#sprettir

[laddih]

Fimmtudagssprettir

Feitir fimmtudagssprettir með Afrekshópnum.  Tókst hið ómögulega, að draga konuna með á æfingu og við tókum upphitun í samfloti með Palla, Þórdísi, Önnu Láru og Steinunni Ástu.  Blautt og vel vindasöm upphitun en endaði svo að lokum aftur uppi í frjálsíþróttahöll þar sem halda skyldi í 6x400-200 spretti...

En viti menn, þar komum við að 'luktum' dyrum því að í höllinni var eitthvað mót sem hafði algjörlega gleymst að segja okkur af.  Því var ekkert annað að gera en að taka sprettina úti og Hvíti Kenýa breytti þeim snarlega í 6-8x400 metra spretti því að vindurinn var töluverður fyrir utan rigninguna.  En við erum auðvitað engir aumingjar þannig að við drifum okkur bara í verkið!

Fórum fyrstu þrjá á móti vindindum og svo seinni þrjá með, kom betur út þannig en fyrir vikið voru tímarnir eilítið 'brenglaðir'.  Töluvert hægari úteftir en urðu svo styttri á leiðinni til baka, sá síðasti hraðastur.  Gekk vel, púlsinn á fínu róli í sprettunum og náði að halda góðu tempó.  Konan var líka ánægð með þetta og er alveg æst í að mæta fljótlega aftur... :D

Dagsetning: 17.01.2012@18:15 Meðalhraði: 4:37 mín/km (hraðasti sprettur) Heildartími: 58 mínútur (ish) Vegalengd: 8.200 metrar (ish) Meðalpúls: 170 slög á mínútu (í sprettunum)

[laddih]

Þriðjudagssprettir

Þröngir þriðjudagssprettir í Höllinni.  Fyrst stutt upphitun úti, hefðbundinn hringur.  Hljóp með Þórdísi og Önnu Láru, sem var fínt, þær voru á þægilegum hraða og púlsinn hjá mér var á kórréttum stað alla upphitunina, aldrei þessu vant.  Svo vippaði ég mér úr útigallanum, teygði smá, nokkrar hraðaaukningar og svo beint í sprettina...

Ákvað fyrstu fjóra sprettina að elta Önnu, sem var fínt.  Hún var á þægilegum hraða fyrir mig og púlsinn hjá mér var fínn svona framan af hverjum spretti en jókst svo skyndilega í lokin.  Væntanlega eitthvað sem lagast með tímanum og fleiri sprettæfingum.  Hún var hinsvegar ekkert að hafa fyrir að bíða eftir að púlsinn færi niður á milli spretta þannig að ég hætti að elta hana og fór í staðinn að héra fyrir Guðrúnu sem var eiginlega bara stórfínt.  Hún leyfði mér bæði að stjórna hraða og pásum þannig að þetta var gáfulegt fyrir okkur bæði.  Svo var létt niðurskokk, vink á Kára Stein og beint heim í jólamatsafganga, ekkert að því... :P

Dagsetning: 15.01.2012@17:45 Meðalhraði: 4:40 mín/km (hraðasti sprettur) Heildartími: 50 mínútur (á hlaupum (ish)) Vegalengd: 8.500 metrar (ish) Meðalpúls: 175 slög á mínútu (í sprettunum)

[laddih]

Fimmtudagssprettir

Sprettir í frjálsíþróttahöllinni.  Fyrst glerhál upphitun og svo beint í 4x1000m spretti með frjálsri aðferð, 2 mínútur í pásu á milli.  Gengu ekkert svakalega vel, elti Palla, Dagrúnu og Ástu í fyrsta sprettinum en sá fljótlega að það var tómt rugl, of hratt og allt of hraður púls.  Næstu þrír voru því mun hægari (þó ekki púlsinn sem var í tjóni allan tímann).  En þetta var fínt spark í punginn að drattast af stað.  Verður væntanlega betra með hverri æfingunni sem líður (og ég mæti á og hleyp)... :P

Dagsetning: 03.01.2012@18:15 Meðalhraði: 4:53 mín/km (í hraðasta spretti, aðrir eitthvað hægar) Heildartími: ca. klukkutími á hlaupum Vegalengd: 8km-ish Meðalpúls: 180 slög á mínútu í sprettunum (allt of hratt)

[laddih]

Fyrsta sprettæfingin...

...í heilan mánuð eftir nákvæmlega klukkutíma.  Fyrst smá upphitun og svo 10-15x200m sprettir inni í Frjálsíþróttahöllinni.  Markmið dagsins:  Ná allavega að klára 10 spretti án þess að deyja, allt annað en það er bónus! :D