Melokoton
Eto ay tipikal na grupo ng mga salita na pinagsama-sama para makabuo ng iisang pag-iisip na tutungo sa iisang damdamin.
Hindi ko pa rin lubos maisip kung paano tayo pinagtagpo ng tadhana. Kung paano n’ya tayo ginawang magkaibigan hanggang sa lagi nang magkausap. Iniisip ko rin ang mga gabing sinasalba mo ko mula sa kalungkutan ko. Kung paano mo sabihing tanggap mo ako kahit ano pa ‘tong nararamdaman ko.
Napakaraming salita ang naiisip ko kapag nakikita kita. Mga mata mong napakatapang, ilong mong hindi katangusan, mga labi mong parang rosas at kapag binuo ito ay parang isang tanawin na lagi kong babalik-balikan. Kung mayroong salita na magbibigay kasingkahulugan kung gaano ka ka-perpekto, sasabihin ko agad sa iyo ng harapan.
Nakakapagtaka ba kung ano ang kinalaman ng title nito? S’ya yung pinagaalayan ko nito.
