أكثر علاقة حركت مشاعرك بأنمي تابعتيه؟ سواء رومانسيه/أخويه/عائلية/صداقة .. أياً يكن؟
أهلاً ياسُكّر ❤︎
بما إني مشتهية أقرق فبذكر علاقة من كل نوع وتحملي 🌚😂
علاقات الكوبل الرومانسية للأمانة ماحبها كثير غالباً فيها ملاغه ماتعجبني 😂 لكن وحده اللي تحضرني حالياً و فعلاً مستلطفتها جداً
إيواي و كانوكو من Usotoki Rhetoric .. لسى المانجا باقي لها ٣ فصول وتنتهي فما أدري إيش يصير بس للآن لطيفين ق١
عائلية / أخوية أكثر علاقة أحبها و أقدسها بس للآسف مافي تركيز كبير عليها مثل غيرها ..
مادوكا و شوهيرو من شونين مايد ، على عباطة بعض الأشياء بالأنمي لكن علاقتهم مع تباين الشخصيتين هي اللي خلتني أكمل الأنمي و أستمتع فيه ❤︎
تمنيت علاقة جورو و شيغينو يتعمق فيها الكاتب بتكون الأجمل 🥺💔
علاقة خادم سيد / معلم تلميذ من العلاقات المفضلة جداً عندي خصوصا لو كانت أعمق وصارت زي الأخوة أو الصداقة .. أكثر وحده فعلاً حركت مشاعري كثير حبايبي 🤭
جيل و أوز خصوصاً بالأحداث الأخيرة 😢💜
طبعاً كان ممكن تكون جينتوكي و شويو سينسي بس للآسف غوريلا خربها بدل مايقويها 😕 << للآن بخاطرها تحلطم 🌚
صداقة فيه كم وحده لكن مستحيل أتعدى هذي
دازاي و أوداساكو ، مع إن دازاي شخصية مو محببة عندي لكن علاقته بأوداساكو و كلامه الأخير و كيف تغيرت حياته شيء كبير بالنسبة لي خصوصاً إن هالظهور كله ما يجي كم حلقة بسيطة 💔
لو بضطر أحدد وحده بس ، بتكون الأخيره و إن كنت محتارة بينها و اللي فوقها لكن قوة نهايتها و أثرها يغلب 💜
وبس 🌚
