#rabarika

[shankhnadnews]

સિહોરના રબારીકા થી તળાજા આવજા કરતી એસ. ટી. બસ સેવા ફરી શરૂ કરવા તંત્ર ઉદાસીન

પ્રથમ લોકડાઉન વખતથી બંધ કરાઈ એસટી બસ, સિહોર તળાજા આસપાસના ગામો માટે લાભદાયી બસના અભાવે મુસાફરોને હાલાકી

દેવરાજ બુધેલીયા કોરોના વાયરસના સંક્રમણને અનુલક્ષીને જાહેર કરાયેલા પ્રથમ લોકડાઉનથી બંધ કરાયેલી સિહોરના રબારીકાથી ચાલતી તળાજા વાયા બેલા, સમઢિયાળા, ટાણા અને અગીયાળી રૂટની અત્યંત મહત્વની ગણાતી એસ.ટી. બસ સેવા શરૂ કરવામાં આવે તેવી આ રૂટ પરના ગ્રામ્ય વિસ્તારોના ગ્રામજનોમાં પ્રબળ માંગ ઉઠવા પામેલ છે. ગત માર્ચ માસમાં કોરોનાના કહેરના કારણે એસ.ટી. તંત્ર દ્વારા બંધ કરાયેલી એસ.ટી. બસની એક પછી એક રૂટની સેવા શરૂ કરાઈ રહી છે. હાલમાં લગભગ મોટા શહેરો અને તાલુકા મથકોને જોડતી તમામ બસસેવા શરૂ થઈ ગઈ છે. આવા રૂટ ઉપર ભલે મુસાફરો મળે કે ન મળે પણ એસ.ટી.બસ સેવા દોડાવાય છે. જયારે ગામડાના રૂટમાં ભરપૂર ટ્રાફિક મુસાફરો મળવા છતાં એસ.ટી.બસ સેવા શરૂ કરવામાં તંત્રને રસ નથી તળાજાથી ઉપડતી સિહોરના રબારીકા બસ જે બેલા,સમઢિયાળા, દિહોર,ટાણા, અગીયાળી અને દેવગાણા વગેરે અનેક ગામોને જોડે છે. આ બસ કોરોના વાયરસના સંક્રમણને અનુલક્ષીને જાહેર કરાયેલા લોકડાઉનના પ્રથમ તબકકાથી જ બંધ છે. પરંતુ હાલમાં પણ તે બંધ જ છે. અનેક રૂટ ઉપર એસ.ટી.બસ શરૂ થવા છતાં તળાજા, રબારિકા રૂટની બસ શરૂ કરાઈ નથી. સિહોર અને તળાજાના આસપાસના અનેક ગામના અસંખ્ય ગ્રામજનો માટે અત્યંત લાભદાયી એવી આ બસ જો તંત્રવાહકો દ્વારા ફરી શરૂ કરાય તો સામાન્ય અને ગરીબ જનતાને માટે આર્શિવાદરૂપ બને તેમ છે.

આમ છતાં સત્તાધીશો આ બાબતે કશુ કરતા નથી.અધિકારીઓ અને ચૂંટાયેલા પદાધિકારીઓ પૈકી કોઈ એસ.ટી. બસમાં મુસાફરી કરતા જ ન હોય તેઓેને મન એસ.ટી.બસનું કંઈ જ મહત્વ ન હોય તે સ્વાભાવિક છે જયારે આમજનતા માટે એસ.ટી.બસ એકમાત્ર સસ્તુ અને સલામત વાહન છે. તેથી આ ગંભીર બાબતે સત્તાધીશોના પેટનું પાણી પણ હલતુ નથી. આમેય મુસાફરો વધારે હોય ત્યાં સરકારી અધિકારીઓ અને કર્મચારીઓની માલીકીના ખાનગી વાહનો વધુ દોડતા જ હોય છે. કદાચ, એટલે જ આવા રૂટ ઉપર એસ.ટી.બસ બંધ રખાય છે. જેથી ખાનગી વાહનવાળાને ઘી કેળા મળતા રહે તેવુ લોકમુખે ચર્ચાય છે. તંત્ર દ્વારા સ્થાનિક રહિશોના લાભાર્થે તળાજાથી રબારીકા બસ વહેલી તકે શરૂ કરવાની તાતી આવશ્યકતા છે. Read the full article

[shankhnadnews]

પુત્રના પ્રેમલગ્ન બન્યા પિતાની હત્યાનું કારણ, સનસનીખેજ ખુલાસો

રબારીકા ગામે થયેલી હત્યાનો ભેદ ઉકેલાયો, ચોકવનારા ખુલાસા સામે આવ્યા, પરમ દિવસે નિંદ્રાધીન ભુપતભાઈનું ઢીમ ઢાળી દેવાયું હતું, ત્રણને પોલીસે દબોચી લીધા, ઘટનાના મૂળ સુધી પોહચવા જિલ્લા પોલીસવડા અને સિહોર પોલીસે રાત દિવસ એક કર્યા બ્રિજેશ ગૌસ્વામી.. દેવરાજ બુધેલીયા.. ઓન ધ સ્પોટ..સમી સાંજના ૭..૩૦ કલાકે

