AaN56

أحب الأنقياء و أرجو أن أكون منهم فـ ياربِّ اقبضني إليك بقلبٍ أبيض ❤ \\\ ISFJ ❤ \\\ لا أتبع أحد إلا حين يلتزم بوضع التاق في البوست , وذلك تلافياً لأي حرق ❤ \\\ حسابي في التويتر : AaN56@Haifa560 \\\ : حسابي السابق http://aan101.tumblr.com/

[serenity-islam]

[aan56]

صلاة الضحى 🩵

سبحانك اللهم وبحمدك أشهد أن لا إله إلا أنت أستغفرك وأتوب إليك

[aan56]

‏تأمَّل.. كيف جمع الله تعالى بين إجابة المضطر، وكشف الضُّر، وخلافة الأرض في آية واحدة !

‏فهل بعد هذا ييئسُ مضطرٌّ أو مذنب تائب؟

‏ لو تذكَّر الإنسان وتدبَّر تلك الحقائقَ لبقيَ موصولًا بالله تعالى صلةَ الفطرة الأولى ولما كان عنه غافلاً ولا به مشركاً

‏- تفسير البغوي

[aan56]

تابعتي افلام هنتر 😶

ما أشوف أفلام الا نادراً أو اللي أشرف عليها المؤلف ..

بس شفت الفيلم اللي فيه هيسوكا متسلطن❤️‍🔥 والرسم كان حلو ..

أحييه ❤️‍🔥 للفن و الإبداع والفلسفة ناس

يعني تفضل .. الرشاقة والأناقة ❤️‍🔥

أفهمك يا الأشقر لما تعصب .. مب على كيفك تعطي هالنظرة وتظن انك بتمشي ❤️‍🔥

أكثر واحد كان مبسوط بهالفيلم هو هيسوكا ههههههه تحققت أحلامه ههههههه

آخر وحدة .. 😁😋

اكتشفت اني اشتقت له الوصخ😞 .. بس مو بالمانجا .. بالانمي .. مع تحريك مادهاوس و صوت ناميكاوا🔥

,

الفيلم الآخر أتذكر كان رسمه سيء فما شفته خخخخخ

و أظن حتى حضور هيسوكا فيه مو ذاك الزود ..

[aan56]

شفتي تحديث تويتر التعبان 🙄 هذا التطبيق الوحيد بالعالم اللي يحدث عشان يغث المستخدمين مو طبيعي

ههههههههههههههههههههههههههههههههههههههههههه

ليت عملية التطفيش ذي صارت أيام المنتديات .. عشان يتركونه الناس ويرجعون للمنتديات

>للحين حاقدة عليه انه بسببه انتهى زمن المنتديات

[aan56]

اما طلعتي من محبين الكاريبي ما تخيلت ولا واحد بالمية 🤣 اذا ودك تسولفين وش اللي جذبك فيه تحديدا وحسيتيه خرافي؟ انطباعي عنه مره عادي وما فهمت الشهره لما تابعته قبل

اوووه .. جاك سبارو من أكثر الشخصيات الأجنبية اللي حبيتها بالمتوسط .. حتى مسوية له تاق بحسابي القديم ههههههههه

و جوني ديب .. أول ممثل أمريكي عرفت اسمه هههههه ومايحتاج أقول اني كنت متعاطفة معه بمشكلته مع طليقته ههههههه

أصلاً بسبب تجربتي مع جاك سبارو و جوني ديب آمنت انه مو من صالحي أتابع أفلام ..

كني بي آخر عمري أتتبّع أعمال واحد امريكي ساقط .. ومع الوقت أتقبل خياس مجتمعهم القذر ..

نرجع لـ جاك ..

للحين أشوفه من الشخصيات الأيقونية الجميلة في زمانه ,.. يمكن الحين يكون عادي لتكرر هالنوعية من الكراكترات.. اللي يجيك رمادي .. مو واضح هدفه .. خير والا شر .. تصفينه مع الأشرار بس تحسين فيه طينة طيبة .. ومرات تحسينه من أخبث خلق الله ..ومرات من أدلخ خلق الله هههههه

والحلو دامج كل هالحوسة بالشخصية مع روح كوميدية لعّابة .. مو الممل الكريه أو النكدي ..

.

.

