Discover Top Posts Tagged with #group4b

Pagtatapos at Pagsisimula

Apat na taon. Apat na taon tayong nananatili sa Mataas na Paaralan ng Ateneo. Tila kaapon lang ay kararating natin sa mga di pamilyar na silid ng paaralang ito at walang kilala. Pero ngayon, nandito na tayo sa pagtatapos ng hayskul at handang-handa na para sa kolehiyo.

Hindi ko inaasahan na ako'y magtatapos na balediktoryan dahil lahat naman tayo'y tinamaan ng Senioritis dahil yung iba'y may kolehiyo na at ang naghihintay na lamang magtapos.

Ang 5 C's, pasensya, at pagpili ng tamang desisyon ang hindi ko makakalimutan na naituro sa akkin. Sa pamamagitan nga mga ito, natutunan natin pagiging tao-para-sa-kapawa o "Men-For-Others" at tao-kasama-ang-kapawa o "Men-With-Others". Ito para sa akin, ang mga pinaka-importante nating natutunan sa pamamahagi natin dito sa mataas na paaralan.

Sa aking pagtatapos, uulitn ko lang ang sinabi ni Fr. RB nung unang araw - Non Habemus Tempus - walang tayong oras. Kaya sa pagtatapos natin, ito na ang simula ng hamon ng kolehiyo... at buhay.

-Jeremy Caisip (Group4B)

#Group4B

Tapos na ang Gera, Simula na ang Laban

Magandang araw sa inyong lahat. Nais ko lang batiin kayong lahat dahil lahat tayo ay nandito ngayon. Sa wakas, natapos din ang apat na masasayang taon natin sa mataas na paaralan. Nais ko lamang sabihin ang mga mahahalagang bagay na aking natutunan sa loob ng apat na taon. Una, ay ang pagiging madiskarte. Madiskarte sa lahat ng bagay; aral, pagkakaibigan, gimik, oras, at marami pang iba. Ito, para sa akin ang pinakaimportante sa lahat, diskarte. Ang pangalawa naman ay ang mga kaibigan. Dito sa mataas na paaralan ko nakita ang aking mga matatalik at tunay na mga kaibigan panghabang buhay. Ito rin ay importante sa akin dahil kung wala sila, wala rin ako ngayon dito sa kinatatayuan ko ngayon. Ngayon at magtatapos na tayong lahat, sasabak nanaman tayo sa isang panibagong gera ---- dala ang lahat ng ating alaala noong tayo ay nasa mataas na paaralan pa. Ako ay nagsasalita na bilang isang kapwa mag-aaral. Hindi naman importante na ako ang valedictoriyan dahil sa mataas na paaralan, lahat ng magtatapos ay panalo. Maraming salamat sa supporta at gabay ninyong lahat sa akin. Maraming salamat sa inyong lahat.

-Adrian Trinidad (Group4B)

#Group4B

May kasabihan sa Ingles, "Life is like a box of Chocolates; you never know what you're going to get." Kung tutuusin, tama nga ang kasabihan na ito. Ang mataas ng Paaralang Ateneo de Manila ay pwedeng sabihin na tugma ito sa kasabihan. Maraming pagkakataon upang ikaw ay makapagensayo at makapagaral ng mabuti. Marami ring pagkakataon upang kumuha ng mga aral na hindi tungkol sa Ingles o matematika; ang pakikipagkaibigan. Dito sa Ateneo, ang apat na taon ay binibigay sa mga mag-aaral upang patibayin ang pakikipagsama sa mga maituturing kaibigan habang buhay.

-Ramy Veloso (Group4B)

#Group4B

Noong tayo'y mga musmos pa lamang, marahil ay naitanong na sa atin ang katanungang: "Ano ang nais mo maging pagtanda?" Siguradong napakarami at samu’t sari ang ating mga sinagot; mga praktikal at makatotohanan, kung minsa’y imposible at halos piksyunal. Subalit, habang tumatanda tayo, nag-iiba rin marahil ang nais natin maging pagkatapos ng pag-aaral. Kaya’t pagtungtong natin sa mataas na paaralan ng Ateneo, lubos ang ating pagsisikap upang makamit ang nais nating makamit sa buhay. Ito’y dahil alam natin na sa pamamagitan ng paaralang ito at ng pag-aaral magsisimula ang lahat. Ngunit dapat nating tanggapin na sa araw ding itomagtatapos ang buhay natin sa mataas na paaralan ng Ateneo. “Ang lahat ng magagandang bagay ay mayroon pagtatapos.”

Subalit, hinding-hindi natin mapakakawalan ang at ibabale wala ang lahat ng mga natutuhan, naranasan, nagawa, at nakilala natin ditto sa mataas na paaralan ng Ateneo dahil ang ahat ng mga ito ay ang tunay na bumuo sa ating buhay dito sa Ateneo. Maliban na sa sarili nating sikap pati n gating mga magulang, napakahalaga ng ginampanan ng mga ito sa pagkabuo sa atin ditto sa Ateneo. Kasabay n gating mga kaklase’t kaibigan, tayo’y nag-aral at nagsaya. Tayo’y naglakbay kung saan-saan, nakaranas ng mga bagong bagay, nakatikim ng tagumpay, at minsan ay pagkabigo. Kailangan naing tanggapin ang lahat ng mga karanasan at pangyayaring ito; tanggapin, ipagpasalamat, at gamitin para sa ikabubuti n gating puso’t isipan upang maghanda para sa kinabukasan.

