#kunwari deep

[akositadhana]

Masakit

Minsan ang hirap kapag yung mga kaibigan mo may mga sariling love life. Tapos ikaw, ayun food is life na lang (hahahahaha pero masakit). Yung tipong yayayain mo silang kumain pero ang kadalasang isasagot sayo "pass muna, may pinag iipunan ako para kay ganito" ganyan. Tsaka yung pag ang mga love of their life eh pina-follow mo din sa twitter, tipong puro landian na lang nila yung makikita mo sa newsfeed mo. Sarap nalang sumingit sa usapan nila at sabihing "Walang foreveeeeeeeeer!" (repeat until fade) ps. Hindi ako bitter. Gutom lang ako.

[jazonegnog]

Hala ka, sige patuloy mong baybayin ang kalangitan sa isang maliit na kahon. Patuloy mong lasapin ang pansamantalang aliw na dulot ng maingay na parihaba. Pagkatapos maupos ang pagkabagot, anong ligaya ang nadulot sa'yo nito? Nakaramdam ka ba ng kasiyahang daig pa ang nanalo ng lotto? Bagamat may impormasyong dala ito't nakatutulong sa pang-araw-araw, 'wag mong abusuhin dahil hindi sa lahat ng oras, ito'y nakakagaan. Paminsan-minsa'y nakadudulot din ito ng ikasisira mo. Magiging mababaw ka sa lahat ng bagay, at ibabase nalang ang mga gagawin sa mga nakikita mo sa isang munting parihaba.