إن كان فيه شخصية بالدراما العربية تذكرني فيه فهو الادعشري .. مع بعض الفوارق الدرامية .. أحب لما الشخصية تجمع التناقضات بس بطريقة معقولة (فيس يشوف فيرموث) .. و لما تبين ان أساسها طيب .. مهما كانت حقيرة ببعض التصرفات .. بس ضرورة وجود اللمسة الكوميدية

,

بالنسبة للكاريبي وفتنتي فيه .. زي ماقلت لك.. كانت أول تجربة لي بالسينما ..

هذي لحالها تكفي انها تخلي الفيلم يبقى ببالك و يكون له مكانة خاصة عندك ..

فما بالك لما يكون فيلم من الأساس رهيب ؟؟

ترى اخترناه بالصدفة.. ولا ندري وش السالفة .. كذا حسيناه جيد ههههههه

وسبحان الله طحنا بالفيلم اللي كسر الدنيا بهالسنة ههههههههههههههههه

[aan56]

ايش في قنوات يوتيوب تشوفيها غير فالكونز

ماعندي قنوات ثابتة للمتابعة.. هي طواري ..

كل سنتين تلقيني طافّة بقنوات ..

قبل كم سنة طحت بحلقات الصندوق الأسود .. تحديداً لقاء فائق الشيخ علي و الكندري و الأمير تركي الفيصل و جاسم العون .. وطبعاً ما يهون النفيسي ولو ان ما تعجبني بعض آراؤه.. بس لقاؤه كان ممتع > ياما طلعوا ع هاللقاء رياكشنات أيام كورونا ههههههههههه اظن هذي أجمل الحلقات اللي انعرضت لهالبرنامج ..

حالياً أشوف مقتطفات من لقاء جديد مع الشريان .. ماش .. ما أعجبني ..

وقبلها بكم سنة ..طحت بمقاطع تتكلم عن تاريخ العراق الحديث هههههههههه مدري وش المسكة .؟ههههه بس والله يا تاريخهم أكشن ومصايب ..وأعجب رئيس مرّ عليهم وحبيته مررة .. واحد اسمه عبدالرحمن عارف.. كان ضعيف سياسياً .. بس الفارق فيه انه كان حبيب و مسالم لدرجة انه زار مناطق الأكراد في فترة سلام وصلح بينهم . حكمهم سنتين بس .. وما تم بعهده أي إعدام سياسي ... بس أزالوه من الحكم .. فرّطوا فيه الأغبياء ..الا يبون واحد يدعسهم .. لكن سبحان الله .. هو الوحيد من حكامهم اللي مات ميتة طبيعية بدون قتل و إعدام ومصخرة

ماعلينا ...

حالياً أتابع اليوتيوب عشان أضحك وبس ..

فـ عندي فالكونز ..

من تالي تعجبني مقاطع شونق .. بس بشرط يكون معه رايد هههههه

باري تيوب من 2017 أتابعه .. ما أفوّت أي مقطع له .. تعجبني عقليته مع الكوميديا .. عندي تحفظ على بعض فيديوهاته ان فيها أحياناً مقاطع فيها نساء بدون تغبيش

فيه بنت عراقية تجوز لي.. تقول قصص جرائم وقضايا ..اسمها ضحى .. ممتعة مقاطعها وسردها جيد وتجميعها للمعلومات رهيب ما شاء الله .. وأحياناً تضحكني .. خاصة إذا المقطع يتكلم عن الماضي الأسود لأحد المشاهير ..رياكشناتها تضحك خخخ.. لكن عندي تحفظ على شيئين .. الأول : بعض الصور و المقاطع اللي ترافق فيديواتها يكون فيها نساء غير محتشمات ....الثاني : حقانية في حكمها لكثير من القضايا.. عاطفتها النسوية غالبة .. بحجة ان النساء في الكون مغلوب ع أمرهم .. صحيح كلامها بس ما يعني اني ما أكون مع الحق ..

فيه مقاطع عبدالله القحطاني .. يعجبني توجهه وعقليته .. واسلوبه يضحك بعد ههههه

وبس ..

[aan56]

أعلَم ..أن المحن كثيرة مع سهولة الحرام وانتشار الاختلاط و الدواعي الشيطانية الكثيرة المحيطة..

أعلَم ..أن النفس تحب أن تشبع حاجتها ولو دون وعي..

