Pagkatao ko sa Pangalan ko
Misteryoso, tahimik, mahiyain at mabait ilan lamang yan sa mga katagang sinasabi nila sakin.
Kung ako'y tatanungin masasabi kong hindi ako misteryoso, dahil ako yung tipo na tao na walang tinatagong sekreto sa mga taong aking lubos na pinagkakatiwalaan; tahimik, isa sa katagang sinasabi nila nung ako'y una nilang nakita o nakilala, pero kapag ako'y lubos na nyong nakilala alam kong hindi nyo masasabi ang katagang iyan; mahiyain, oo, aaminin kong mahiyain akong tao, dahil ako yung tipo na babaeng hindi sanay makihalubilo sa mga tao; at ang isa sa huling katagang sinasabi nila sakin ay mabait, mabait ako sa mabait pero kapag naramdaman kong hindi ka rin mabait o kung sinasabi nilang "may masamang budhi" ay hindi ko mapigilan na lumabas ang isa ko pang ugali na kung minsan ay kinaiinisan ko rin.
Labing walong taong gulang; namulat sa mga istrikto ngunit mapagmahal na mga magulang; at nag-iisang anak kaya't halos saakin napupunta ang mga gawaing bahay at pag-utos sa mga bagay-bagay. Ngunit alam ko na hindi dapat ako magreklamo dahil para narin itong kabayaran sa mga paghihirap ng aking mga magulang para ako'y mapaaral lamang sa magandang paaralan.
Mahilig sa mga laro sa internet at magbasa ng mga istorya sa wattpad; ang mga ito lamang akong aking pinagkakalibangan. Maging punong tagapagluto, tagatuos o tagabilang, negosyante, istuwardes at libutin ang buong mundo. Ilan lamang iyan sa mga pangarap kong gustong abutin, ngunit habang ako'y lumalaki at nagkakaisip parang kay hirap na itong abutin.
Mula sa pangalan ng aking lola na si Maria at hango sa salitang reyna na sa ingles ay "queen" kaya nabuo ang pangalang Queenie. Maraming kaparehong tunog at kapangalan, ngunit mayroon pa rin itong pinagkaiba sa lahat, ang baybay nito. Na kung dapat ay Queenie, ay naging Quennie. Siguro nga ito lang ang pinagkaiba ko sa lahat at ang maipagmamalaki pa lamang.
Ang mapangalanang Maria Quennie Rodelas Morata. Ipinanganak para maging tunay, hindi para maging perpekto.
Maraming salamat sa inyong pagbabasa sa aking maikling kwento.
