ENJOY JOB HUNTING.
Minsan habang kumakain ako sa isang food chain, may dalawang babaeng lumapit sa akin at nagtanong kung puwede daw silang makishare ng table. Dahil wala naman akong kasama ay pumayag ako.
Habang kumakain sinabi ng isa sa mga babae sa kanyang kasama na nawawalan na siya ng pag-asa dahil halos nalibot na at napasahan na nila ng resume ang halos lahat ng company sa Ortigas pero wala pa rin silang mahanap na trabaho. Ganoon din ang nararamdaman ng kasama niyang babae.
Tahimik lang akong nakikinig sa kanila. Halata ang pagod, pagkabahala, at pagkadismaya sa mga mukha nila. Halos maiyak na ang isa sa mga babae dahil wala na daw siyang pera para pamasahe kinabukasan para maghanap muli ng trabaho. Sinabi pa ng isa na "Sana hindi na lang tayo grumaduate. Sana estudyante na lang tayo habang buhay para hindi natin nararanasan ito. Para tayong sinumpa." Nagpunas ng luha ang isa sa mga babae at sinabi nitong, "Makahanap lang talaga ako ng trabaho, pagbubutihin ko talaga. Hindi ako papayag na mawala pa 'yun. Itataga ko 'yan sa bato."
Tinignan ko silang dalawa. Aminado akong naaawa ako sa kanila pero sa ngayon hindi iyon ang kailangan nila. "Sorry po, pasensiya na po kayo kung madrama kami." sabi ng isang babae sa akin.
Tinanong ko sila, "Nahihirapan na ba kayo sa paghahanap ng trabaho?"
"Opo", sagot nila sa akin.
"That's good!" sabi ko sa kanila.
Nagulat sila sa sinabi ko at tila nainis pa.
"Paano pong naging good iyon eh pagod na pagod na nga po kami at halos ubos na ang pera?"
"Tandaan ninyo, sa dictionary lang nangyayari na nauuna ang success sa work, In reality, for you to be successful you have to work on it. Paghirapan mo. Pagsikapan mo. Kailangan ninyong daanan talaga 'yang paghihirap na 'yan dahil kung hindi mawawalan ng halaga sa inyo ang magkatrabaho. Gaya nga ng sabi mo kanina, makahanap ka lang ng trabaho, pagbubutihin mo talaga. at hindi ka papayag na mawala pa 'yun at itataga mo sa bato. Masasabi mo ba ang mga bagay na iyon kung hindi ka nakakaranas ng hirap? Malamang hindi. Aalagaan mo ba ang trabaho mo kung madali naman makahanap ng iba? Natural hindi. Kaya nga may halaga din 'yang paghihirap ninyo. Kasi dinidisiplina kayo na pahalagahan ang trabaho ninyo oras na mahanap niyo ito. Isa pa, enjoyin ninyo ang moment na nahihirapan kayong maghanap ng work. Nakabilad sa araw at nauulanan at nakikipagsiksikan sa mga saksakyan enjoy the moment. Bakit? Kasi iyan ang masarap balikan balang araw kapag matagumpay na kayo."
"Sabi ninyo kanina, sana estudytante na lang kayo habang buhay. Well technically yes estudyante parin kayo at habang buhay mananatili kayong estudyante dahil patuloy kayong matututo at lalago habang kayo ay buhay. Ang tinapos ninyo ay degree lamang. Hindi lahat ng bagay ay matututunan ninyo sa loob ng paaralan. Tinuro ba sa inyo kung gaano kahirap maghanap ng trabaho? Tinuro ba sa inyo kung ano ang advantage ninyo bilang fresh graduate kumpara sa mga may experience na? Tinuro ba sa inyo kung paano kayo mapopromote sa trabaho? Hindi di ba? Ang buhay ang magtutro ngayon sa inyo niyan. Payo ko sa inyo enjoy job hunting.Dahil hindi masarap ang tagumpay kung hindi ka nakaranas ng hirap at maraming sablay."
-HR DM