لكن صدقيني.. هناك أنسُ بالله ولذّة بقربه تعوّض كل ذلك..

واستحضري حديث رسول الله: "من ترك شيئاً لله عوّضه الله خيراً منه"

[aan56]

ملاحظة بس الانون قالت افلام انميشن قصدها رسوم متحركه 😝

هههههههههههههههههههههههههههه وراي ما انتبهت 😭😭😭؟؟؟؟

المشكلة قبل هالآسك فيه أكثر من آسك يسولف معي عن أفلام أنيميشن أجنبية .. للحين ما جاوبت عليها ..

يعني المفروض ع طول يشبك معي ان السؤال عن فيلم أنيميشن ..

ليش ما انتبهت ؟؟ هههههه

آآخ .. معليش أيها الأنون امسحها بوجه جيريمجو اللي طلع بالشارة اليوم 🥰

[privarot]

fuuuuck hello gorgeous…………

yeah this may pull me out of my writer’s block 😵‍💫

[aan56]

يالبيه بسسس ..😭😭🩵🩵🩵

[smol-ackerman]

GRIMMJOW

BLEACH (Cour 4) INTRO:

I-BULL by jo0ji

[aan56]

ليش محد بارك لي بعودة الغالي من جديد ؟ 😭🩵🩵🩵🩵🩵🩵

[aan56]

ههههه انا بعد شفت المقطع لزوجه ابوه وهي خايفه عليه وفكرت اسألك

هههههههههههههههههههههههههههههههههههههههههههههههههههههههههههههههههههه

هذي ما يبي لها يمه ... هذي يوه هههههههههههههههههه

ملاحظة لغير المتحدثين باللهجة النجدية :

يوه .. هو اسلوب المخاطبة للجدة أو الأم الكبيرة عند بعض أهل نجد

[aan56]

تتابعين افلام انميشن اجنبية؟ وش فلمك المفضل؟

ما أتابع ..

لو كنت أتابع أفلام أجنبية كان ما استمريت بمتابعة الانمي ..

ولو حصل واضطريت أتابع .. فأميل للأفلام اللي تتكلم عن قصة حقيقية

,

الفيلم الوحيد اللي عشقته من قلب هو قراصنة الكاريبي .. شفته بالسينما قبل يضرب و يصير له أجزاء .. وكانت أول تجربة لي بحياتي في السينما.. وطحت بالصدفة ع هالفيلم الخرافي اللي حقّق صيت مو طبيعي .. فلكم أن تتخيلوا الانبهار الجنوني اللي أصابني ههههههههههههههه

قعدت شهور أهذري فيه عند بنت خالتي هههههههه

[aan56]

تابعتي بوجي

يمه !

كيف عرفت اني أفكر فيه هاليومين ؟؟

يب تابعته وقت نزوله .. بس غلطتي اني تابعته دفعة وحدة .. أحسه ما يصلح الا اسبوعي ..

+

كان مزاجي سيء وقتها .. فـ ما مسكت خط معه ..

مليت بمنتصف الحلقات و وقفته .. أظن عند الجزئية اللي انحبس فيها اخوه بمكان مظلم..

.

بس هاليومين طلع لي بالتويتر مقطع لزوجة أبوه وكانت خايفة عليه ومدري ايش .. و أحس يسسس ✨ وجدت الدافع لإعطائه فرصة أخرى .. ✨

بس حالياً غير متاح .. عندي كثير انيميات اولى بالمتابعة 😁

[aan56]

طبيعي يغثني ما باقي شخصية ما طبلت له ومدحت ذكاءه الاسطوري وانه واو وهذا املنا وهو الصدق ما يستاهل ولا فيه ذرة تميز بس المخرج عاوز كذه يعني حتى حب آني له ما اشوفه مقنع حرفيا مافي اي سبب يخيلها تنهوس فيه من بين الجميع ايش في جذبها رجولته ولا قوتة ولا انقاذاته وفضله عليها؟؟؟ نقول كان يكلمها اوكي مو شيء مميز البنت هذيك كانت تكلمها وهو اصلا السبب انها انحبست اساسا يعني المفروض تكرهه 🤣 الزبدة ارمين بالنسبة لي تقريبا نفس ساسكي بالنسبه لك شخصية مخربة العمل ومطيحة حظ الشخصيات اللي تحتك فيها 🤣

اهاااااااا..

