#svef

[ftladystardust]

ANSWER 28 RN.

N. NO??????????

[hugsmidjan]

Spennandi tímar hjá SVEF

Starfsmenn Hugsmiðjunnar [email protected]

Aðalfundur Samtaka vefiðnaðarins var haldinn síðastliðinn miðvikudag þann 27.maí. Á fundinum var í stuttu máli farið yfir stefnumótun og ákveðið að auglýsa eftir framkvæmdastjóra í 50% starf eins fljótt og auðið er. Einnig var ákveðið að gera þyrfti meira í því að opna samtökin betur og hafa fleiri viðburði. Talað var um að SVEF ætti að vera „viðburðamaskína“ fyrir fólkið í bransanum. Það er því óhætt að segja að það sé spennandi ár framundan hjá SVEF.

Einnig var kosið í stjórn. Markús M. Þorgeirsson tók við formannsembætti af Rósu Stefánsdóttur. Þeir sem sitja áfram til eins árs eru Ólafur Sverrir Kjartansson, Tinni Sveinsson og Ragnheiður H. Magnúsdóttir. Þeir sem voru kjörnir nýir inn til 2 ára eru Jonathan Gerlach, Benedikt D. Valdez Stefánsson og Örvar Halldórsson.

Eftir aðalfundinn voru þrír fyrirlestrar þar sem fjallað var um stöðu vefverslunar á Íslandi og gátu bjórþyrstir Svef-arar fengið sér nokkra kalda á meðan. Fyrirlesarar bjórkvöldsins komu frá Póstinum, Heimkaup og skór.is.

Einar Geir Jónsson, forstöðumaður þróunar hjá Póstinum fjallaði um stöðu og horfur í vefverslun á Íslandi. Einar fór ofan í töluleg gögn og sýndi fram á að vefverslun á Íslandi væri komin mun skemmra á veg en í löndunum í kring þrátt fyrir að netnotkun sé almennt mikil á Íslandi. Um 79% af þeim Íslendingum sem versla á netinu a.m.k. einu sinni á ári, versla erlendis. Gríðarlega mikil verslun fer því beint til útlanda í stað þess að versla við íslenskar vefverslanir og taldi hann að auka þyrfti traust almennings á íslenskum vefverslunum.

Einar kynnti einnig nokkrar nýjar leiðir í heimsendingu sem Pósturinn er að fara í til að bæta þjónustu sína. Auk þess er ætlunin að einfalda verðskrá fyrir póstsendingar töluvert. Loks sagði Einar frá því að stofnun samtaka íslenskra vefverslanna sé í startholunum. Mjög áhugavert verður að fylgjast með þeirri þróun.

Frá Heimkaup kom Guðmundur Magnason framkvæmdastjóri, með vangaveltur um það hvers vegna Íslendingar versla svo lítið á netinu. Heimkaup er stærsta íslenska vefverslunin en er í þriðja sæti yfir stærstu vefverslanir á Íslandi, á eftir Ali Express og Amazon.

Samkvæmt heimildum Guðmundar eru Íslendingar eina þjóðin í Evrópu sem verslar meira af erlendum netverslunum heldur en innlendum. Það sem skiptir höfuðmáli í þessu samhengi að sögn Guðmundar er góð þjónusta, gott vöruúrval og gott verð. Kenning hans var sú að íslenskar vefverslanir séu hreinlega ekki að bjóða upp á alla þessa þætti.

Pétur Þór Halldórsson, forstjóri skór.is tók undir orð Guðmundar að verð og vöruúrval séu aðaltriðin en einnig að vefirnir njóti trausts meðal fólks. Vefverslunin skór.is leggur mikið upp úr því að bjóða góða þjónustu, að taka öll símtöl strax og svara viðskiptavinum strax á Facebook og í tölvupósti.

Mikið var um spurningar á viðburðinum og mikill áhugi fyrir efninu. Það sem kom hvað mest á óvart meðal fólks var hve lítil áhersla væri á notendaupplifun hjá þessum tveimur stærstu vefverslunarvefjum. Guðmundur og Pétur Þór voru nánast sammála um það að notendaupplifun sé ekki atriði sem skiptir máli og hefur því ekki farið í forgang á vefjum þeirra. Þeir töldu að það skipti í raun engu máli hve flottir vefirnir væru þegar verð og vöruúrval vefverslana er almennt ekki í lagi.

[hugsmidjan]

Okkar vefir í úrslitum

Tóró Stefánsson [email protected]

Það er alltaf spenna í vefbransanum í kringum Íslensku vefverðlaunin sem SVEF (Samtök vefiðnaðarins) veita á hverju ári.

Frá verðlaunaafhendingu í fyrra.

Nú liggur fyrir hvaða fimm vefir hlutu náð fyrir augum dómnefndar í verðlaunaflokkunum 12. Úrslitin sjálf verða kunngjörð föstudaginn 31. janúar.

Samtals eru 13 tilnefningar af 60, eða rúmlega fimmtungur, vefir sem við höfum unnið.

Þess má til gamans geta að 2012 áttum við 14% tilnefninga, þannig að við bætum okkur um rúmlega 50% milli ára - svo langt sem slíkar reiknikúnstir ná.

