GS Pinoy @gspinoy-blog - Tumblr Blog

Pinoy Lab (Setyembre 22, 2011)

iPad POP TEN 1. Hatiin ang club sa dalawang grupo. a. grupo blg. 1 : GURO b. grupo. blg. 2: MAG-AARAL 2. Gamit ang internet, magsaliksik tungkol sa 10 pinakamagandang iPad app na ginagamit ngayon. Siguraduhing alamin kung para saan, paano gamitin, at kung kailangang bilhin o libre lang ang mga ito. 3. Ibahagi sa club ang nakuhang impormasyon at pumili ng 10 Best iPad apps para sa inyo (bawat grupo). Ilista ito mula 1-10, kung saan nasa unang bilang ang pinakamaganda. 4. Kopyahin ang listahan ng (na tatawaging) iPAD POP TEN. 5. Base sa nakatakdang grupo - 1. guro at 2. mag-aaral, maghanap ng 5 tao na tatanungin kung alin sa mga iPad apps na nasa listahan ang kanilang ginagamit, o kung hindi pa man nagagamit ay gusto nilang gamitin. Tiyaking ipakita sa taong tinatanong ang impormasyong nakuha tungkol sa app, lalo na kung wala siyang ideya tungkol dito. 6. Ihanda ang nakalap na survey para sa gawain sa susunod na Huwebes.

Pinoy Lab (Setyembre 1, 2011)

Magandang hapon!

Iisa pa lamang na grupo ang nakapag-email sa akin ng kanilang listahan ng miyembro at mga papel na gagampanan para sa gawain.

Ilang paalala lamang tungkol sa gagawin natin radio program:

- pumili ng isang guro o staff sa paaralan para sa interview

- siguraduhing handa ang grupo (partikular na sa iskrip at gagamiting sound recorder) bago imbitahin ang guro

- ipasuri muna sa akin ang inyong iskrip bago magpatuloy sa recording

*ang mga grupo lamang na nakatapos sa iskrip ang maaaring mag-interview

*ang mga grupo lamang na nakatapos nang mag-interview ang maaaring gumamit ng Garageband para sa editing.

Salamat at nawa'y makabuo kayo ng isang kasiya-siya at makabuluhang programang pangradyo.

Maaaring basahin ang ilang sanggunian na nasa ibaba bago magpatuloy sa gawain: http://www.rfi.fr/talentplusen/articles/066/article_129.asp

http://nsac.ca/marketing/services/giving_radio.asp

http://www.associatedcontent.com/article/986528/how_to_conduct_a_good_radio_interview.html

Pinoy Lab (Agosto 25, 2011)

Hi! Kumusta kayo?

Para sa araw na ito, bumuo ng isang grupo na may 7 miyembro gamit ang sound recorder.

GOAL - Makapagrecord ng isang maikling programang pangradyo (3-5 minuto).

ROLE - Kayo ay mga miyembro ng isang production team ng isang istasyon ng radyo. Pumili ng isang lider at tukuyin ang papel ng bawat miyembro. Ilan sa inyo ay maaaring gumanap bilang DJ/radio announcer/host (isa o dalawa). Ang iba naman ay maaaring maging direktor, script writer, production assistants, at audio editor.

AUDIENCE - Ang lahat ng tagapakinig ng iyong radio program.

SITUATION - Inatasan kayo ng inyong producer na mag-interview ng isang guro o mag-aaral sa inyong paaralan upang ipakilala siya sa lahat ng tagapakinig. Alamin (magresearch) tungkol sa kanyang buhay at maghanda ng isang script kung paano ninyo siya ipapakilala sa mga tagapakinig.

PRODUCT - Isang programang pangradyo na nasa wikang Filipino na nakarecord sa format na .mp3.

STANDARD - paggamit ng wikang Filipino (tamang pagbigkas, magagalang na pananalita); linaw at daloy ng usapan;

*Applications>Sound&Video>Sound Recorder

*I-email sa guro ang listahan ng mga miyembro at mga papel na gagampanan sa gawain. ([email protected])

*Maaaring mag-imbita ng mga guro, librarian, guidance counselor, at mga mag-aaral na libre ang oras. Iyon lamang mga papayag na sumama ang imbitahin sa laboratory upang magrecord.

* Tandaan na ang inyong programa ay mapapakinggan lamang ng mga manonood, kaya dapat maging malinaw at malinis ang inyong sound recording.

* Maaaring maging putol-putol ang mga audio clips. Maaari ninyong pagsama-samahin ito gamit ang GarageBand ng iPad/Macbook sa susunod na Huwebes.

