#ped 196

[gianellinasis]

First month namin na mag-internship sa Halcyon. Pinag-organize kami ng files at gumawa ng database. After nito ay tumutulong kami sa crossfit at kinesis. Nag-assist kami dito sa mga coach at tinuturuan kami kung ano din ang mga pointers na pwedeng gawin sa mga clients

[gianellinasis]

It’s a wrap

Last day namin sa Ateneo. Kaya ito at nag-deliberation na kami. Dito ay na-realize ko na sobrang swerte namin na mabigyan ng ganitong pagkakataon dahil ang mga nakaraang batch na nag-internship ay sila ang naghanap ng kani-kanilang lugar ng pag-internship. Sayang lang at nahuli kami dahil sa Acad shift. Tulad ng sabi ng mga teacher doon, sana mas na-maximize namin ang aming oras at service dito. Dito din ay nagbigay ng mga advice ang mga teacher sa amin. Nakatulong ito ng malaki para mapag-isipan ko kung gusto ko ba talagang course na piliin ay BPE or BSS.

Pagtapos ng aming usapan ay nagbigay kami ng cake bilang pagpapasalamat sa mga teacher na tumulong samin. Ito din ay pagpapasalamat para sa pagbigay ng oras nila at pagbahagi ng kanilang mga kaalaman para samin. 

Naging masaya ako sa ilang linggong pagseserbisyo namin dito sa Ateneo. Mamimiss ko ang mga kakulitan ng mga bata. Mamimiss ko ang magturo at mag-observe sakanila.

[gianellinasis]

Last exam ng mga student, first exam na i-checheck ko. 

[gianellinasis]

Siguro nga ay isa sa mga pinaka-mahirap na gawin (lalo na at babae ako) ay ang magturo sa all boys school. Lalo na at sa grade school pa. Pag mas bata, mas makukulit talaga. Ang haharot nila kaya naman ay isang striktong teacher talaga ang kailangan nila. Kailangan ng matinding pag-unawa at pag intindi ng mga reklamo nila. Kailangan i-filter mo din lahat ng sumbong nila kung alin ang totoo at ang pakiramdam mo ay hindi. May iba namang pag tinatamad at ayaw mag PE ay may mga sinasabing masakit sakanila o kaya ay pag nadapa o natamaan ng bola ay lalapit sayo at magsusumbong. Pag tinanong ko kung masakit, sasabihin nila ay oo sobra. Pero pag tinanong ko kung gusto niya ba pumunta ng infirmary, ang sasabihin niya ay hindi sabay babalik ng laro at magiging okay na siya. Ayos diba? haha madami pa akong experience na talagang di ko makakalimutan sa sandaling nakapag-intern ako sa Ateneo.

[gianellinasis]

UPIS Internship! Hello sa alma mater ko. Bago yung building kaya andami ding bagong facilities gaya nalang nitong BP set na 'to. 

Nag conduct kami ng physical fitness test para sa mga faculty and staff. Okay naman siya dahil team work kami ng co-interns ko. Nakita ko na dito, tulong-tulong kami at seryoso talaga kami sa aming mga ginagawa. Friendly ang mga faculty and staff doon at nakakatuwa naman sila kausap. Masasabi ko na kumpara sa Ateneo, mas komportable ako dito kumilos dahil kilala ko ang karamihan ng faculty. Noong huling araw ko nga at nasa clinic kami, at hindi makapunta sa HS building ang nurse dahil may binabantayan siyang may lagnat sa elem, ako ang nag-asikaso sa bata. Humingi naman ako ng permiso sa department head dahil nakita ko din na busy at madaming ginagawa ang dating teacher kong ito. Pumayag naman siya at nagpasalamat, yung "Salamat Gika" na yun ay tumatak sa utak ko. Kahit maliit na bagay ang ginawa ko, natutuwa padin ako. Kung noon, kasama ako sa mga estudyanteng pinagseserbisyuhan, ngayon naman ay kasama na ako sa nagseserbisyo para sa mga students. 

[gianellinasis]

First day ng internship ko sa Ateneo. Isang grade 4 class at dalawang grade 2 class. Sobrang cute ng mga bata pero at the same time, ang kukulit talaga nila. Sobrang bibo nila at ayaw magpa-awat. Pero nakakatuwa sila panoorin. May mga nagkaka-inisan, may nagtampo, may tawa ng tawa, may basta makatakbo kung saan saan, may gustong humuli ng butterfly (ang random diba), may na-irita dahil ang iingay daw ng mga kaklase nila, at marami pang iba. Nakakapagod siya pero masaya ako. My preschool teacher dreams.