Apr 23, 2018
Ŝerceto 0008
Mastrumistino Klara humile iris al sia dunganto, Sinjorino Riĉegul, kaj petis pli altan salajron.
“Nu,” diris la domestrino, “kial ajn vi kredus ke vi meritas plialtigon?”
“Via Moŝta Gracatino, oni diras, ke mi purigas pli bone ol eĉ Vi.”
“Impertinentulino! Kiu estas tiuj ‘oni’?”
“Via Elstarega Edzo, Sinjorego Riĉegul.”
“Ho!”
“Kaj oni diras, ke mi kuiras pli bone ol eĉ Vi.”
“Senhontulino! Kiu diris tion ĉi?”
“Via Elstarega Edzo, ankaŭe.”
“Ha!”
“Kaj oni diras, ke mi seksumas pli bone ol eĉ Vi.”
“Insolentulino! Ĉu estis ankaŭ mia edzo kiu diris tion?”
“Ne, Via Moŝta Brilegulino, temis pri la ŝoforo...”
“Kiom vi diris ke vi volis?”