*Huwag kalimutang i-upload sa Dropbox ng PinoyLab ang anumang mp3 file na matatapos ninyo para gamitin sa editing sa susunod na Huwebes. (username: [email protected], hingin ang password sa guro)

Pinoy Lab (Agosto 11, 2011)

Hi! Kumusta kayo?

Para sa araw na ito, magkakaroon tayo ng isang pagsasanay sa pagbigkas, bilang paghahanda sa ating pangkalahatang proyekto para sa club.

Bilang panimula, paki-check ang inyong computer kung maayos itong gumagana. Gayundin, tiyakin na mayroong headset at webcam na nakakabit dito.

Isa-isang lumapit sa guro upang kunin ang unang linya.

Bumalik sa inyong terminal at buksan ang Applications>Sound&Video>Sound Recorder.

Bigkasin at i-record ang linyang nakuha gamit ang application na ito nang 10 beses.

I-save ang file sa mp3 format.

Mag-login sa www.dropbox.com. Kunin sa guro ang username at password para i-upload ang mp3 file.

Kung tapos na, lumapit muli sa guro upang kunin ang ikalawang linya at ulitin ang proseso.

Salamat! :)

Isinusi ni Susan ang sisidlan ng sisiw.

Pitumpu't pitong puting pating.

Bituka, botika, butike.

Pinoy Lab 2011

1 Nicholas Co 5A

2 Jdrian Yap 5C

3 Kenric Te 5C

4 Allen Go 5F

5 Anton Alianan 5H

6 Mico Apelario Ong 5H

7 Kenshin Lei 5H

8 Gikevyn Palao 5I

9 Andrei Mui 5I

10 Jeff Ang 5I

11 Andrew Ting 5J

12 Nathan Kawpeng 5J

13 Paul Porquerino 6B

14 Luis Vida 6G

15 Aveen Sujanani 6G

16 Ian Yeung 6G

17 Robert Ang 6G

18 Jadrien Chua 7B

19 Gavin Ong 7B

20 Jonathan Angeles 7C

21 Vincent Kaw 7D

22 Mark Chua 7E

23 Lance Tiu 7F

24 Ryan Santiago 7G

25 Bryce Temew 7H

26 Eduardo Mitra 7G

27 Miles Lee 5I

28 Benjamin Martin 5D

Paunlarin ang kasanayang pasalita sa Filipino sa tulong ng PINOY LAB! - isang tech-integrated speech lab. Gamit ang GarageBand, iMovie, at iba pang apps, tuklasin ang yaman ng wika at bigyang buhay ang kulturang Pilipino! Magkita-kita tayo!

*ang larawan ng iPad2 ay mula sa www.apple.com

Personal na Panalangin

Gagamitin ng mga mag-aaral ng ika-7 baitang ang kanilang mga isinulat na personal na panalangin bilang pambungad at pangwakas na dasal sa klase.

Isang Personal na Panalangin

ni Jadrien Chua 7B

Panginoong Diyos, pinupuri Ka namin. Patawarin po Ninyo ako sa lahat ng sala na aking nagawa sa buhay ko. Salamat po sa biyayang buhay na ibinigay Ninyo sa akin. Salamat po sa biyayang makapag-aral sa isang mahusay na paaralan. Tulungan po Ninyo ako ngayong taong pampaaralan na maging mahusay sa pag-aaral. Ang lahat ng ito ay idinadalangin namin sa pangalan ni Hesus. Amen.

Isang Personal na Panalangin

ni Martin Uy 7B

Mahal na Diyos, pinupuri Ka namin. Patawarin po Ninyo kami sa mga kasalanang nagawa namin. Salamat po sa paggabay Ninyo sa amin sa araw-araw. Hinihiling po namin na pagalingin Ninyo ang mga may sakit at tulungan ang mga taong nasalanta ng bagyo. Ang lahat ng ito ay idinadalangin namin sa pangalan ni Hesus. Amen.

Isang Personal na Panalangin

ni Spencer Keh 7B

Panginoong Diyos, pinupuri Ka namin, dahil sa lahat ng magagandang bagay na ginawa Ninyo. Patawarin Ninyo po kami sa lahat ng masasamang bagay na nagawa namin. Pinasasalamatan Ka namin dahil sa bawat panahon na kinakailangan namin Kayo ay di Ninyo kami pinababayaan. Hinihiling po namin ang Inyong tulong sa lahat ng aming mga gawain sa paaralan. Ang lahat ng ito'y idinadalangin namin sa pangalan ni Hesus. Amen.

