Eto na siguro ang isa sa pinaka fulfilling na ginawa ko sa buhay ko, ang tumulong na maorganisa at mafederate ang organization ng person with disability sa municipal level upang iangat ang kanilang hanay. Mula sa pagtukoy at paglalarawan ng kanilang kalagayan, pagmumulat sa kanilang mga karapatan na dapat ay kanilang nakukuha hanggang sa pagpapalakas ng kanilang internal structures upang maging mas matatag ang pundasyon ng kanilang samahan. Sa totoo lang, pumasok ako dito sa trabaho na to dala ang lumang pagtingin sa mga person with disabilities - dapat silang tulungan dahil nakakaawa.
Pero kung mabibigyan lamang ng platform ang mga persons with disabilities para maiangat ang kanilang mga pangangailangan at karapatan, kung tutulungan sila na magkaroon ng mga polisiya at programa na magtatanggal sa mga barriers na nakakapigil sa kanilang potential, sila ay magkakaroon ng lakas at kakayanan na makilahok sa lipunan.
Salamat Humanity and Inclusion sa opportunity, maraming salamat Sir Ronald sa coaching, salamat Ma'am Fatima (MSWDO) sa suporta at pakikiisa. Higit sa lahat, malalim na pasasalamat sa federation officers sa pagmumulat sakin, pagpapalalim ng aking kaalaman at paggabay sakin para samahan kayo na kalampagin ang mga barangay at munisipyo para kayo ay pakinggan, respetuhin at isama sa talakayan. Ngunit wala pa tayo sa exciting part. Simula palang ito ng mahabang laban. Marami pa kailangan ayusin at gawin para makamit ang inyong pinapangarap na Bayan kung saan walang naiiwan at lahat ay pantay-pantay.
Pero kung pangingibabawin ang puso at determinasyon na makapaglingkod, ang sakit ay walang anuman. Bagkus ay "dadalin ka nito sa isang antas ng pag-iisip na mas mataas kaysa pangkaraniwan, hindi makasarili kundi para sa nakakarami."
June 2022 | Tabuk City, Kalinga