#pagkamakabayan

[wikadunong-blog]

Tula ng Wika

Wikang kinasanayan, wikang kinalakihan,

Patuloy na umuunlad, kasabay ng pagbabago ng mundo.

Ito ay kinagisnan sa puso ng bawat Pilipino,

Nasa kamay nating lahat mula’t sa pon hanggang ngayon.

Bawat bukas ng bibig, iba’t ibang salita ang maririnig at sinasambit.

Wikang Filipino karaniwang ginagamit,

Saan man magpunta lagi natin itong bitbit,

Sa pamamagitan ng pagsasalin salin mula sa dila, kaunlaran nga hindi malayong makamit.

Lahat ng tula, sanaysay, maging mga talumpati,

Ang mga ito'y maaaring maging susi,

Magsisilbing katibayan,

Nagpapakita ng angking kahusayan.

Wikang Filipino , wika ng karunungan,

Bumubuo sa malaking parte ng kasaysayan,

Tayo'y hinihimok, maging huwarang kabataan,

Tungo sa magandang kinabukasan.

Sariling gawa nina Giecela Vibar at Sommer Tan

[jjjumbastard]

Patriotism

Sa tagalog, Pagkamakabayan.

Paano mo nga ba masasabing mahal mo ang sarili mong bansa? Sa paggamit ng sarili nitong wika? Sa pagsunod sa mga batas? Sa pag tangkilik sa mga sarili nating produkto?

Hindi sapat yan kung yan lang ang pagbabasihan mo. Masasabi mo bang mahal mo ang Pilipinas kung mas gugustuhin mong magbakasyon sa ibang bansa kesa dito? Tulad nitong Puerto Prinsesa Underground River, kung hindi pa ito mapapasama sa New 7 Wonders of Nature hindi natin malalaman na may mga ganito pala tayong magagandang tanawin sa Pilipinas. Meron tayong Chocolate Hills sa Bohol, Hundred Islands sa Pangasinan, Fort Santiago sa Maynila at marami pang iba na halos hindi na nabibisita. Ang mas nakakalungkot pa, mas binibigyan na ng prioridad ang mga foreigners kesa mga local tourist.

Sa twing pinapatugtog ang Lupang Hinirang sa mga eskwelahan, sinehan, malls, sa mga programs at mga okasyon, bibihira ka nalang makakakita ng buong pusong umaawit nito. Yung iba nakatayo nalang, naghihintay na matapos ang kanta at parang napipilitan nalang. Yung iba pa nga imbis na Lupang Hinirang, Bayang Magiliw ang tawag. Sa eskwelahan, ikinakahiya pa ang pagsayaw ng mga folk dance. Yung mga singers at composers ngayon imbes na gumawa ng mga orihinal na kanta, nirerevive nalang ang mga lumang kanta, mga foreign songs pa. Sino pa kaya dito ang kabisado ang Panatang Makabayan at Panunumpa sa Watawat ng Pilipinas?

Kaya kulang na kulang kung sasabihin mong "Mahal ko ang bayan ko" nang wala ka namang ginagawa at naibabahagi. Hindi porket nakatira ka sa Pilipinas at mas pinili mong mamalagi kesa mag-OFW ay mahal mo na ito. Dapat pinapakita ito, pinapadama. Para saan pa ang pagbubuwis ng buhay ng mga bayani natin para sa bansang Pilipinas kung hindi rin natin ito pahahalagahan at babaliwalain lang natin? Dapat buong puso at may pagmamalaking natin sabihing mahal natin ang bayan natin.

:)

[gspinoy-blog]

Dagliang Pagsulat sa Pagkamakabayan

Narito ang ilan sa mga dagliang pagsulat ng mga mag-aaral sa ika-7 baitang tungkol sa pagkamakabayan. Ginawa nila ito matapos panoorin ang isang video ng Panatang Makabayan at talakayin ang bawat linya nito.

Dustin Lim 7D - Pwede akong mag-recycle ng basura. Ito ang panata ko.

Spencer Keh 7B - Itatapon ko nang maayos ang basura ko dahil mahal ko ang Pilipinas.

Martin Uy 7B - Seryoso, taos-puso at buong pagmamalaki ang pagbigkas ng Panatang Makabayan.

Ryan Dieza 7B - Ako ay nangangakong habambuhay na mamahalin ang Pilipinas.

Jarred Go 7B - Hindi ko kailanman ikahihiya ang bansang Pilipinas!

Jordan Jacinto 7D - Bibigkasin ko ang Panatang Makabayan nang may pagmamalaki.

Mabuhay kayo, mga ginoo, at nawa ay ipagpatuloy ninyo ang pagsasabuhay ng mga pangakong nakapaloob sa Panata.