Dagliang Pagsulat sa Pagkamakabayan

Narito ang ilan sa mga dagliang pagsulat ng mga mag-aaral sa ika-7 baitang tungkol sa pagkamakabayan. Ginawa nila ito matapos panoorin ang isang video ng Panatang Makabayan at talakayin ang bawat linya nito.

Dustin Lim 7D - Pwede akong mag-recycle ng basura. Ito ang panata ko.

Spencer Keh 7B - Itatapon ko nang maayos ang basura ko dahil mahal ko ang Pilipinas.

Martin Uy 7B - Seryoso, taos-puso at buong pagmamalaki ang pagbigkas ng Panatang Makabayan.

Ryan Dieza 7B - Ako ay nangangakong habambuhay na mamahalin ang Pilipinas.

Jarred Go 7B - Hindi ko kailanman ikahihiya ang bansang Pilipinas!

Jordan Jacinto 7D - Bibigkasin ko ang Panatang Makabayan nang may pagmamalaki.

Mabuhay kayo, mga ginoo, at nawa ay ipagpatuloy ninyo ang pagsasabuhay ng mga pangakong nakapaloob sa Panata.

#Panatang Makabayan #pagkaPilipino #pagkamakabayan

Sa dagliang pagsulat, binibigyan ng kalayaan ang mag-aaral na ipahayag ang kaniyang nararamdaman o nasasaisip sa bawat punto ng talakayan at tekstong tinatalakay sa klase. Hinihikayat din siyang tukuyin ang mga paksang nakaantig sa kanya, gayundin ang mga usaping hindi niya maunawaan. Sa kasanayang ito, maaari rin siyang bumuo ng mga tanong upang mas mapalawak ang kaniyang pagkaunawa.

Music video ng Lupang Hinirang na gawa ng GMA-7.

Nakuha mula sa www.youtube.com

Ginamit sa talakayan tungkol sa kahulugan at kahalagahan ng pambansang awit.

Pagdiriwang ng ika-150 kaarawan ni Dr. Jose Rizal sa unang pulong pangkalahatan ng Mababang Paaralan ng Xavier. (Hunyo 21, 2011)

Kuha nina Scott Chua at Ethan Chua ng XS Media Team.

Pag-aalay sa Umaga

Panginoong Diyos, iniaalay namin sa Iyo

sa araw na ito ang lahat ng aming iisipin,

gagawin at sasabihin.

Punuin Mo ang aming mga puso ng biyaya,

Upang ang lahat ng aming gagawin o

hindi magagawa ay maaayon sa banal Mong kalooban.

Tulungan Mong mahalin Ka namin

nang buong puso,

nang buong kalooban,

nang buong pag-iisip at nang buong lakas.

Nawa'y maging inspirasyon namin

sa aming mga gawain

ang halimbawa ng Mahal na Birhen,

ang mapagkumbaba Mong lingkod,

at ang lahat ng mga santo

na matapat na naglilingkod sa Iyo.

Amen.

#panalangin #dasal #pagdarasal #pag-aalay sa umaga

Ang hindi magmahal sa kanyang salita, mahigit sa hayop at malansang isda, kaya marapat pagyamanin kusa, na tulad ng inang tunay na nagpala.

Sa Aking mga Kabata / Jose Rizal. http://www.joserizal.ph

#jose rizal #wikang Filipino #Filipino #jose rizal 150

ang buhay ng pambansang bayaning si Dr. Jose P. Rizal sa isang maikling animation mula sa youtube.com

#jose rizal

MGA TAKDANG PAMANTAYAN AT TUNTUNIN SA KLASE

#classroom routines #rules and regulations #takdang pamantayan #tuntunin sa klase

Minarapat na simulan ng Kagawaran ng Filipino ang taong ito sa pamamagitan ng pagtalakay sa wastong paggamit ng magagalang na ekspresyon, kaugnay ng hangarin ng Mababang Paaralan na bigyang diin ang pagiging magalang ng mga mag-aaral.

Sa taong ito, ituturing ng Kagawaran na SIKAT ang mga batang magalang - isang magandang katangiang Pilipino na bihira nang makita sa mga bata ngayon. Ang videong ito ay naglalaman ng mga mensahe ng ilan pang guro na sumusuporta sa simulaing ito.

Hangarin ng Kagawaran ng Filipino ngayong taong pampaaralang 2011-2012 na magkaroon ng mga mag-aaral na Sanay ang Isip at may Kahusayan sa Aktibong Talastasan - mga batang SIKAT!

#grade school filipino #communication arts #sining sa komunikasyon #talastasan #xavier school #paaralang xavier

Trending Blogs

Recently Viewed Blogs

GS Pinoy