#group4a

[4g2011-blog]

Pagkakataon sa Pagtula

Ang pagtula'y parang dice...

Itapon,

Ito'y gugulong

At babagsak sa numerong 'di mo alam.

Ako'y aasa sa magandang numero,

Ngunit, 

Iba ang ibibigay

Iba ang kahihinatnan

Magulo, nakakalito, at minsan ay ikalulungkot

Pero, 

Kapag binigyan ng oras,

Ang tula ko'y gaganda.

-Jeremy Caisip (Group4A)

[4g2011-blog]

Tula, Tula, Ako'y Natulala

Nagkakamot ng buhok, hawak ang ulo,

Ubos na ang oras, ubos na rin ang malas.

Tuyot na ang mata, pasmado na ang kamay,

Sunog ang kilay, isipang halos walang malay.

O ang buhay, kay hirap gumawa,

Ng isang munting maayos na tula.

Isip dito at isip doon, tingin sa kanan at tingin sa kaliwa,

Nababaliw at nagliliwaliw, nag-iisip ng tula.

Salamat sa wakas at ako'y nagwakas,

Sa pagsulat ng munting tula, ulo'y aking hinimas.

Tula, tula, ako ay natulala,

Isip ko'y lumalim, lumubog, at nawala.

-Adrian Trinidad (Group4A)

[4g2011-blog]

Nasa harap ko ang papel, walang nakasulat. Sa mata ng iba, ako'y nasa silya at nakaupo, ngunit, lumilipad na ang aking utak as kaisipan ko, patungo sa langit. Parang ganoon din and papel sa simula, walang laman ang asul na langit. Tahimik ang lahat at ako'y nagiisip at, out of nowhere, may lalabas na ulap, in the form ng aking kaisipan. Biglaan, maraming ulap ang naglilipad in the side, kasama ang endless na ideya. Sa punto na iyon, pipili ako ng pinakamagandang ulap at babalik ako sa earth. Sa comfort ng silya ko, ginagawa ko ang panaginip into reality.

-Ramy Veloso (Group4A)

[4g2011-blog]

Tula Kong Ito

Sumisingaw ang mga katubigan

Ng iba't ibang parte ng aking kaalaman

Mabagal at sadyang dahan-dahang

Bumubuo ng ulap na walang 'pares sa kalakihan

Produkto'y bagyo, sin'laki ni Milenyo

May bangis na di malilimot ng kahit sino

May lintik na tutok sa mga puso

Ng sinumang babasa ng tula kong ito

-Miggie de Guzman (Group4A)

[4g2011-blog]

Ang Pagtutula: Maganda ngunit Mahirap

Ang pagtutula ay isang malikhaing gawain na

nagsisimula sa isang dalubhasa.

May damdamin at emosyong nais ipahiwatig sa

kambas na malinis at walang laman.

Unti-unting mapupuno ng kulay at katuturan

kung saan lilitaw an kaniyang mensahe.

Ang pagtula ay ang salamin o bintana na

pagmamay-ari ng kaluluwa ng manunulat.

May mensahengnais iparating mula sa pusong 

naglalaman ng matinding damdamin na

kailangang mailabas sa paligid o sa mundo, na

kung minsan nama'y 'di nakikinig.

Ang pagtula ay isang napakagandang palabas na

karapat-dapat tangkilikin at ipagpatuloy,

hindi dapat minamaliit o binabale-wala.

Ngunit, paano masusundan ang lahat na ito,

ang lahat ng pamamaraan ng pagtutula, kung sa loob-looban

ay nahihirapan bumuo ng isang linya?

-Raphael Martin O. Reyes (Group4A)

[4g2011-blog]

Ilabas Na!

Ang pagsulat ng tula ay pagbubuklas ng kayamanang walang hanggan. You discover many new things. Maraming mga bagong kaalaman ang natutuklas mo tungkol sa sarili, sa kapwa tao, sa lipunan, at sa buong mundo. Just let loose. walang konkretong gabay o ispesipikong instruksyon sa pagtula. Kailangan bukas ang iyong isipan sa lahat ng posibilidad. Kailangan kaibiganin mo ang iyong imahinasyon. Kapag matalik na kaibigan mo na ang iyong imahinasyon, ito ay magiging kapangyarihang walang hanggan. Isulat mo ang iyong nararamdaman. Isulat mo ang mga isipan na nais mong ipahayag sa ibang tao. Ang pagtula ay isang oportunidad upang tikman ang kulay ng buhay.

-Lupo Basilio (Group4A)

[4g2011-blog]

Sindi, Tapon

Buhos ng ilaw, parang ilaw sa kalye, sindi, patay. Hindi tuluy-tuloy ang kamalayan, ang puso, nagiging utak. Nanlilimos sa kalye, sa bundok, sa lupa, sa puno kahit anong maibibigay, tatanggapin, at itatago sa puso ginagawang kahoy pang-apoy, ’pag oras ay dumating sisindihan, liliyab ang puso at dadaloy ang apoy na parang ilog. Pasyon! Puso! Pagmamahal at iba pa! Pero hindi pa rin sapat...sindi, tapon.

-Jose Manuel Felix (Group4A)