#morkovi

[sezahrana]

Здрав гарнир - моркови во рерна

  Состојки:

12 средно големи моркови

3 лажици маслиново масло

2 лажици ситно исечкан копар

сол по потреба

црн пипер по потреба.

  Подготовка:

Најпрво измијте ги и исчистете ги морковите, а потоа исечете ги косо на парчиња во должина од 1-2 см, соодветно на вашите желби.

Додајте го маслиновото масло, солта и црниот пипер по вкус и измешајте ги. 

Ставете ги да се печат околу 20 минути, во претходно загреана рерна на 180 степени. Готови се кога ќе поруменат и омекнат.

На крај, наросете ги со ситно сечканиот копар и сервирајте.

На здравје!

  Извор: domacica.com

    Автор:  М-р Катерина Шамбевска

            Дознајте повеќе за авторот

Авторски текст, не смее да се користи за комерцијални цели или/и реемитување

[sezahrana]

Морков - одличен сојузник на здравјето

  Досегашните истражувања потврдиле дека морковот има големи позитивни ефекти врз здравјето, како што се:

го поттикнува мокрењето

помага при оштетување на црниот дроб

превенира појава на настинки и инфекции

го зајакнува имунитетот и организмот

го подбрува видот

помага при варењето на храната

ја намалува појавата на анемија кај децета

има поволно дејство при дијареа

За да може најдобро да ги искористите хранливите состојки од морковот, се препорачува да не стружите или лупите, само темелно исплакнете го со вода и истружете го со четче, затоа што под кората се наоѓаат хранливите состојки. А за да го искористите каротенот - материја од која се синтетизира витаминот А во телото, пред да јадете моркови, изрендајте ги. Така ќе искоростите 82% од каротенот.

  Автор: М-р Марија Кочовска

Дознајте повеќе за авторот

  Авторски текст, не смее да се користи за комерцијални цели или/и реемитување

[sezahrana]

Природен еликсир за добро здравје

  Потребни состојки:

3 јаболка

2 моркови

2 помали цвекла

50 гр ѓумбир

1 лимон

2 лажици мед

  Подготовка:

Најпрво ги припремаме состојките.

Од јаболката се отстранува само средишниот дел, додека лушпата не се отстранува.

Морковите и цвеклото се чистат и се сецкаат на помали парчина, а потоа сите заедно се ставаат во соковник.

Одделно се цеди сокот од лимонот и ѓумбирот  и потоа се додаваат кон исцедената содржина од јаболка, моркови и цвекло.

Потоа целата содржина ја мешаме со лажица и на крај се додава медот.

Од оваа количина на состојки се добиваат две чаши со сок.

Овај напиток се пие на сабајле и секогаш треба да биде свежо приготвен. На здравје.

    Автор: Вики Стојановска

  Авторски текст, не смее да се користи за комерцијални цели или/и реемитување

[sezahrana]

Јадете моркови и ослабете

Морковот е растение кое води потекло од Авганистан, а со текот на времето е пренесен насекаде во светот. Може да се консумира свеж, како салата, варен или обарен, како додаток на различни супи и јадења. 

Морковот има многу малку калории, во 100 грама на моркови има само 41 kcal. Тој претставува храна која изобилува со хранливи состојки, а поради тоа тој се користи во диеталната исхрана и во исхраната кај децата. Во својот состав ги содржи витамините А, витамините од групата В и витамин С. Од минералните материи застапени се калциумот, железото, магнезиумот, фосфорот, калиумот и натриумот. Морковот ја зголемува природната одбрамбена отпорност на организмот, односно го зајакнува имунитетот. На тој начин, морковот е природен лек кој помага при многу заболувања.

Морковот е одличен извор на пектин, кој влијае врз намалување на апетитот за месо и мрсна храна. Богат е со фолна киселина која е важна за производството на хормони кои го помагаат слабеењето. 

Најдобро е морковот да се консумира во свежа состојба, неколку пати во текот на неделата. Затоа земете 200 грама на моркови, изрендајте ги, додадете неколку капки маслиново масло, јадете и слабејте. 

Но доколку сте љубител на супа од моркови, рецептот за највкусната витаминска супа од моркови ќе го најдете тука. 

Автор: М-р Марија Кочовска

Дознајте повеќе за авторот

Авторски текст, не смее да се користи за комерцијални цели или/и реемитување