Sahar

snowflake ❄️

[starrysky-123]

*نفس طويل*

هنحاول تاني .. بسم الله توكلنا على الله

[starrysky-123]

بكره عيد ميلادي

هتم ٢٩ ان شاء الله

عيد ميلادي اللي فات كنا سوا ، في اسكندرية ، و يومها عملت التيست عرفت اني حامل 😅

و فرحنا يومها و نزلنا اتمشينا و اكلنا كشري و رز بلبن و الحياة كانت حلوة و كنت مبسوطة و بحمد ربنا

هو ازاي يعمل فيا كدا ؟

طب هو فاكر و لا ناسي ؟

ازاي قاسي كدا و هو عمره ما شاف مني قسوة ؟

طب هو مخي هيبطل اسئلة امتى ؟

[starrysky-123]

يارب انا بحبه بس هو مؤذي

و مش عايزة بنتي تتربى معايا لوحدي

يارب هو ينفع يبقى كويس و نرجع؟

يارب هو مش راضي و مش عارف يبقى كويس

انا لسه عيزاه

بس مينفعش

يارب دبرها

[starrysky-123]

النهارده ٤ يوليو

- مروحة و راكبة و بفكر يارب دي صعبة يا ترى هتتحل ازاي؟ و دماغي عمالة بتفكر ، و انزل قبل بيتي ب١٠٠ متر و ادخل الاقي بعد حبة السواق بيرن جرس بيتنا ، نسيت الدفتر بتاعي اللي فيه شغل سنة و اللي كنت هتقهر لو ضاع ، و ضاع و جه من قبل ما اخد بالي .. ربنا بيوريني اهو ..

[starrysky-123]

اكتر حاجه وجعاني هي بنتي يارب تولاها يارب و تطلع كويسة و سوية و مش قاسية و متلومنيش اما تكبر .. انا هقولها إني حاولت و حايلت كتير و جيت على نفسي و كرامتي و استحملت اللي مفيش ست عندها كرامة تتحمله عشانها .. لكن هو مقدرش دا بل بالعكس زاد في الظلم و الجبروت و يا عالم هنشوف منه ايه تاني

اما عني .. فأنا صابرة و راضية و الحمد لله.. طمعانة في كرم الله و عوضه و منته عليا

بشوف نفسي و بعرف ربي في محنتي

راضية و الله و المستقبل بايد ربنا

خايفة ؟ ايوه

لكن مش هركن لوضع مؤذي ربنا قال و لا تلقوا بأيديكم إلى التهلكة

بس هموت من الخوف ، و حزينة حزينة جدا.. بذلت كتير من قلبي و وقتي و اهلي اتكلفو كتير كتير خالص

لكن ربنا بيعوض و انا متأكدة من دا

و في عز المحنة ربنا بيذكرني بالآية اللي بتصبرني في كل محنة في حياتي :

"مَآ أَصَابَ مِن مُّصِيبَةٖ فِي ٱلۡأَرۡضِ وَلَا فِيٓ أَنفُسِكُمۡ إِلَّا فِي كِتَٰبٖ مِّن قَبۡلِ أَن نَّبۡرَأَهَآۚ إِنَّ ذَٰلِكَ عَلَى ٱللَّهِ يَسِيرٞ (22) لِّكَيۡلَا تَأۡسَوۡاْ عَلَىٰ مَا فَاتَكُمۡ وَلَا تَفۡرَحُواْ بِمَآ ءَاتَىٰكُمۡۗ وَٱللَّهُ لَا يُحِبُّ كُلَّ مُخۡتَالٖ فَخُورٍ (23) "

الحمد لله

[starrysky-123]

انا عبدالرحمن وحشني

عايزة ابص في وشه و لو مرة حتى

مكنتش اعرف ان قلبي متعلق كدا بيه ايوه عارفة اني بحبه بس مكنتش عارفة انه للدرجة دي

بس ضيعني و اذاني و وجعني

اعمل ايه

كنت في العادي بروح اشتكيله منه

عشان قولتله ملناش إلا بعض

بلعت كتير حاجات توجع عشان نفضل سوا

بس لقيت انه مش كفاية

مهما عملت مش كفاية

ف قررت امشي

مكانش سهل عليا أبدا اعمل دا

لكن لقيت اني بحارب لوحدي

--------

بس لما مشيت اكتشفت انه بيعرف يحاول و يعرف يقول كلام يطمن و يعرف يتشقلب و بيعرف يحب

و قولتله .. قولتله ياريتك قولتلي دا من شهر كان حاجات كتير اتغيرت

لكن اتأخرت يا عبد الرحمن لحد ما كل حاجة باظت ..

بس انت وحشتني يا عبد الرحمن وحشتني

و انت بتتحايل عليهم انك تتكلم معايا و اني اوافق انزل

كنت سمعاك و بموت

عايزة انزل اخدك جوايا اخبيك ، أو استخبى انا جواك ..

بس حسيت انه لأ متستاهلش دلوقتي تشوف ضعفي ، و لا تشوفني عموما ..