Sa paglabas natin ng mataas na paaralan ng Ateneo, patungo na tayo sa ating kinabukasan, sa bagong tatahaking daan. Maghihiwa-hiwalay na tayo ng landas patungong kolehiyo. Dito natin magagamit ang lahat n gating natutunan, nayo’y papalapit na ang bagong kabanata ng buhay mag-aaral natin bilang mga estudyanteng-kolehiyo, o kaya pati na rin sa mga susunod pang hakbang n gating buhay pagkatapos noon. Ang lahat n gating mga inaasahang magaganap sa kinabukasan ay malapit nang matupad, kung ito’y pagsisikapan at paghihirapan natin.

Ngayon na ang panahon upang sumisid sa mas malalim na katubigan, lumipad sa mas mataas na rurok, tahakin ang mas malayong landas patungo sa pag-abot natin sa ating mga pangarap na matagal na nating inaasam. Maaaring magkatotoo ang mga sagot natin sa katanungang “ano ang nais mo maging pagtanda?”

Marahil ay mayroon tayong mga pangamba, mga kinatatakutan, pati na rin mga pagdadalawang-isip ukol sa mundong kung dati’y hanggang silip lamang ang pinakamalapit nating naabot ngunit ngayo’y papasukin na natin. Anuman ang mga pangambang ito, makabubuti para sa ating tandaan na ‘di tayo nag-iisa dahil kasama natin ang ating pamilya, mga kaibigang, at ang mahalaga, mga karanasan at aral mula sa Ateneo na siguradong dadalhin natin saan man tayo mapunta.

-Raphael Martin O. Reyes (Group4B)

#Group4B

Apat na taon hanggang sa Reunion

Apat na taong pagsasama nating lahat, muli tayong nagtitipon dito sa ating graduation, huling pagtitipon ng magkasama, bilang high school, balik-tanawan natin ang ating apat na taon.

Apat na taon, marami ang puwedeng magyari, mayroong mga nasipa, bumagsak, hindi nakapasa sa Ateneo College, O sa kanilang ninanais na na kolehiyo, ngunit para sa ating lahat na narito ngayon, ito ang dala ng ating patoy na pagtiyaga sa pagaaral, at ako dito sa harap niyong lahat, aking minamahal na mga kabatch at mga kaibigan, ito ang resulta ng aking sakripisyo para sa aking pagaaral.

Natutuwa ako na mula sa aking pananaw dito sa harap ninyong lahat, nakikita ko ang aking mga kaibigan, mga tumutulong sakin, at tinulungan ako. Sa likod ng lahat ng ating pagsasama, alam kong sawang sawa na tayo sa trigonometry, debate, pagpupuyat, at makakita ng lalake, puros lalake na lang, siguro ang ilan sa atin ay natutuwa sa lalake, pero hinihintay na tayo ng kolehiyo, ng ating trabaho, ng pamilya, at ng ating mga hinaharap, ngunit itong batch na ito, itong pagsasama na ito, ito ang babalikan natin tuwing tayo'y mag rereunion.

Sa ating reunion, makikita natin ang isa't isa, mga iba'y may pamilya, at iba wala. Ang iba sa atin, magiging mga milyonaryo siguro, ang iba satin mamumuhay ng simple. Hindi porket baledictorian ako, lahat kayo ay walang pagasa na kasing ganda ng akin, pero alam ko, sa ating mga reunion, tayo ay tatanda, bilang mga Atenista.

-Jose Felix (Group4B)

#Group4B

Tapos Na Ang Laban

Ito ang araw na maaalala natin habang buhay. Anfg araw na ito ay simbolo ng pagtatagumpay sa isang mahaba at madugong labanan sa pagitan ng apat na taon. Tagumpay ito sa lahat ng pagsubok, paghihirap, at problema na dinaanan natin mula noong unang taon ng haiskul hanggang sa ika apat na taon ng haiskul.

Grabe talaga. Masyadong marami ang natutunan kong leksiyon sa apat na taon ko rito sa mataas na paaralan para sabihin ngayon. Maraming tao ang nakatulong sa paghubog ng aking pagkatao. Ang aking mga titsser, mga kaklase, mga matatalik na kaibigan, lahat kayo ang kamay na naghubog sa aking pagkatao. salamat talaga.

Natutunan ko ang pagiging masipag at matiyagang estyudyante. Tuwing may gawaing bahay o takdang aralin, ginagawa ko ito nang buong puso. Siyempre, may mga pagkakataon na ang pakiramdam ko hindi ko na kayang tapusin ang bundok ng takdang aralin na nasa harapan ko. Dito ko natutunan ang mahalagang araln ng pagsisikap at pagharap sa pagsubok.

Sabay-sabay tayong nag-aral, nagsikap, nagdurusa, at nagtawanan. Ngayon, ito na ang ating pagkakataong lumipad. Ito ang araw kung saan lilipad na ang mga pinagsikapang ibon. Dito natin ibubuka ang ating mga pakpak ; mga pakpak na lumakas at tumibay dulot ng maraming pagsubok at paghihirap.

Ang buhay ay isang paglalakbay. Ngayon, patungo na tayo sa masayang at bagong daan ng kolehiyo.

-Lupo Basilio (Group4B)

#Group4B