Discover Top Posts Tagged with #group1b

Tapos Na

Ito na ang aking kaibigan ang huling tulak, ang huling pagsisikap sa paaralan na it. Lahat ng araw ng pagpapawis at mga walang tulog ay nagtutungo sa araw na ito. lahat ng ginawa natin ay para makita ang araw na ito, at salamat na tapos na!

Pupunta na tayo sa collegio, grabe ang bilis talaga ng araw. Pero alam niyo na marami pang opurtunidad na bubukas para sa atin , kaya huwag kayo matakot sa kabukasan.

Salamat, at magandang araw

-Jr Palomo (Group1B)

#Group1B

Aking Pagtatapos

Kaybilis naman ng pagtakbo ng panahon. Naalala ko pa ang iba't ibang pangyayari dito sa mataas na paaralang Ateneo, sa mga mahihirap na eksam hanggang sa mga pinakamasayang pagkakataon na magkasama ang mga kaklase ko. May kasabihan na ang mataas na paaralan ay ang pinakamasayang panahon sa buhay ninyo; ito ang panahon kung kailan makikilala mo ang mga matalik na kaibigan mo. Ito rin ang panahon kung kailan mahuhubog ang mga relasyong habangbuhay

Natuto ako mag-arala nang husto at sumikap na gumawa ng lahat ng kinakailangan. Pero, masasabi ninyo na walang kaalaman ito sa susunod na yugto ng buhay natin. Para sa akin, ang magsikao ngayon nang husto ay ang pinagmumulan mo sa darating na taon.

Masasabi ko rin na dahil sa mga pangyayaring pinagdaan ko, handa na ako sa susunod na yugto sa buhay ko. Handa na akong pumunta sa susunod na pahina; kayo handa na ba?

-Mari Pastor (Group1B)

#Group1B

Tapos Na

Mga kapwa kong Atenista, narito ako ngayon upang magbigay ng kahuli huli kong talumpati sa inyo. Sa loob ng apat na taon ko sa mataas na paaralan ng Ateneo, nakikilala ko ang mga iba't ibang pagsubok na naghamon sa kakayahan kong maging tao para sa kapwa at iba pang aral na natutunan ko. Tiniis ko ang paghihirap at gumawa ako ng paraan upang maging masunurin at matulungin na tao dito.

Disiplina at 5Cs ay mga mahahalagang aral na sana maisabuhay ko sa kinabukasan. Sana rin maisabuhay at maging gabay ang pagkakaroon ng mga bagong kaalaman.

Ngayon at malapit na ang pagsisimula ng panibagong yugto sa kolehiyo, sabay-sabay nating makikilala ang mga paghihirap na mararanasan sa kolehiyo.

-Gab Pablo (Group1B)

#Group1B

Ang Pagtutumpisa

Tapos na ang isang bahagi ng buhay natin! tapos na din ang hayskul! sa ngayon, tapos na ang mga asignatura! wala nang uniporme! lagas na ang "hair-cut rule!" halos 18 na tayong lahat! legal na! mak kotse pa! sarap talaga mag graduate, noh?

Pero, sa kabilang dako, marami din tayong maiiwan dito sa hayskul, Hiwa-hiwalay na tayo sa kolehiyo. Wala nang mga sections. Wala nang mga mababait na guro na ipapasa ka dahil pa-cute ka palagi sa klase. wala nang classnight, at madami pang iba.

Dito mo talaga sa Hayskul makikilala ang mga kaibigan mo na pwedeng balik-balikan. Ang hayskul kasama ninyo any ang pinaka masayang apat na taon sa buong buhay ko. ang mga kalokohan na ginagawa tuwing recess at lunch, mga cramming sessions sa umaga, mga gimmiks, mga soiree, ang EK at madami pa.

Hindi na tayo Hayskul, hindi kaakibat nito ang pagkalimot natin saating mga asignatura at natutunan sa loob ng silid aralan. Subalit, dapat natin dalhin ang mga ito sa Kolehiyo. makalimutan man natin ang, trigonometric functions, ang graphs o ang geometry, wag lang natin makalimutan ang mga mabubuting asal at aral na nagtulak saatin sa mahihirap na sitwasyon at tutulak saatin sa mga oras ng kagipitan.

mami-miss ko talaga ang hayskul. mami-miss ko kayong lahat sapagkat kayong lahat, kaibigan , kaklase, guro, kaaway, kaakibat, at kasabwat ko ay ang nagpakulay ng buhay ko sa hayskul. maraming salamat at magandang araw sa inyong lahat.

-Miko Jimenez (Group1B)

#Group1B

Maraming katapusan at pasisimula sa araw na ito. Matatapos na ang apat na taon ng ating buhay sa mataas na paaralan. Matatapos na ang mga masasayang araw na sama-sama nating pinagdaan. Tapos na rin ang paglolokohan ng magkakaklase tuwing meryenda at tanghalian.

Sana may natutunan tayo, kahit paano sa pagtatapos na ito. Mga natutunang makakatulong sa patuloy nating paglaro sa laro ng buhay. Hindi rin natin sana makalimutan ang mga pinagdaanan natin bilang estudyante ng mataas na paaralan. Gamitin natin ito para sa pag-unlad n gating lipunana at lalong-lalo na n gating sarili.

Ngunit, marami rin namang pagsisimula na mangyayari ngayon. Magsisimula na tayong maging mas malawak ang pananaw sa buhay. Dati, ang nakikita lang natin ay ang sarili nating buhay sa paaralan at sa bahay. Ngayon, marami tayong matutuklasang bago sa buhay. Huwag tayong matakot na matuto at sumugal sa buhay dahil ditto lang natin makikita ang lahat ng maaaring malaman. Huwag din nating kalimutan na nandito lang an gating mga kaibigan na gagabay sa atin tuwing kailangan natin. Sabay-sabay nating tulasin ang magagandang tanawin at leksyon na meron ang buhay.

