#galileo nenos

[praza-sinbad]

Galileo Nenos amplía o seu catálogo de xoguetes en galego para este Nadal

Non é a primeira vez que falamos de Galileo Nenos no blog. De feito, case poderiamos dicir que Sinbad medrou con eles dende que alá polo Nadal do 2012 vos presentaramos o primeiro xoguete en galego creado por Guido Leboroni. Pois ben, botándolle unha ollada á súa web, comprobamos que o catálogo de Galileo Nenos medrou de xeito considerable dende aquela e iso a nós encántanos. Sen perder ese espírito educativo que caracteriza os xoguetes de Galileo Nenos, este novo catálogo inclúe dende quebracabezas para nenos e nenas a partir dos dous anos, pasando pola Escola de escritura con Xabarín, un maletín para aprender inglés e exercitar a memoria, ata xogos de mesa como o Peregrinus e, por suposto, as nosas adoradas Galiña de Mos e Ovella galega.

E como sabemos o difícil que resulta competir coas grandes marcas para entrar nas tendas de xoguetes, dende Sinbad queremos apoiar a iniciativa de Guido e desexarlle o mellor e que siga creando xoguetes en galego por moitos anos.

E vós tomade nota porque son o agasallo perfecto para este Nadal!!

[ludoscopia]

Una nueva entrada ha sido publicada en Ludoscopia

Una nueva entrada ha sido publicada en http://ludoscopia.es/blog/peregrinus-juego/

Peregrinus: La Santa Compaña te perseguirá hasta Santiago

Necesitarás la ayuda de las criaturas sobrenaturales de los bosques gallegos Hoy en día hacer el Camino de Santiago ya no es una proeza. Hay itinerarios turísticos para todos los gustos. Sin embargo, en Peregrinus de Guido Leboroni las viejas supersticiones vuelven a los senderos de Galicia. Ga...

[praza-sinbad]

Cando os fillos son a escusa perfecta para mercar cousas (IV)

Non pode haber mellor forma de comezar o día que facéndote unhas torradas nesta Camper Van Toaster que, desde xa, pasa a ser unha das miñas necesidades vitais. Ademais, como polo meu problema de intolerancia na casa necesitamos dúas, estou xa por encargar varias e motar un aparcadoiro na cociña.

Desde que naceu Galileo Nenos, en Sinbad sempre os apoiamos polo simple feito (mira ti que parvada!) de fabricar xoguetes en galego. Agora declarámonos fans absolutos ao ver que no seu catálogo contan con peluches de animais autóctonos como a ovella galega ou a galiña de Mos. Se na cociña vou ter un párking, no cuarto da nena montarei unha granxa.

Os rainbow pencils son tamén outra desas cousas riquiñas que me poñen os dentes afiados, e xa non digo para escribir con eles (eu xa case nunca escribo con lapis), senón para pasar o día sacándolles punta.

A caixa de música de Totoro. Cando a mañá de Reis vin a miña sobriña abrindo un paquete e que dese paquete sacaba esta preciosidade confeso que por primeira vez na miña vida pensei que tampouco podía ser tan malo roubarlle a unha nena de catro anos, e moito menos ese día, que xa tiña tantos agasallos que non sabía a cal antender. Ao final gañou o anxiño bo (e a miña sogra, que ma quitou das mans cando xa estaba saíndo pola porta) e marchei á casa sen ela, pero desde ese día non podo deixar de pensar noutra cousa.

Se cadra, véndoa así non vos di nada, pero xúrovos que cando a vin en funcionamento case me poño a chorar. E cal sería a miña sorpresa cando, navegando pola rede, descubro que non é a única senón que tamén hai a de Nicky e a de Ponyo. Teño que acabar de convencer a Violeta de que o mundo Ghibli é moitísimo máis fascinante ca o de Dora a Exploradora!

Algo que tamén necesito (e non por bonito precisamente, senón por necesidade en si) é este baby shower cup que evitaría moitos berros e disgustos na casa. Porque a ninguén nos gusta que se nos meta xabón nos ollos pero, no caso de Violeta, ese acto tan cotián e tan recorrente á hora do baño, pode chegar a converterse nun dramón tal que logo se encargará de lembrárnolo durante todo o día seguinte repetindo ata a saciedade: "xabón-ollos-pica, xabón-ollos-pica, xabón-ollos-pica". O baby shower cup está á venda en Amazon por 1,50$, así que, se seguides meténdolles xabón aos pequenos nos ollos, será porque vos gusta velos sufrir.

Máis cousas riquiñas  aquí, aquí e aquí.

[praza-sinbad]

Este Nadal, agasalla xoguetes en galego da man de Galileo nenos

A eterna pregunta de Tedes algún xoguete en galego? que moitos facemos cando entramos nunha tenda –sabendo de antemán que a resposta vai ser un rotundo Non– vai cambiar dende xa grazas a Guido Leboroni e ao seu fermoso proxecto, Galileo Nenos, a primeira empresa galega dedicada á creación de xoguetes educativos en galego.

Porque si, libros temos a esgalla, e libros con accesorios cos que se pode xogar tamén hai algún, pero xoguete, o que se di xoguete... eu, polo menos, nos os coñezo. E non me veñades agora con que un parchís, unha buxaina ou unha biclicleta están en galego porque vale, están, pero non é o mesmo.

Polo de agora teñen á venda un único produto, A cidade de Cenorio (para nenos entre os 3 e os 6 anos), que contén fichas de cartón con debuxos e palabras en galego e inglés, un poster co alfabeto galego e, por suposto, un Cenorio, que é un bolígrafo interactivo con forma de cenoria que lle dirá aos pequenos se escolleron a resposta axeitada ou non, pero a súa intención é seguir traballando para ampliar a oferta con máis xoguetes de fichas e, tamén, con xoguetes que falen ou canten en galego.

Segundo Guido, o seu seguinte obxectivo será o Día das Letras, cando, se todo vai ben, poderán sacar un ou dous produtos novos. E nós esperaremos impacientes que así sexa. Á parte de poder mercalos online, na web atoparedes a relación das tendas onde xa venden A cidade de Cenorio. E, se queredes saber máis sobre Guido, Galileo e o propio Cenorio, aquí e aquí podedes ver e escoitar as entrevistas que lle fixeron ao seu creador na TVG e na RG.

Xa vedes, tivo que vir un italiano aquí para facer o que nós nunca fixemos. Era unha cousa taaan normal non ter xoguetes na nosa lingua!!

Moitísima sorte, Guido! Este Nadal xa sabemos que regalar!

Web: www.galileonenos.com Facebook: http://www.facebook.com/galileo.nenos