#group1a

[4g2011-blog]

Supling

Isang supling ang ibinaon sa lupa.

Ang pagiging malikhain ay ang kanyang sikat ng araw

at ang inspirasyon naman ay ang kanyang tubig.

Sa paglipas ng panahon, umusbong itong pataas

at binasag ang tagapagalagang lupa.

Paliku-liko ang mga sanga, hindi malalaman kung saan papunta.

Pataas, pababa, sa kaliwa, sa kanan

tila nangingisay na katawan.

Ngunit mula sa malayo, iyong makikita, ang tunay na ganda ng supling na namunga.

-Gio Malixi (Group1A)

[4g2011-blog]

Sabog

Sabog talaga ang utak ko!

Wala akong malagay sa papel na ito.

Kahit anong maiisip ko

Malabo parin ang sinusulat ko.

Mga ideya tumatakbo sa utak ko

Ngunit sabog parin ang pagiisip ko

Nagtutulala na ako dito

Ang papel ko ay parin - blanko

Pero ng naisip ko na ang sasabihin ko

Sabog parin ba utak ko?

Kailangan ko ayusin ang buhay ko.

At sa gayun din matapos ang tula na ito.

-Jr Palomo (Group1A)

[4g2011-blog]

Puro blank

Puro blank nalang ang lahat ng aspeto ng buhay ko...

Puro blank lang ang masasabi ko sa lahat ng pinaguusapan...

Puro blank lang ang aking kinabukasan...

Puro blank lang ang pinagdaanan ko.....

Ba't puro blank lang ang masasabi ko?

Ito ang kabalintunaan ng aking buhay... Puro blank nalang....

-Mari Pastor (Group1A)

[4g2011-blog]

TULAla

 Sa tuwing ako'y nakaupo sa aking silid, hindi ko mahanap ang sagot sa aking isip, parang karayom sa isang mandala ng dayami o kaya umaasa'y mahanap ang "the one" para mabuo ang nillalaman ng puso ko. Kay tagal ko'y mag-isip pero sinisikap kong maniwala sa sarili: "kaya ko 'to". Mga tunay na salita ang gusto ko makamit upang maranasan ng mambabasa ang mensahe na sana'y makatulong at maging gabay sa kanila.

-Gab Pablo (Group 1A)

[4g2011-blog]

Tula Ba?

Pagkabigay ng panuto

Nag-blanko ang ulo

Tumatakbo na ang oras

Wala pa din panimulang mailabas

Ulong hindi bihasa sa Tagalog

Ulo'y tuyong damit na pinipiga

Hindi maipahayag ang sarili

Hindi maisulat sa papel

Ulo'y walang maayos na daloy

Parang Edsa tuwing alasiyete ng gabi

Paubos na ang oras

Wala pa rin mailabas

Walang matinong tula ang nagawa

Kundi itong grupo ng salita

Na hango sa ulong hindi makata

-Miko Jimenez (Group1A)

[4g2011-blog]

Tula – tulaan

Ang tula ay kasing ganda ng langit.

Maliwanag dahil wala itong ipinagkakait sa iyo.

Binibigay ang lahat ng magaganda at masasarap.

Ang tula ay hindi mapanghusga.

Hindi nito tinitignan kung sino ka, ano ka, o kung ano pa man.

Tuloy tuloy ang pag-usad patungo sa destinasyon.

Minsa’y magulo at nakakalito,

Ngunit ilang tingin ay siguradong mamahalin.

Ang tula ay prutas.

Minsan ay maasim minsan ay matamis.

Tara na at tuklasan mo para sa sarili ang iyong tula.

-Jigs Sales (Group1A)

[4g2011-blog]

Tawag Para Sa Paglilingkod

Ito'y nakakaadik, p're

Parang bideo game, grabe

Kung mas espesipiko, kahalintulad 'to ng

Tawag para sa paglilingkod

Sa una, gusto mong maging beterano kaagad

ngunit ang totoo, hindi mo pa kaya

Kailangan ng ensayo

Ensayo at ensayo at ensayo sa bawat lebel, para sa bawat linya

At nang lumipas na ang panahon at nahulog na ang parte ng iyong buhok,

Iyon na.

Nasanay ka na.

Ang nasa utak mo, "Ay, isang beses lang ako maglalaro, isang match lang..."

Pero, nagiging lima, anim, pito, pitumpu't walo!

Iyon pre! Na-inlove ka na sa laro

Ito lang ang mahalaga at walang iba.

-Ramon Limcaoco (Group1A)

[4g2011-blog]

Tulang Pang-Ragna

Sa pagtutula, para kang nagpapalevel ng Novice.

Pwedeng magFirst Job o magpaSuper Novice kung kaya pang magpalevel.

Parang Thief ang pag-iisip ng tula na tila pagnanakaw ng mga ideya ng kapwa dahil sa Steal.

Parang Acolyte na bigay lang ng bigay ng kanilang ideya sa iba dahil sa Blessing.

Parang Mage na idinadaan sa talino ang bagay-bagay dahil mataas ang Int.

Tila Archer na suntok sa buwan ang mga ideya dahil sa Owl's Eye.

Pero daig mo pa'ng Swordsman kung magsulat ng tula dahil in-e-Endure ang bawat minutong pag-iisip ng mga angkop na salita para magandang pakinggan.

Sa pagtutula, para ka nang Second Job kung nagpursigi at nagtiyaga.

Dahil sa pagtitiis na'to mas lumalalim at lumalakas ang kahulugan ng mga obra.

Pero umaabot din sa puntong nakakalimutan na ang paggawa ng mga tulang likas na maganda at masaya, kaya parang nagpaTranscend to High Novice.

Balik sa simula, pero may natitira pang katalinuhan kaya may "say" pa rin ang mga tula.

Tiyaga uli, puyat at masinsinang pag-iisip at pwede na uling magHigh First Job.

Isip, sulat, bura, isip at sulat uli hanggang pwedeng maging Second Job Transcendent na.

Sa puntong ito, may dalawang disisyong pwedeng gawin. Kung palilinangin pa ang pagtutula, pwede pang magThird Job para maging mas magaling at malakas ang mga obra,

O pwede ring tumigil dito at subukan pang gumawa ng mga bagong estilo ng pagtutula.

Pero sa buhay na maikli ang oras at mahirap makapag-isip, ninanais na lang na

Maging Expanded Class, para shortcut mula pagkaNovice e may tula pa ring nagagawa

Ngunit 'di na kasing lalim o kadama-dama kung ikukumpara sa una. 

-Joseph Alitagtag (Group1A)