أجل تقولين زي التيس بالنسبة لي....

اووو ككككيييي ...

[aan56]

انا احس اني طول عمري في قوقعة الراحه حقتي فما تعرضت لاشتباكات ومواقف كثيره في حياتي ودايما احرص ابتعد عن الخلافات بس المشكله الحين توظفت في بيئة نسائية وفي هالبيئة حتى لو انتي ساكته وفي حالك لازم المشاكل تجي لعند رجلك 🙃 اكتشفت اني ما اعرف ارد بنفس لحظه الانفعال.. تجيني لحظه تجمد وصدمه اذا صار موقف يمسني.. شلون اغير هذا الشيء؟ صارلي ٥ سنين موظفة وللحين نفس ردات الفعل الغبية.. ما عندي القلب ارد بنفس النبره والحركات

مثال وحده انفعلت علي بدون سبب رفعت صوتها واحرجتني قدام زميلة ورديت عليها بنبره مزاح ( شفيك معصبه ) وهدأت فوراً وحاولت تلطف الجو.. ردة فعلي الاولى دايما في اي موقف اني اكون هادية عشان لا يكبر الموضوع وفي كل مره اتضايق جدا لاني ألطف على حساب نفسي والموضوع يعدي بسرعه بدون مشكله.. دايما اتضايق لعدة ايام لان احس ما حميت او دافعت عن نفسي كويس.. ما ابي الطف الجو واعدي الموضوع ابي اي احد يكلمني بنبرة معينه تكون عندي بديهه ارد عليه بنفس النبرة واخذ حقي حتى لو صارت مشكلة بس شلون.. مشكلة مخي انه تعود على دائرة الرائحه واي افتعال ردة الفعل تكون فورا طبطبة وهذي المواقف تظل مره بنفسي لاني افكر ياليتني قلت كذا وسويت كذا.. بعد كل موقف اقول خلاص عاد اذا صار لي شيء مره ثانيه ما راح اكون لطيفة وبعدها ولا كأني وعدت نفسي بشيء مخي يصر يمنعي انفعل او اهزئ.. صح اني لو انفعلت مقابلة للانفعال راح يصير خلاف وتوتر في بيئة العمل ويمكن اكره الدوام بس عالاقل بكون مرتاحه اني رديت اعتباري… مو الطف وامشي والعلاقة تظل ودودة وهادية في العمل وانا من داخلي محترقة من موقف صارله فترة.. انصحونا

هلابك ..🩵🩵

تسمحين أضربك .؟

ههههههههههههههههههههههههههه

ياخية حرام عليك .. فيه ناس تتمنى الهدوء والراحة النفسية اللي أنتِ عايشتها ..

احمدي ربك مليون مرة ع هالطبع اللي فيك .. كره المشاكل و الوضع المتوتر و القدرة على لملمة الموضوع بسرعة .. هذي قدرة خارقة يتمناها كثير ..

أنتِ تذكريني كثير بنفسي ..

لحد يفهم اني قاعده أمدح نفسي .. لان أختنا الأنون تشوف انه طبع مو حلو .. بينما أنا أحبه ..

محد و ابن أمه اللي يقدر يفتعل مشكلة طويلة بيني وبينه .. مستحيل

لاني مثلك .. ألملم الموضوع قبل يكبر .. و أتغابى .. أسوي نفسي ما فهمت وش يقصد ..

أيام الدوام.. كان فيه بنت سوسة .. من برا تبين انها طيبة وعسل و ناضجة .. ومن داخل مريضة و حقود ... والله انها افتعلت مشاكل مع كل الموظفات .. حتى وصلت لمديرة القسم النسائي .. حتى للمدير بالقسم الرجالي ... لا لا .. وصلت حتى لزوجة المدير خخخخخخخخخ تخيلي لأي مرحلة من الشر وصلت ...

وأنا ما قدرت عليّ .. وبالعكس .. هي اللي تحمست تسوي حفلة لي بالدوام بمناسبة زواجي .. 😁

لاني ببساطة كنت أتغابى على حركاتها و أسوي نفسي ما فهمت ولا شفت ..

