ناکام فوج بغاوت کے پیچھے یورپی یونین کا ہاتھ،ثبوت موجود ہیں،ترک مولود چاوش #aajkalpk #international #turkey #anqara #Syria #moloodChaosh تعجب ہے کہ اس ناکام فوجی بغاوت کے بعد کوئی مغربی سیاستدان ترکی کیوں نہیں آیا، مولود چاؤش اولو کی گفتگو انقرہ: ترک وزیر خارجہ مولود چاؤش اولو کا کہنا ہے کہ ترکی کو یورپی یونین کی اور یورپی یونین کو ترکی کی ضرورت ہے۔ یورپی یونین میں صرف چند ممالک ہی ترکی کی اس بلاک میں شمولیت کے خلاف ہیں۔ جرمن ریڈیو سے بات چیت میں ترک وزیر خارجہ مولود چاؤش اولو نے ترکی اور یورپی یونین کے تعلقات، شام کی خانہ جنگی اور ترکی میں2016 کی ناکام فوجی بغاوت کے علاوہ دیگر کئی اہم موضوعات پر کھل کر گفتگو کی۔ ترک وزیر خارجہ مولود چاوش نے کہا کہ ترکی میں 2016 کی ناکام فوجی بغاوت کے پیچھے کئی یورپی ممالک کا بھی ہاتھ تھاتقریبا سبھی ممالک ہی شامل تھے۔ ان کی حکومت کے پاس شواہد ہیں لیکن اس تناظر میں انہوں نے کسی ملک کا نام نہیں لیا۔ مولود چاؤش اولو نے کہاکہ انہیں تعجب ہے کہ اس ناکام فوجی بغاوت کے بعد کوئی مغربی سیاستدان ترکی کیوں نہیں آیا۔ شامی بحران پر تبصرہ کرتے ہوئے ترک وزیر خارجہ مولود چاوش کا کہنا تھا کہ شام کے مستقبل کا فیصلہ شامی عوام کو ہی کرنا چاہیے یہ شامی عوام کا استحقاق ہے کہ وہ فیصلہ کریں کہ ملک کو رہنما کون ہو گا۔ اس لیے ہمیں اس ملک کو جمہوری انتخابی عمل کے لیے تیار کرنا ہو گا۔ اس حوالے سے ترکی اپنا اہم کردار ادا کر رہا ہے۔ترک وزیر خارجہ مولود چاؤش اولو نے یہ بھی کہا کہ شام میں قیام امن کی خاطر انقرہ حکومت نے روس کے ساتھ کام کرنا بھی شروع کر دیا ہے جبکہ اس میں ایران کو بھی شامل کر لیا گیا ہے۔ ترک وزیر خارجہ مولود چاوش کا کہنا تھا کہ آپ کو یہ پسند آئے یا نہ لیکن ایران بھی اس معاملے میں ایک اہم فریق ہے۔تاہم اس تناظر میں ترک حکومت کو ایران کے ساتھ متعدد اختلافات بھی ہیں، جن میں بشار الاسد کا معاملہ بھی شامل ہے۔ مولود چاؤش اولو کا مزید کہنا تھا کہ جب کسی ملک یا شخص کے ساتھ مل کر کام کیا جاتا ہے تو لازمی نہیں کہ تمام معاملات پر ہی اتفاق کر لیا جائے۔