સિહોરના રબારીકા ગામે ગત બુધવારના રોજ રાત્રીથી સવારના કોઈ પણ સુધીમાં ભુપતભાઈ નામના આધેડની થયેલી હત્યામાં સનસનીખેજ ખુલાસાઓ થયા છે અને મામલે ભારે ચકચાર જાગી છે પુત્રના પ્રેમલગ્ન પિતાની હત્યાનું કારણ બન્યા હોવાનું જાણવા મળ્યું છે જે મામલે પોલીસે ત્રણની ધડપકડ કરી છે વિગત એવી છે કે ગત બુધવારે અમદાવાદમાં રહી કારખાનુ ધરાવતા બ્રાહ્મણ આધેડ પોતાના પરિવારજનો સાથે દિવાળીનું મિનિ વેકેશનમાં વતન રબારીકા ગામે આવ્યા હતાં. જ્યાં બુધવારના દિવસે રાત્રી થી વહેલી સવાર સુધીના સમયે એ બ્રાહ્મણ આધેડના ઘરમાં અજાણ્યા શખ્સોએ ત્રાટકી તીક્ષ્ણ હથિયાર વડે ઉંઘની હાલતમાં જ જીવલેણ ઘા મારી હત્યા નિપજાવી નાશી છુટયા હતાં. અમદાવાદના નારણપુરા વિસ્તારમાં પટેલ કોલોનીમાં રહેતા ચિનાઈબાગમાં ખોડીયાર ઇલેક્ટ્રો પ્લેટુરસ નામનું કારખાનુ ધરાવતા ભુપતભાઈ અમરજીતભાઈ જાની (ઉ.૪૫ ) નામના બ્રાહ્મણ આધેડ પોતાના ત્રણ પુત્ર સાથે દિવાળીના વેકેશનમાં પોતાના સિહોરના રબારીકા ગામે સ્થિત વતને આવ્યા હતાં. જ્યાં તા. ૨૯ ને મંગળવારે બે પુત્રો અમદાવાજ જતા રહ્યા હતા. બ્રાહ્મણ આધેડ પોતાના નાના પુત્ર કલ્પેશ, પત્ની કામીનીબેન સાથે રબારીકા ગામે રોકાયા હતા.મંગળવાર રાત્રિનાં બ્રાહ્મણ આધેડ પોતાના મિત્ર સુરેશ પંચાલ (રહે. અમદાવાદ) સાથે સુતા હતા તે અરસામાં રાત્રિના સમયે અજાણ્યા શખ્સોએ ઘરમાં પ્રવેશ કરી ભુપતભાઈ બ્રાહ્મણને ગળાના ભાગે તિક્ષ્ણ હથિયાર વડે ગળાના ભાગે હુમલો કરી મૃત્યુ નિપજાવ્યું હતું.જે અંગે વહેલી સવારે કૌટુંબીક વાલજીભાઈ બ્રાહ્મણે અમદાવાદ સ્થિત બંને પુત્રોને જાણ કરતા ઘટનાસ્થળ પર દોડી આવ્યા હતા પિતાની હત્યા મામલે મોટા પુત્ર હિમાંશુ જાનીની ફરિયાદ પરથી પોલીસે અજાણ્યા હત્યારાઓ વિરૂધ્ધ ગુનો નોંધી શોધખોળ શરૂ કરી હતી પુત્ર હિમાંશુ જાનીએ પિતાની હત્યા ચાર સામે શંકા વ્યક્ત કરી હતી હત્યા અને ઘટના મામલે પોલીસ તંત્ર પણ મુંજવણમાં મૂકાયું હતું બનાવના મૂળ સુધી પોહચવા ભારે જહેમત અને રાત દિવસે જિલ્લા પોલીસવડા અને સિહોર પોલીસ ટીમે કરી હતી બનાવમાં વિગતો એવી ખુલ્લી છે જે ચોંકાવી દેનારી છે પુત્રના પ્રેમલગ્ન પિતાની હત્યાનું કારણ બન્યું છે અને પિતા ભુપતભાઈ મોતને ભેટ્યા છે સમગ્ર મામલે પોલીસે (૧) નરેશ ઉર્ફે લતીફ નંદરામભાઈ જાળેલા પાલીવાળ ઉ.૩૮ રહે દેવગાણા (૨) શરદભાઈ ભીખાભાઈ બારૈયા જાતે પાલીવાળ ઉ.૨૩ રહે દેવગાણા (૩) રણજિત નંદલાલભાઈ સોલંકી દલિત, ઉ.૨૭ રહે દેવગાણાની ધડપકડ કરીને ધોરણસરની કાર્યવાહી હાથ ધરવામાં આવી હતી ત્રણેયને આવતીકાલે કોર્ટ રજૂ કરીને રિમાન્ડની માંગણી કરવાના હોવાનું જાણવા મળ્યું છે ત્યાં રબારીકાની ચકચારી હત્યાનો ભેદ ઉકેલવામાં પોલીસને મોટી સફળતા મળી છે. Read the full article