Besti fyrirtækjavefurinn (Lítil og meðalstór fyrirtæki) http://www.redcar.is

Besti fyrirtækjavefurinn (Stærri fyrirtæki) http://www.re.is http://www.tm.is

Aðgengilegasti vefurinn http://www.fjs.is http://www.re.is http://www.samskip.is http://www.tm.is

Besti innri vefurinn Þjónustuvefur Mílu

Besti vefmiðillinn http://blogg.hugsmidjan.is

Besti opinberi vefurinn http://www.fjs.is http://www.matis.is http://www.orkustofnun.is http://www.vinnueftirlit.is

Sjáumst hress á verðlaunahátíðinni 31. janúar. Við hlökkum til að sjá alla í Gamlabíó og fagna góðu starfsári með kollegum okkar í vefiðnaðinum.

Verið velkomin að koma og gleðjast með okkur.

[hugsmidjan]

Um UT messuna og Íslensku vefverðlaunin

Halla Kolbeinsdóttir [email protected]

Síðasta helgi var viðburðarrík. Föstudag og laugardag vorum við með bás á UT messunni. Þar var hellingur um að vera, fullt af áhugaverðum básum og margir viðburðir báða dagana. Básinn okkar iðaði af lífi; fína kaffið okkar var vinsælt, snjallpennarnir og nammið. Ja, og vonandi við líka!

Í föstudagseftirmiðdegið voru svo Íslensku vefverðlaunin afhent.

Nýr flokkur: Aðgengilegasti vefurinn

Hugsmiðjan er mjög sátt við nýjan aðgengisflokk sem bætt var við í ár. Við höfum í gegnum árin sett mikið púður í að gera alla okkar vefi aðgengilega og að koma þeim hugsunarhætti inn í allt okkar verkferli.

Það er ekki endilega augljóst hvort vefur er aðgengilegur eða ekki, en þeir sem þurfa mest á því að halda eru þeir sem finna fyrir því þegar þeim hefur verið gleymt við smíði vefs. Litlir hlutir eins og að passa alltaf að setja inn “alt” texta fyrir myndir. Skrifa HTMLið eftir stöðlum, setja veftréð neðst í kóðann en birta hann efst með stilsniðinu. Margir litlir hlutir sem auðvelt er að láta sér yfirsjást, en hafa mikil áhrif á t.d. notendur sem reiða sig á skjálesara.

Þessvegna finnst okkur mjög jákvætt að skipuð var sérstök dómnefnd sérfræðinga í aðgengismálum í ár. Hún skoðaði tilnefnda vefi með þess til gerðum tækjum og með sérfræðiáliti sínu mat aðgengileika út frá sömu fítusum og fatlaðir notendur gera.

Sigurvegarinn var vefur Skattrannsóknarstjóra, Skattrann.is, sem var unninn af Hugsmiðjunni. 

Dómnefndin hafði eftirfarandi að segja:

Skattrann vefurinn er auðveldur í notkun, skipuleggur mikið magn efnis á þægilegan og árangursríkan hátt, notar tækninýjungar til að auðvelda notendum að finna það sem þeir leita að á vefsvæðinu, uppfyllir öll grunnskilyrði um litamótstöðu, lyklaborðsaðgengi, skýrleika og einfalda uppsetningu á texta, notkun fyrirsagna, kennileita, notar titil á síðu, skilgreinir tungumál síðunnar, merkir myndir þannig að þær eru skýrar fyrir skjálesara og merkir alla tengla og aðgerðarhnappa á skýran og skilmerkilegan hátt.

Athyglisverðasti vefurinn

Nýr vefur okkar, hugsmidjan.is, vann í flokknum Athyglisverðasti vefurinn. Skráðir félagsmenn SVEF kjósa um sigurvegarann í þessum flokki. Við þökkum félögum okkar í vefiðnaðinum kærlega fyrir hrósið. 

[raggam]

Snilld að félagsmenn SVEF skyldu kjósa vefinn okkar hjá Hugsmiðjunni sem athyglisverðasta vefinn þetta árið. Ekki slæmt að fá þennan heiður frá fólkinu í bransanum. 

[raggam]

Það var sérstaklega gaman að þessi vefur fengi verðlaun fyrir aðgengilegasta vefinn. Mér skilst að það hafi verið sérstök dómnefnd að dæma þennan flokk: Birkir hjá Blindrafélaginu og Sigrúnu hjá Sjá. Þau notuðu nýjustu græjur í að meta aðgengi vefjana í úrslitum ásamt því að fara handvirkt yfir þá og fékk vefurinn 99% aðgengiseinkunn sem er náttúrulega nánast yfirnáttúrulegt. Við hjá Hugsmiðjunni erum sátt.

[hugsmidjan]

Vefarar Hugsmiðjunnar nota LESS viðbótina til að auðvelda þróun á snjallvefjum (responsive design).

Már Örlygsson var með fyrirlestur um málið á bjórkvöldi Samtökum Vefiðnaðarins (SVEF) í apríl 2012.

Glærurnar getur þú skoðað hér

[beautyvsfunction]

Video I took of Meniga.is being announced as the Best Icelandic Website of 2010 at the Icelandic Web Awards. Followed with a shaky part of me and the Meniga team accepting the award :)

Here's what the awards panel had to say about meniga.is

"The best website of 2010 is not only exemplary when it comes to interaction design and usability but also when it comes to ingenuity and education found on the website.

Meniga has followed closely with what has been happening in the world of PFM and built a best of breed solution based on best practice. A notable factor as the website is also an important sales and acquisition tool. Meniga has resolved all these challenges very well."