Discover Top Posts Tagged with #goro shigeno

وش اكثر تعابير ماتخطيتيها او تخطيتها بس كل ماتشوفينه تاثر فيك ..سواء حزينه او بلحظه ضعف، او هدوء تعابير العيون فيها تتكلم والخ او حتى تعابير بارده جامده ودنا نمتع نفسنا باللقطات الي تبرد القلب✨✨✨

هلابك

أوووه .. عاد جوّي التعابير ..

قبل أذكرهم , لابد من التنويه ان كونان و ون بيس مستحيل يكونون بهالقائمة .. لان مؤلفيهم هم الأسوأ في رسم التعابير .. يا تكون مبالغة كأنها ملامح حامد الضبعان لما يستهبل .. يا نوافير وشلالات نابعه من كل حدب وصوت

فـأول شيء نبدأ بالتعابير اللي قطّعت قلبي :

طبعاً أول تعبير يقطع القلب يخطر ببالي ع طول هو

ميتسوي لما شاف أنزاي سينسي

ما أشبع من التأمل بتفاصيله .. الشعر .. الملامح .. الدموع .. آثار الدم .. الأسنان .. و أخيراً اختيار الوضعية اللي تعبر عن حالة الشخصية وقتها … خجل على رغبة في الاختفاء على شوق على ندم على استجداء ..كأنه يقول : أنا آسف , نادم , محرج , أرجوك لا تعرف من أنا .. لا تتذكرني .. لا تنظر في وجهي😭😭💔💔💔💔💔💔💔

آوميني في هالمشاهد

رغم تحفظاتي الكثيرة على هالعمل المسخرة .. وحتى السبب في إظهار آوميني لها مو شيء يسوى .. بس يبقى كونها تطلع من آوميني اللي تعودت عنه النرجسية و شوفة النفس , فهي تكسر القلب😭💔

أتذكر بالذات تعبيره لما خسر من المباراة , كان كل الداش وقتها يبكي عليه هههههه جت عروبة @sssskk

تسأل وش السالفة ؟ ليش هو مسكين ؟ .. قلنا لها : خسر مباراة ... قالت : بس ؟ هههههههههههههههههههههه هنا أنا استحيت ع وجهي شوي واستوعبت ان هالعمل أوفر هههههههه بس ما يمنع ان هالتعابير قاتله لانها من آوميني😬

لذلك , كنت أقول عن آوميني انه ملك التعابير القاتلة > منه تبنّيته وخليته ولدي ههههه

ساكوراغي لما أصيب ... 😭💔

آآآخ هالتعبير مستحيل أنساه .. يقطع صماصيم القلب

خاصة انه هو كان حاس بألم و ماسك نفسه طول الوقت , بس من شدته هالمرة عليه , ماقدر يخفي عن وجهه ملامح الألم💔 .. لدرجة طاح بعدها و مسكه غوري ... دوروني هنا .. بكااااء ههههههههههه

جورو لما شك ان أبوه مات 😭💔.. وتذكر كلامه عن الجسد البارد لما يموت الانسان .. ومابين الكلام اللي تذكره و كلام شيغينو الهاتف عن إصابة أبوه أمس ... ومابين تفكيره في ان يلمس أبوه هل هو بارد والا لا ... تعرفين شعور لما تسوين طبخة وتاخذ وقت , ثم تتركينها ع النار وتنسينها ..ثم تتذكرينها .. وانت رايحه تفتحين الغطاء عارفه انك بتشوفين مصيبة ..وان طبختك احترقت ... هذي هي بالضبط > لا عاد توصفين 🙂

اللي ما وجعه قلبه على وجه كاتشان هنا .. حابه أقول له : راجع انسانيتك وقلبك يا عديم الرحمة والضمير و الانسانية !!! يا قليل الأدب يا كثير الملح يا رافع الضغط و خافض السكر

مستحيل أنسى دموع جينتوكي هنا 💔... الداش وقتها تحوّل حسينية ههههههههههههههه

بس لاحظوا .. انا ما حطيت لقطته لما بكى ... لا لا .. أنا وجهه هنا قبل يبكي أوجعني أكثرررر💔

وبما اني جبت طاري جينتوكي , لازم أجيب طاري فيس هيجيكاتا هنا

هيجيكاتا لما ظن ان كوندو مات

ترى اللقطة أشد من كذا .. كان فمه يرتعد زي البيبي قبل ما يبكي 😭

’’

ابتسامة كاكاشي الأخيرة لـ أوبيتو ...

واخترت كاكاشي الصغير تحديداً .. لانه لما كان صغير كان نفسية , وقليل يبتسم ..

فلما أتخيل ان كاكاشي النفسية يبتسم هالابتسامة النقية الصافية ... و لأوبيتو تحديداً ..فالأمر عنيف على قلبي ..😭💔

الخمة بالدور يا شباب .. لا للتدافع 🥲💔💔💔💔💔

هو رين بدون شيء ودك تخمينه .. كيف عاد بهاللقطة ؟؟؟ ماسك البكية ويشكر أغلى انسان بحياته .. مع ملامح فيها حب وندم و اعتذار و امتنان ....😭💔

النوع الثاني

تعابير لاتُنسى لأنها مستنكرة على الشخصية :

تعابير نيا على وجه آلين بهالمشهد🔥🔥 ... اف اف كان مشهد قشعريرة .. من بعدها وقعت أنا في الغرام ع طول❤️‍🔥

تعابير ايلومي المجنونة غير المعتادة هنا🔥 .. وبرضو وقعت في الغرام❤️‍🔥 > أنتِ على الريحة ع طول هههههههه

صرخة أكاشي هنا 🔥.. لانه أول مرة يحس انه بيخسر ..

وقتها تعاطفت معه وكل اللي بالداش جلدوني ههههههههههههههههههههه

،،

بكاء جينو هنا

رغم ان تعابيره وقتها فيها شيء غلط .. التحريك او التعابير نفسها غبية .. مدري .. بس ما يمنع ان مشهد بكاؤه هنا كسر الجمود اللي في الشخصية 👍.. وزادني حب فيه كبطل .. رغم اني أكره الأبطال الكول في الغالب

وبس والله