حاولت مرة تفتعل معي مشكلة بيوم من الأيام .. و جاية تتشكى من مهمة سويتها .. تقول المفروض مو أنتِ اللي تسوينها .. أنا اللي أسويها .. مع ان المهمة ذي مو مخصصة لأحد .. شغلنا بذاك الدوام كان حبّي وكل وحدة تعاون الثانية .. وأنا كنت أكثر وحدة أتولى هالمهمة أصلاً قبل ما تتوظف هالموظفة .. ولما جتنا هالموظفة .. حصل انها هي أكثر وحدة تسويها .. لكن المهمة حرفياً مو لها بالاسم .. فهي جتني متشرهة و منتفخ وجهها ليش سويتيها اليوم ؟؟ هذي شغلتي أنا ... خايفة أسرق منها المهام اللي تتفاخر فيها عند الإدارة .. شايفة عقليتها طفولية لأي حد ؟؟؟ المشكلة انها أكبر مني بعشر سنين ..

عطيتها وضعية الغبية اللي ما فهمت وش تبي .. وليش هي متضايقة.. وقلت لها وأنا أكتب تقاريري.. روحي للمديرة شوفي يمكن تساعدك 😁

أتخيل بس لو قعدت أتناقر معها وأقول أنتِ بزر ؟ مين قال لك ان الشغلة لك أصلاً ؟ تراها لي إذا بنجي ع الأسبقية .. الخ

كان كبرت المشكلة وتصعّدت وصار فيه تحديد وظيفة كل موظفة بالضبط و يالله كل موظفة تكتب مهامها وووالخ ..

في الوقت اللي المفروض أكون أتقهوى فيه وأتناقش مع البنات بالتمبلر ليش شبّكت هايبرا مع أكاي خخخخخخخخخخ

فـ نرجع مرة ثانية لك ..

أول شيء .. احمدي ربك انك نشأتِ في بيئة هادية , طيبة , صحية .. وبعيدة عن المشاكل و لا قد قابلتِ بحياتك ناس مرضى .. أفضل من انك تطلعين قوية ولسانك حريقة .. بسبب انك نشأتِ ببيئة قاسية و مريتِ بتجارب خذلان و غدر .. أنتِ ربي يحبك ان شاء الله ويبارك بخطاك و كان حاميك من شياطين الانس طول حياتك .. فـ افتخري بقلبك الطيب النقي اللي ما يستوعب شرور الناس .. افرحي ان حياتك ما تلوّثت بأشخاص مختلين يكدرون صفو حياتك ... افرحي انك انسانة ما تطبّعتِ على أذية الآخرين ..

والنبي عليه السلام لما سئل أي الناس أفضل .. قال : كل مخموم القلب صدوق اللسان .. قالوا: صدوق اللسان نعرفه .. فما مخموم القلب ..قال : هو النَّقِيُّ التَّقِيُّ، لا إثمَ فيه، ولا بغيَ، ولا غلَّ، ولا حسدَ

فاشكري ربك انه هيأ قلبك بدون تعب ولا جهد انه يكون كذا ..

ثاني شيء .. مين قال لك انك إذا رديتِ بترتاحين .؟ خاصة انه ع حسب قولك ان البيئة من الأساس سامة ومليانة مشاكل .. يعني تبين كل يوم مشكلة مع وحدة ؟؟؟ وجو متوتر و مشحون ..ونفسية تعبانة ..وبالعكس الناس اللي مثلك لما تتكلم كلام سيء وترد ع الناس .. ما ترتاح هههههههههههههههه إذا رجعت للبيت تقعد تلوم نفسها .. هل زوّدت العيار ؟؟ أحس اني جرحتها ؟؟ كأني كبرت الموضوع ؟؟ ليتني ما تكلمت ... الخ ..

فإذا تتوقعين انك بترتاحين إذا تكلمتِ وافتعلتِ مشكلة ..أنتِ غلطانة .. والسياسة اللي تسوينها مع البنات هي الأفضل خاصة انها بيئة سيئة .. ما ينفع معهم الا كذا .. نظام ابعد عن الشر و غنيلوو