-Jigs Sales (Group 1B)

#Group1B

Alam Na

Napapaiyak na ako. Parang kahapon lang tayo pumasok sa mataas na paaralan ng Ateneo De Manila at ngayon nandito na ako sa harap ninyo bilang kaklase at bilang kapatid.

Marami talagang akong gustong sabihin ngunit hindi kayang ilahad ko ang buong buhay ko dito sa high school sa isang minuto. Ang alam ko lang ay nagagalak ako na naging bahagi ako ng klaseng ito. Sa totoo, kung nabigyan ako ng pagkakataon na pumili ng klase, isa lang ang magiging sagot at iyon siyempre ang G. G para sa ganda, gwapo, galing, gwapo at iba pa...

Marami tayong masasayang karanasan at mayroon din tayong hindi masyadong masasayang karanasan ngunit sa huli, hindi ako nagsisisi. Ang natutunan ko mula sa inyo ay ang pagmamahal kung kaya't mahal na mahal ko kayong lahat.

At ngayon, may bago na tayong paglalakbay. Ang paglalakbay sa kolehiyo! Kung kaya't halina't huwag mag-alala kasi magkikita rin tayo sa mga darating na panahon.

-Ramon Limcaoco (Group1B)

#Group1B

Isang Pagtatapos sa Mataas na Paaralang Ateneo

Hay, kaytagal kong hinintay ang panahong ito. Sa apat na taong pamamalagi ko rito, marami-rami na rin ang mga karanasang aking kinaharap, at may mga ilan-ilang kung saan ay kasama na rin ang buong komunidad ng Mataas na Paaralan ng Ateneo.

Oo, mapakarami na ng ating mga karanasan sa ating pagtira at pag-aaral dito sa ating ikalawang tahanan. Marahil ay marami na sa atin dito ay may mga karanasang nagpatibay ng ating pagkatao na dadalhin natin hanggang sa pagtatapos ng ating pamamalagi sa paaralang ito.

Ilang taon na nga ba ang lumipas nang magsimula tayong maghanda para sa kolehiyo? Lima? Sampu? Marahil ay buong buhay nating pinagsumikapang makaabot hanggang sa pagtatapos ng ating buhay sa Mataas na Paaralan ng Ateneo papunta sa ating mga piniling kolehiyo.

Nang pumasok ako sa paaralang ito, hindi ako nagsimula bilang numero uno sa klase, ni hindi rin naman bayani. Nag-umpisa ako bilang isang estrangherong napadpad sa 'di kilalang lugar, kung saan ay isa-isa kong nakilala ang mga taong naging sangkap sa aking tagumpay ngayon: mga guro at kamag-aral.

Salamat sa inyo mga kapwa ko estudyante, sapagkat naghati-hati tayo sa ating mga paghihirap at tagumpay sa ating mga asignatura, pagsusulit at iba pa. Salamat, mga butihing guro, sa lahat ng patitiis at pagtitiyaga sa kakulitan naming mga mag-aaral. Salamat din sa iba't-ibang taong nakasalamuha natin sa araw-araw na nagbago sa ating pagtingin sa buhay.

Sa pagtayo ko rito sa entablado, sa harap ng mikropono, sa harap ninyo, ako ay natutuwa. Lahat tayo ay nagtagumpay sa pangyayaring ito! Lahat tayo na may dinanas na hirap at ginhawa ay narito ngayon suot-suot ang mga togang sumisimbulo sa pagtatapos ng ating yugto sa Mataas na Paaralan ng Ateneo patungo sa panibagong buhay natin sa pagpasok sa kolehiyo.

Sa aking pagtatapos, maaari sana nating isabuhay lahat ng mga natutunan natin sa ilang taong pamamalagi natin sa paaralang ito, na kung saan ay maging susi ang mga ito sa mga inaasam-asam nating tagumpay sa ating mga pangarap sa buhay.

Nawa'y patnubayan tayong lahat ng Diyos, saan man at kahit kailan man sa ating buhay. Salamat po sa lahat ng mga ala-ala! Ad Majorem Dei Gloriam!

-Joseph Alitagtag (Group1B)

#Group1B

Napakasakit mamaalam.

Ang sarap sanang sabihin na tapos na, na nagtagumpay na tayo, na tapos na lahat ng pagdurusa natin. Ngunit, ano nga bang ibig sabihin ng araw na ito? Ano ang ibig sabihin ng pagupo at pagtingin natin sa isa't isa habang hinihintay na ang ating mga pangalan ay tawagin? Alam naman natin na hindi pa ito ang katapusan, na ang pagkakaibigang nabuo sa buhay natin ay mananatiling nakaukit sa puso at kaluluwa natin. Matagal kong pinagnilayan, ilang beses na nagpaikot-ikot sa kama ngunit hindi ko magawang tanggaping ang dalawang bagay: bakit ba kailangang matapos at bakit kailangang ipagdiwang ang pagtatapos na ito?

Siguro, kaya kailangang maganap ang araw na ito ay para maintindihan natin na ang lahat ng bagay, mayroong katapusan, na may mga bagay na kinakailangang matapos, at higit sa lahat, kinakailangan nating tanggapin na hindi naman tayo magkakasama sa iisang silid-aralan o paaralan magpakailanman. Tanggapin natin na mas akmang magpalaya at tanggapin ang mga bagay na mas nakabubuti. Kaya siguro kinakailangang mawala ng ibang bagay ay para makahanap tayo ng mas makabubuti para sa atin, na mas mamahalin natin at mas tutulong sa taing mahanap ang tunay na kabuluhan ng buhay.

-Karl Nieto (Group1B)

#Group1B