#alinlangan

[eiralights]

Alinlangan

Ang hirap naman nito, Bakit ganito? Akala ko ito na ang tamang panahon, Ngunit bakit tila walang naaayon? Mga planong hindi matuloy-tuloy, Mga planong parang isang ilog na unti-unti na lamang tumitigil sa pagdaloy. Mga hamon na hindi natatapos, Mga hamon na para tayong ginagapos. May patutunguhan pa ba ito? Kakayanin pa ba natin ito? Ilang taon pa ba? Ilang taon pa ba bago tayo maging malaya na? Malaya na magmahalan sa ilalim ng sikat ng araw, Malaya na magmahalan na kanilang tanaw, Malaya sa lahat ng takot, Malaya sa lahat ng panghuhusga at poot. Mangyayari pa ba ito? May direksyon pa ba ito? Dapat ba tayong kumapit? O mas mabuting huwag ng kumapit? -Eiralights

[iamagnostika-blog]

MASKARA

Araw-araw ako’y nakangiti

Sa harap ng mga tao ako’y nagkukunwari

Totoong nararamdama’y di ko mawari

Natatakot sa katotohanang ikinukubli

  Saan man magpunta’y palaging balisa

Pag-aalinlangan aking nadarama

Paano magiging masaya

Kung buhay ko’y puno ng parusa

                                                                                                            Masaya kapag nakikisalamuha

Kapag nag-iisa’y lumuluha

Mga mata’y mailap

Sa madla’y mapagpanggap

  Mahinahon sa harap ng ibang tao

Lungkot sa mga mata’y pilit itinatago

Gulong-gulo ang isipan

Takot sa maaaring kahinatnan

  Ngunit sa pagtatago sa kaduwagan

Hindi ko namalayan

Maskara ng aking kahinaan

Nalantad nang tuluyan

By: Claeden

[wishyourmylove-blog]

      Kanina ko pa pinag-iisipan kung iti-TA ko ba siya o hindi. OO o Hindi? Wag na lang baka bukas na lang.