ثالث شيء .. أعرف انه شعور سيء لما تحسين انك مو قادرة تجمعين الرد المناسب .. أو تحسين جسمك بدأ يرتجف على مشكلة تافهة .. تقولين بنفسك أنا ضعيفة بمواقف زي كذا .. وش باسوي بمواقف صعبة ؟؟ ... يب يب أنا أفكر هالتفكير .. بس أحياناً أفكر من جهة ثانية .. مين قال اني ماراح أكون صامدة بالمواقف القوية ؟؟ ليش أحرص اني أختبر نفسي عليها ؟؟ أجيب لنفسي الغثاء بس عشان أختبر نفسي للمستقبل ؟؟؟ ليش أفكّر بشيء ما صار ؟؟؟ ياما و ياما شلنا هم على أشياء توقعناها مستحيلة علينا .. آخرتها طلعت مثل شربة الموية علينا .. وسبحان الله إذا احتسبتِ عند الله هالصفة فيك .. بإذن الله ماراح يضيعك .. وماراح يخذلك بهالمواقف ..

أتذكر لما نويت للاستقالة خلاص .. قلت باحاول تجربة أخيرة مع مدير الاتش آر .. انه يوظفني عن بُعد .. يعني عن قولة اني جربت كل الطرق قبل الاستقالة .. وخليني أحكيك عن هالآدمي .. هو مدير الاتش آر و نائب المدير التنفيذي للشركة و من أسوأ الناس خلقاً بالدوام 😬 وكلن يتشكى منه ومن أخلاقه .. لدرجة سمعت ان بنت طلعت من مكتبه مرة وهي دمعتها بخدها من سوء أخلاقه .. المهم رتبت معاه لقاء ..واضطريت أداوم حول اسبوع عشان أقابله وأسمع رده .. من الآخر عطلني عشان أقابله .. مع انه كان قادر يجاوب عليّ بالايميل .. لاني أرسلت للمدير التنفيذي طلبي.. وهو اللي حولني عليه .. يعني هو عارف وشو طلبي .. وقبل ما يكون طلبي .. هو طلب المدير التنفيذي أصلاً ..قال الموضوع عندك .. عطها الجواب ... المهم .. دخلت عليه وكان سيء و قبيح معي .. ماراح أقول التفاصيل .. قال لي عشان كذا معطلتني ؟؟ توقعت عندك موضوع أهم ؟؟ كذا بكل غرور يتكلم معي .. طيب عادي تقدر ترفض بدون الرد المعفن ذا .. وأنت أساساً عارف موضوعي مسبقاً .. يومنه تافه عندك .. كان رديت بالايميل وبس ... حتى أنا تعطلت .. تحسب بس أنت اللي عندك حياة ؟؟؟

جيت باتكلم .. قال لا تتكلمين .. توي ما خلصت .. موضوعك انسيه .. بس فيه كلام مهم أبغى أقوله كنصيحة لك في حياتك المهنية ..تبين تسمعينه ؟

قلت : لا

وطلعت من مكتبه ..

ههههههههههههههههههههههههههههههههههههههههههههههههههههههه

والله ثم والله ثم والله .. انه ما كان قصدي اني أرد عليه رد شين أو أسكته .. بس اشوف انه خيّرني وقال تبين تسمعين ؟ وأنا اخترت اني مابي أسمع ههههههه وين المشكلة ؟ هههههههههههههه

وكل من قلت له الموقف من الموظفات انهبلوا ههههههههههههههههههههه كيف تجرأتِ ؟؟!!!! وما لقيتِ الا فلان تنرفزينه ؟؟!!! ههههههههههههههه

وأنا الى الحين احس موقفي عادي .. وش فيكم هههههههههههه

مبين ان ردي خلاه يحترق لدرجة اني لما داومت بكرة عشان أنهي أوراقي .. لقيت بمكتبي مكالمة فائتة من سكرتير مكتبه هههههههه شكله يبي يستدعيني يبي يفضفض ههههههههههههههههههههههههههههه

اللي ابغى أقول له ..

أبداً لا تشيلين هم المواقف الصعبة وكيف بتكونين فيها .. ثقي ان ربي معك وبينصرك و بيجري الكلام اللي يحرق كبد خصمك ع لسانك ..

وتأكدي دايم .. ان ندمك على سكوتك أهوووون بكثييييير من ندمك على كلامك ..خاصة إذا كان على ناس من الأساس راعين مشاكل..

فـ تمسّكي بطبعك وحبّيه .. أنتِ عملة نادرة .. 🩵

[aan56]

‏صلاة الضحى 🩵

‏سبحانك اللهم وبحمدك أشهد أن لا إله إلا أنت أستغفرك وأتوب إليك