ربنا يدبر الامر الواحد بيموت في اليوم الف مرة

الله المستعان

[starrysky-123]

و لما فتحت الباب .. اخدت فوق دماغي منه بأبشع الطرق قبل ما ارجع بيته حتى 😅

ازاي بيقدر يتقلب في وده كدا ! ازاي بيتلاعب بيا كدا و من غير ما يتهز منه شعرة ! ازاي في حد مؤذي كدا و المصيبة انه مش مدرك إنه مؤذي بل بيشوف نفسه ضحية لدرجة تربك و تخليني اشك في روحي

كأن ربنا بيظهرلي إنه لأ .. مترجعيش كل حاجة واضحة قدامك يا سحر .. مش هيتغير .. مش هتقدري تعيشي و لو عيشتي هتكوني بلا هوية و بلا كرامة

و بنتك هتضيع يا سحر معاه يا سحر ..

لنا رب يتولانا

و ان يتفرقا يغن الله كلا من سعته

[starrysky-123]

٣٠ يونيو ٢٠٢٦

[starrysky-123]

٢٩ يونيو ٢٠٢٦

عمو بائع البقالة الذي تجاوز السبعين و مصحفه المتهالك من كثرة ما امسكه .. يتلو قرآن ربنا الساعة ٧ صباحا بصوت رخيم و هادئ

ماما المعروفة بنومها الكثير دائما من وقت وفاة بابا و هي تخاف النوم وحيدة و تكره الجلوس وحيدة أيضا .. خديجة مسابتنيش انام ف خرجت اقعد معاها ، اول ما قعدت مع ماما نامت .. ماما نامت عشان في حد معاها في الاوضة .. الله يرحم بابا كان احلى ونس في الدنيا

سناني بتوجعني

عملتلهم رز و بامية

قلبي بيوجعني

جوايا نار و الله نار يارب الفرج من عندك

لكن نقول الحمد لله راضية بقدره و ان لم يوافق رغبتي

راضية يارب

[starrysky-123]

حلم غريب النهارده

النبي بيقولك بضع آيات من سبأ و يس و اختميها بالشعراء

الجمعة ١٢ يونيو ٢٠٢٦

[starrysky-123]

لسه بخاف من الكلاب و بخاف اعدي الشارع يا عبد الرحمن

و بخاف منك .. 😅

[starrysky-123]

انا عبدالرحمن وحشني

عايزة ابص في وشه و لو مرة حتى

مكنتش اعرف ان قلبي متعلق كدا بيه ايوه عارفة اني بحبه بس مكنتش عارفة انه للدرجة دي

بس ضيعني و اذاني و وجعني

اعمل ايه

كنت في العادي بروح اشتكيله منه

عشان قولتله ملناش إلا بعض

بلعت كتير حاجات توجع عشان نفضل سوا

بس لقيت انه مش كفاية

مهما عملت مش كفاية

ف قررت امشي

مكانش سهل عليا أبدا اعمل دا

لكن لقيت اني بحارب لوحدي

--------

بس لما مشيت اكتشفت انه بيعرف يحاول و يعرف يقول كلام يطمن و يعرف يتشقلب و بيعرف يحب

و قولتله .. قولتله ياريتك قولتلي دا من شهر كان حاجات كتير اتغيرت

لكن اتأخرت يا عبد الرحمن لحد ما كل حاجة باظت ..

بس انت وحشتني يا عبد الرحمن وحشتني

و انت بتتحايل عليهم انك تتكلم معايا و اني اوافق انزل

كنت سمعاك و بموت

عايزة انزل اخدك جوايا اخبيك ، أو استخبى انا جواك ..

بس حسيت انه لأ متستاهلش دلوقتي تشوف ضعفي ، و لا تشوفني عموما ..

ربنا يدبر الامر الواحد بيموت في اليوم الف مرة

الله المستعان

[starrysky-123]

[ma7moud-reda]

لَم يَبقَ عِندي مَا يَبتَزُّهُ الأَلمُ!

[starrysky-123]

يا حيوان يا حيوان يا حيوان

كنت عايزة ادخل اغرق جوا حضنك كنت عايزة اشم ريحتك

انت اذيتني

انت وجعتني

انت كسرتني

انا زعلانة من نفسي اني رجعت احن ليك و اوارب الباب تاني

ضيعتني يا عبد الرحمن

و انا فضلت متمسكة بيك لآخر نفس لحد ما لقيت ان ايدي اللي مسكاك بيها انت مصر تجرحها

ف مشيت

مشيت و نسيتك

خايفة اصدقك

خايفة ارجع لك

خايفة من صوتك الحنين و من حضنك

هتخليني ارجع زي الاول ازاي يا عبد الرحمن

انا مش ملاك عشان اسامحك

و لو عقلي نسي الاحداث

لا قلبي و لا جسمي هينسو الوجع اللي بقى مربوط بيك و بصوتك

انت خذلتني في اكتر وقت انا محتجالك فيه

انا بكرهك و بحبك

و لو هقول بحبك يبقى لازم اكره نفسي

مكنتش عايزة كتير و الله

و انت معرفتش تعمل دا

او محاولتش

او كابرت

ضيعتني يا عبد الرحمن

[starrysky-123]

العيد جه

لا بيت

لا اب

و لا زوج

اللهم اجرني في مصيبتي

و اخلفني خيرا منها

[starrysky-123]

انا عايزة بابا

[starrysky-123]

ينهار اسود

لا بجد نهار اسود

مفيش فايدة في الدماغ مفيش فايدة

ربنا يخرجنا منها على خير