب عنك-و بعد كده "لازم" تشتغل بسرعة، عشان "لازم" تحوش، عشان "لازم" تتجوز، تتجوز عشان يبقي ليك عيلتك، تخلف عيل رخم، او حتي "كيوت" و يطلعلك كرش، شعرك يسحب لورا، تحن لايام الشقاوة اللي معيشتهاش، بمعني اخر يجيلك "مراهقة متأخرة" تعدي الستين، تقول هو العمر باقي فيه قد ايه، تندم علي كل حاجة معملتهاش، و كان نفسك تعملها، بس هنعمل ايه..زحمة الحياة. كبنت:  الطبيعي انك تتولدي، تتعلمي نفس ال22 سنة، مش لازم تشتغلي عشان الست ملهاش الا بيتها و جوزها، جوزها اللي بيجي غالبا ف فترة الجامعة، بعد ما الام بتفتح عين البنت علي اهمية انها توقع عريس، تتخرج و هي مخطوبة او حتي مش مخطوبة، تتعلم تتطبخ و تغسل و تمسح، تتجوز، تحلم بالبيبي اللي هتجيبوا، تدعي عليه لما يكسر حاجة او يضرب اخوه، تعدي الاربعين و تقف قدام المرايه، تقول لنفسها"ايه البقع دي؟ مال بشرتي عاملة كده ليه؟؟" تدخل ف حالة اكتئاب.. تقنع نفسها ان ده حال الدنيا.           هو ليه كده بقي؟ ليه الناس بتضيع "اغلب" عمرها تعمل حاجات هي مش عايزة تعملها، تحقق حاجات لناس حواليها مش لنفسها، بتتعلم و تجيب مجموع و تدخل طب عشان اهلها يفخروا بيها مش عشان هي عايزة كده، تتجوز عشان تفرح اهلها، تخلف عشان اهلها يبقوا اجداد، و يعيدوا نفس السيناريو مع اولادهم..عارفة ان معظم الحاجات دي البني ادم بيتولد و هو عايز يعملها، بس مش كل الناس عايزة تدرس طب، و لا كلهم عايزين يتجوزوا اول ما يتخرجوا، و ممكن مش معاهم فلوس يصرفوا علي طفل، ممكن معاهم فلوس عايزين يتمتعوا بيها شوية و بعدين يفكروا يفرحوا الناس التانية.           نرجع كده بالزمن لورا..فاكرين زمان ايام اعدادي، لما بعد كل وحدة يبقي فيه اسئلة عامة كده، بيبقي فيها حاجات صعبة، بنسأل فيها المدرس،و حاجات سهلة، المفروض ان الحياة دي كمان، اتخلقت عشان الناس تعمل فيها كل حاجة، تسافر، تتعرف علي ناس، تثقف نفسها، تغلط و تتعلم، و حاجات كتير كده، و بعد كده تتعرض للتمارين العامة عشان تعرف مستواها.. مش هتعرف مستواها من غير ما تحل اسئلة كتير، و تركز مع الاستاذ.. 

[solsolkamal]

ف الزحمة كده و علي الماشي

وسط زحمة الحياة..او زحمة كوبري اكتوبر، ف عز حزنك علي شهداء الحرس الجمهوري..او قصر الاتحادية، ف عز قهرتك علي ايقاف البرنامج..او حلم كاس العالم، ف عز شعورك بالذنب عشان مذاكرتش ف الويك اند..او عشان مكنش عندك فرصة تقول لحد “بحبك” و للاسف هو دلوقتي مش معاك..ف عز الحر..او البرد اللي احنا فيه..احب اقولك النهاردة يوم جميل..نهارك سعيد

[exdentesiast]

Everything happens in life for a reason or another, for which I don’t really care to know! I’m complex .. and unique! — Source: My own portfolio