[shankhnadnews]

સિહોરના રબારીકા ગામે થયેલી હત્યાના મૂળ સુધી પોહચવા પોલીસની સઘન તપાસ

ફરિયાદીએ ચાર સામે શંકા વ્યક્ત કરી, પોલીસે અલગ ટિમો બનાવી ઘટનાના મૂળ સુધી પોહચવા કવાયત શરૂ કરી

હરેશ પવાર સિહોરના રબારીકા ગામે થયેલી આધેડની હત્યાએ શહેર અને પંથકમાં ખળભળાટ મચાવી દીધો છે લોકોમાં ભય અને ફફડાટનો માહોલ વ્યાપી જવા પામ્યો છે. સિહોર તાલુકાના ઘાંઘળી ગામે દિવાળીના દિવસે જ એક મહિલાની કરપીણ હત્યા થયાની તાજી હતી ત્યાં ફરી ગઈકાલે રબારિકા ગામે રાત્રિના સુમારે નિદ્રાધીન આધેડની અજાણ્યા શખ્શો દ્વારા હત્યા કરાતા સિહોર પંથકમાં ચકચાર મચી જવા પામી હતી. જિલ્લા પોલીસ વડા સહિતના ઉચ્ચ પોલીસ અધિકારીઓનો કાફલો રબારિકા ગામે દોડી ગયો હતો અને આગળની તપાસનો ધમધમાટ શરૂ કર્યો હતો જેમાં ચાર સામે થયેલી પોલીસ ફરિયાદ આધારે અલગ અલગ ટિમો બનાવી ઘટનાના મૂળ સુધી પોહચવા પોલીસે કવાયત શરૂ કરી છે સિહોર તાલુકાના રબારિકા ગામે રહેતા ભૂપતભાઇ અમરજીભાઇ જાની તેમના પરિવારજનો ગત તા.28/10ના રોજ અમદાવાદથી વતન રબારિકા ગામે આવ્યા હતા. બાદમાં ગત તા.3/11ના રોજ ભૂપતભાઇના પત્ની કામિનીબેન, તેમના પુત્રો અને પુત્ર વધૂઓ પરિવાર સાથે અમદાવાદ ચાલ્યા ગયેલ. અને ભૂપતભાઇ રબારિકા ગામે રોકાઇ ગયેલ. તા.5/11ના રોજ રાત્રિના ભૂપતભાઇ અને તેમના મિત્ર સુરેશભાઇ પંચાલ ઘરની ઓસરીમાં સુતા હતા તે દરમ્યાન રાત્રિના શુમારે કોઇ અજાણ્યા શખ્શો દ્વારા ભૂપતભાઇના ગળાના ભાગે ધારદાર હથિયારના ઘા કરી તેઓની કરપીણ હત્યા કરી નાસી ગયેલ ફરિયાદીએ ચાર જેટલા શખ્સો સામે શંકા વ્યક્ત કરી છે અને પોલીસના ચોપડે નામ પણ નોંધાવ્યા છે હત્યા શા કારણ થી કરવામાં આવી..આ હત્યા કયા કારણોસર થઇ ? કોણે કરી ? રાત્રી લઈ સવાર સુધીમાં કયારે થઈ ? તે રહસ્ય હજી અકબંધ છે પરંતુ ઘટનાના મૂળ સુધી પોહચવા પોલીસ દ્વારા અલગ અલગ ટિમો બનાવાય છે અને કામે લગાડી દેવાઈ છે ચાર સામેની પોલીસ ફરિયાદમાં પણ પૂછપરછ અને તપાસનો દોર શરૂ કરાયો છે બનાવ અને ઘટનાને લઈ સિહોર અને પંથકમાં ફફડાટ ફેલાયો છે. Read the full article

[thebrandguru-blog]

Happy ashasdhi Beej #thebrandguru #jetpur #jetalsar #sorth #junagadh #vadal #pedhla #mandlikpur #motagunda #dhoraji #panchpipala #keradi #premgadh #mevasha #rabarika #jambudi #bhadara #jamkandorana #bordisamdhiyada #kharchiya #bamangadh #bhedapipdiya #khirshra #amarnagar #vadiya #kukavav #bagashara #bheshan (at Jetpur)